Dioni 19:25 - Panake Pi La: Ula: Buka pita: Kine Pieke Buka

²⁵ Mo Yesu ipika꞉ a꞉ka꞉tei wapepiki ti teke pa꞉ta꞉ta꞉ ipika꞉ inkiki make inkikina꞉ hakepiki make Keliopasina꞉ wanda꞉ Meti kutupa mo Ma꞉kadala wanda꞉ Meti make paeyao koto pambo haemekeme.

Dioni 19:25 Referans Kwoze

Luku 23:49

Yesu ota꞉ handaa hone wimiki wanda꞉hali make ipiki Ka꞉lili nane kini pea telia꞉ mea epemeke wanda꞉ sunuma꞉ make mo pate leke hata꞉ do hau paeyao handemekeme.

Dioni 20:1

Da kelepuluekema꞉ yu pa̱a̱ pitolo haena꞉ Sande kone Ma꞉kadala wanda꞉ Metita꞉ hande hali hoimiki pa꞉ta꞉ puaata꞉ hande naku kake a꞉mbaniao wimiki toopita꞉ paa londolo wiekeeki handeekeme.

Luku 24:18

Ma꞉nda꞉ hondo Keliopasi leeke halima꞉ ipiki pa꞉ta꞉ lota꞉ pitolo alota꞉ Mo Diutuseleme daoni pa꞉ta꞉ a꞉pa haleme kimisu wanda꞉hali ame̱le̱ta꞉ hande ambaneke numaneke pia꞉ hau manuta꞉ neke homeke na opelepe leekeme.

Luku 8:2

Kutupa amba꞉ titina꞉ mo hande hoke temokomanu tolu lia make yenimanu pea mea epeaeyeke wanda꞉weki make Yesu telia꞉ mea pomimikime. Metita꞉ mo ipika꞉ puki pa꞉ta꞉ta꞉ temoko watake hata꞉ pitiekeeki tolu lieke wanda꞉e. Ipika꞉ biki ma꞉nda꞉ta꞉ Ma꞉kadalawanda꞉e.

Luku 2:35

ika꞉ hone a꞉mbao wita꞉la꞉ ekimanu peneme yao lelimikie. Kutupa ka꞉nda꞉ pikieki ma꞉nda꞉ make kepete ne haake ekima꞉ leke naka꞉ puki awilieke laa leekeme.

Maka 16:9

[Yesuma꞉ta꞉ Sande da panake ka꞉la꞉polo haena꞉ tiaota꞉ titina꞉ amba꞉la mo Ma꞉kadala wanda꞉ Metima꞉ handena꞉yeke peneme yaeyekeme. Mo wanda꞉ta꞉ Yesuma꞉ amba꞉ kone ipika꞉ hoke temoko watake hata꞉ tolu lieke wanda꞉e.

Ma꞉tiu 12:46

Yesuma꞉ koto wanda꞉hali pa꞉ta꞉ pimanu panake alo haena꞉ta꞉ ipika꞉ inkiki hameketonu opolo epemekeme. Ikana꞉ma꞉ da hama꞉ nane a꞉pa hata꞉ Yesu pa꞉ta꞉ pi lomono epena꞉e laa honke lemekeme.