Dioni 19:11 - Panake Pi La: Ula: Buka pita: Kine Pieke Buka

¹¹ Yesuma꞉ ipika꞉ pi hombo peaaso alota꞉ Nakana꞉ma꞉ I̱ pa꞉ta꞉ pea꞉peke ekita꞉ oli manda hala꞉ Koda꞉ma꞉ neke pa꞉ta꞉ na kia꞉ka꞉na꞉ yoluta꞉ I̱ pa꞉ta꞉ hau ma꞉nda꞉ pea꞉peke na yolo pime. Koto ekina꞉ neke pa꞉ta꞉ I̱ hatuku mea epea꞉ hali ipikita꞉ ketete tieke pa꞉la꞉me.

Dioni 19:11 Referans Kwoze

Loma꞉ 13:1

Iki paeyaoma꞉ta꞉ mo kapomanina꞉ biki ula꞉ haliwekina꞉ pi opua꞉peke ya꞉la꞉me. Do ekina꞉yeke loa꞉me. Koda꞉ma꞉ you hali ma꞉nda꞉ma꞉ta꞉ wanda꞉hali handeteke haena꞉ mea haena꞉ lea꞉ka꞉na꞉ta꞉ kota꞉ handeteke hapeke ya꞉la꞉me. Kutupa ame do handeteke haleme you haliwekita꞉ Koda꞉ma꞉ pina꞉e laa mea haleke handa halememe.

Dioni 3:27

Koto ekina꞉ Dionima꞉ ika꞉ pi hombo peaaso alota꞉ Koda꞉ma꞉ niki pa꞉ta꞉ aleta꞉ ma꞉nda꞉ na kia꞉ka꞉na꞉ta꞉ kota꞉ mea꞉peke na ya꞉la꞉me laa

Aposolo 2:23

Amba꞉ kone Koda꞉ma꞉ hone wiaata꞉ Yesuta꞉ ikana꞉ma꞉ milimikie laa pi la꞉ wiekeme. Kutupa ikana꞉ma꞉ta꞉ mo hoke hau pu haleme haliwekima꞉ Yesuta꞉ hande a꞉ka꞉tei wapepiki tina꞉ ikokoma꞉ tamendiaena꞉ lemeke ekima꞉ ikana꞉ma꞉ kone Yesu limikime.

Aposolo 3:13

Eipoloha꞉ma꞉ Aisa꞉ke Dieikope ika꞉ Koda꞉ta꞉ nika꞉ apa꞉ titina꞉ Koda꞉ma꞉ kone mo wele pita꞉la꞉eki ipika꞉ e pokaeyeke hali Yesuna꞉ biki mea a꞉meiyaaso hata꞉ haleekeme. Kutu pa꞉la꞉pate ikana꞉ma꞉ Pailedi pa꞉ta꞉ luekema꞉ hatuku pua Pailedima꞉ta꞉ paa pena꞉ loluekema꞉ taapolo haena꞉ kone ikana꞉ma꞉ luekema꞉ taapeme hali ipikina꞉ loa꞉me.

Dioni 7:30

Koto leeketa꞉ ipiki da꞉ka꞉pa꞉ minuluekema꞉ pimikipate ipika꞉ nate a̱i̱ dia꞉yeke handaa hali ma꞉nda꞉ma꞉ ipiki na miniekeme. Wanda꞉hali wopuma꞉ ipiki pa꞉ta꞉ hone tulaaso hata꞉ alota꞉

Dia꞉mesi 1:17

Mo epeke tupa꞉ kita꞉la꞉ ekimanu paeyao make mo epeke alemanu kita꞉la꞉eki paeyao make oli hepeni nanema꞉ ipulu hata꞉ pita꞉la꞉me. Hande ya nane haleme pa̱a̱ piki ale manuna꞉ Ateke pa꞉ta꞉ hola꞉pa꞉niao ipulu hata꞉ pita꞉la꞉me. Ipikana꞉ma꞉ hau ta꞉ta꞉ ta꞉ta꞉ pikieki topo na pealieke. Kutupa paa la꞉ka꞉lea꞉ka꞉na꞉ta꞉ tu na pilieke.

Ma꞉tiu 6:13

Ka꞉nda꞉piki ekima꞉ niki na la handa꞉peke. Kotoeki na pikita꞉ hoke Sadanima꞉ niki hoeyaama꞉na꞉ma꞉ nakana꞉ma꞉ niki epeke tupa꞉ handeteke hapeke laa yeni pea꞉pa꞉peke ya꞉la꞉me.

