Dioni 20:16 - Panake Pi La: Ula: Buka pita: Kine Pieke Buka

¹⁶ Yesuma꞉ ipiki pa꞉ta꞉ alota꞉ Metio leekeme. Mo wanda꞉ma꞉ ipiki pa꞉ta꞉ la꞉ka꞉la mina hata꞉ Hibulu pi la alota꞉ Labonaie leekeme. Koto leeke ekita꞉ Wala꞉la꞉ Halio laa leekeme.

Dioni 20:16 Referans Kwoze

Dioni 10:3

Mo pota꞉ kake handeteke hala꞉ halima꞉ta꞉ koto hali pena꞉ta꞉ pota꞉ lombalieke. Kutupa mo halima꞉ ipika꞉ ma꞉na꞉ manuna꞉ biki laa wi la꞉ mepi peaata꞉ mo ma꞉na꞉ manuma꞉ ipika꞉ pi ho̱la̱꞉make opimika꞉na꞉ta꞉ hama꞉ nane hatuku pelieke.

Dioni 1:38

Yesuma꞉ la꞉ka꞉la꞉ mina ipiki telia꞉ mea epepekeeki handaa ipiliki lota꞉ pitolo alota꞉ Aleke weitelepepe leekeme. Ipilikana꞉ma꞉ ipika꞉ pi hombo peaaso alota꞉ La꞉baio. Neketa꞉ hando pa꞉ta꞉ hao halepe lepekeme. Do La꞉bai ala꞉ ekita꞉ Disa la kone ala꞉ekie.

Aposolo 10:3

Nate ma꞉nda꞉na꞉ nate toke nane haena꞉ Koda꞉na꞉ enisolo homeke epeekeeki upama꞉ ota꞉ peneme yao handeke nono piekeme. Mo enisoloma꞉ ipiki pa꞉ta꞉ alota꞉ Koniliesio leekeme.

Aposolo 9:4

Kutupa mo some kenkena꞉ honda꞉pa topopi lopolo hata꞉ ho̱la̱꞉make opiekepate alota꞉ Soloo. Soloo. Ekipeke I̱ yaapo a꞉nda꞉ litelepe leekeme.

Dioni 6:25

Mo wanda꞉halima꞉ta꞉ Yesuta꞉ mo hande tunkula꞉pa pitieke ikali mone tea꞉na꞉ hayekeeki handaata꞉ ipiki pa꞉ta꞉ alota꞉ Disao. Do pa꞉ta꞉ handima꞉ a꞉pa pipe lemekeme.

Kini Pieke 22:11

mo Tekehalina꞉ enisoloma꞉ ya pa꞉ta꞉ yama꞉ ipiki pa꞉ta꞉ wi alo alota꞉ Eipoloha꞉ma꞉o. Eipoloha꞉ma꞉o leekeme. Ipikana꞉ma꞉ hombo peaaso alota꞉ Wae. I̱ do handa꞉e leekeme.

Dioni 20:28

Tomasima꞉ alota꞉ Neketa꞉ yaka Tekehali make yaka Koda꞉ make haleme leekeme.

Dioni 13:13

Ikana꞉ma꞉ I̱ biki yaapo alo hata꞉ Disa make Tekehali make aleme ekita꞉ ana꞉piki pi alememe. I̱ta꞉ koto polome.

Dioni 11:28

Madama꞉ kotoeki laa pa pua hakepiki Meti pa꞉ta꞉ yopu pua alota꞉ Tekehalima꞉ do a꞉pa hata꞉ neke wi ala꞉me.

Dioni 5:2

Mo Diutuseleme da pa꞉ta꞉ta꞉ hande Sipisipi Pota꞉ Kake nepoko pa꞉ta꞉ tunkula꞉pa pila꞉ ikali kendo ula꞉me. Hibulu pi laa mo ikali bikita꞉ Bedeseda lo halememe. Koto ikali nepoko pa꞉ta꞉ta꞉ tu peaasa꞉ da yunki hata꞉ hala꞉me.

Dioni 3:2

nate ma꞉nda꞉na꞉ timba Yesu pa꞉ta꞉ pua alota꞉ Disao. Neketa꞉ Koda꞉ma꞉ tapaaleke walele hali hale ekita꞉ handoloma꞉me. Kutupa nakana꞉ma꞉ wele pitele tupa꞉ Koda꞉ yaapo na hake halima꞉ wele pea꞉peke na ya꞉la꞉me la leekeme.

Dioni 1:49

Nada꞉nielema꞉ ipika꞉ pi hombo peaaso alota꞉ Disao. Neketa꞉ Koda꞉na꞉ Eiyekee. Neketa꞉ Isulai wanda꞉halina꞉ Kini halie leekeme.

Luku 10:41

Koto leeke Tekehalima꞉ Madana꞉ pi hombo peaaso alota꞉ Madao. Madao. Nakana꞉ma꞉ ala꞉ta꞉ ala꞉ta꞉ wotu pa꞉ta꞉ hone u taapo make hone ka꞉nda꞉ma꞉ homelepate

Ma꞉tiu 14:27

Kutu pimikipate koto kone Yesuma꞉ iki pa꞉ta꞉ pi alo hata꞉ alota꞉ Honkopu hapee. Dota꞉ I̱e. Paala꞉ma꞉ na homa꞉pepee leekeme.

Kini Pieke 45:12

Diosepema꞉ ombu alota꞉ Ameta꞉ iki paeyaoma꞉ make Benisamini nakana꞉ma꞉ make I̱ta꞉ ota꞉ Diosepee laa handelememe.

Kini Pieke 22:1

Nate ma꞉nda꞉na꞉ Koda꞉ma꞉ Eipoloha꞉ma꞉ la handuluekema꞉ wi alota꞉ Eipoloha꞉ma꞉o leeke Eipoloha꞉ma꞉ma꞉ hombo peaasota꞉ Wae laa alota꞉ I̱ do handa꞉e leekeme.

Maka 10:51

Yesuma꞉ ipiki pa꞉ta꞉ alota꞉ Eki peaano hone pa꞉la꞉pe leekeme. Mo leke holupiki halima꞉ ipiki pa꞉ta꞉ alota꞉ Tekehalio. Ya leke yaapo ki laae leekeme.