Dioni 19:5 - Panake Pi La: Ula: Buka pita: Kine Pieke Buka

⁵ Koto ekina꞉ Yesuta꞉ mo tekeke hake pu manuma꞉ wepieke you aka꞉ pambao mo wepiki dau dopua hama꞉ nane peekeme. Pailedima꞉ iki pa꞉ta꞉ alota꞉ Hande hali doma꞉ handa꞉pe leekeme.

Dioni 19:5 Referans Kwoze

Dioni 19:2

Mo ami haliwekima꞉ta꞉ tekeke hake pumanu mea panka pea you aka꞉ wepia ipika꞉ youna꞉ pambaemekeme. Kutupata꞉ wepiki dau mea dopuao

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.

Dioni 1:29

Da kelepeeketa꞉ Dionima꞉ ipiki pa꞉ta꞉ Yesu epeekeeki handolo hata꞉ alota꞉ Koda꞉ ipika꞉ Sipisipi Ma꞉na꞉siki koto ipula꞉ma꞉ handa꞉pe laa ipikana꞉ma꞉ kenke wanda꞉hali paeyaona꞉ hoke hau peleme ekimanu mea pula꞉me.

Ma꞉tiu 27:29

Kutupa mo tekeke hake pumanu mea panka pea you aka꞉ tupa꞉ wepia ipika꞉ youna꞉ pambao hata꞉ mo tumapu homeke make ipika꞉ popeke kiki nane mea minao pimikime. Kutaata꞉ ipika꞉ leke popelekena꞉ ika꞉ tumiki yotuao kitaaso hata꞉ alota꞉ Diu wanda꞉halina꞉ Kini halio. Neke pa hao hapekee laa la꞉tiki pimikime.