Dia꞉mesi 4:17

Koto ekina꞉ hali epima꞉ tikitiki hau pea꞉pekeeki hone wia hata꞉ kone ota꞉ na pia꞉ka꞉na꞉ta꞉ koto halima꞉ta꞉ hoke hau pita꞉la꞉me.

Loma꞉ 11:36

Koda꞉ma꞉ta꞉ ala꞉ta꞉ ala꞉ta꞉ paeyao ipikana꞉ma꞉ wepia wina꞉ la꞉la꞉me. Kutupa ala꞉ta꞉ ala꞉ta꞉ paeyao ipikana꞉ma꞉ kone pa putia pulu pulu haena꞉ ala꞉me. Kutu pa꞉la꞉ ekita꞉ ala꞉ta꞉ ala꞉ta꞉ paeyao ipika꞉eki kone wina꞉ loluekema꞉ pa꞉la꞉me. Nikana꞉ma꞉ta꞉ Koda꞉na꞉ pita꞉ hoto paeyao laatiki pu hamana꞉e. Kutu pina꞉e.

Aposolo 4:28

Ikana꞉ma꞉ momba꞉la hata꞉ kotoeki puluekema꞉ pimikipate nakana꞉ma꞉ naka꞉ hone wia naka꞉ wele pa꞉la꞉ ekima꞉ amba꞉ kone dupilimikie laa pina꞉ leleme.

Ma꞉tiu 27:2

Kutaata꞉ mo haliwekima꞉ Yesu mea senima꞉ tonkaota꞉ mo hande Loma꞉ Kapomani You hali tieke Pailedi pa꞉ta꞉ hatuku pemekeme.

Maka 14:44

Yesu minina꞉ a꞉nda꞉ lombeeke halima꞉ mo haliweki pa꞉ta꞉ patehau amba꞉ waleekeeki dupa. I̱ma꞉ nunu pulua꞉ halita꞉ ipikie. Koto hali da꞉ka꞉pa꞉ miniki hao hatuku mea pupe leekeme.

Dioni 18:3

Koto ekina꞉ Diudasima꞉ta꞉ mandane ami haliweki make mo yeni peao haemeke you haliweki mo Pa꞉tisi haliweki yaapoma꞉ tapaemeke tembolo da handeteke haemeke haliweki make hande e pa꞉ta꞉ hatuku peekeme. Mo haliwekima꞉ ola꞉pake make a꞉ndelimanu make mutia pemekeme.

Dioni 9:41

Yesuma꞉ iki pa꞉ta꞉ alota꞉ Leke holupiki haliweki haemekena꞉ yoluta꞉ iki pa꞉ta꞉ hokeeki ma꞉nda꞉ na ulu pia꞉me laa kutupulu pia꞉pate ikana꞉ma꞉ alota꞉ Nikita꞉ handoloma꞉me aleme ekina꞉ iki pa꞉ta꞉ hokeeki pa ula꞉me leekeme.

Luku 22:53

I̱ta꞉ nate wopu oni tembolo da tukiki pa꞉ta꞉ iki ame̱le̱ haowa꞉pate ikana꞉ma꞉ I̱ da꞉ka꞉pa꞉ minuluekema꞉ na taapememe. Koto pa꞉la꞉pate do timbata꞉ naka꞉ natee. Mo hande timba꞉ leke ekina꞉ honkopuma꞉ handeteke halo pa꞉la꞉ natee leekeme.

Ma꞉tiu 26:65

Koto pi opitolo hata꞉ta꞉ mo yeni peao hayeke you halima꞉ ipika꞉ dau sinkipolo hata꞉ alota꞉ Koda꞉ laasa꞉ pi ala꞉me. Ekipeke mo la kita꞉la꞉ haliweki ma꞉nda꞉ paa muluma꞉pe. Koda꞉ laasa꞉ pimanu opuma꞉me.

Dioni 18:13

A꞉nasi pa꞉ta꞉ amba꞉la꞉ hatuku pemekeme. Ipikita꞉ koto bapina꞉ yeni peao haemeke you haliwekina꞉ you hali Kaiya꞉pasi ipika꞉ meiyeke hayekeme.

Dioni 19:10

Koto ekina꞉ Pailedima꞉ ipiki pa꞉ta꞉ alota꞉ I̱ pa꞉ta꞉ pi ma꞉nda꞉ na lelipiki laa neke da paa tapaowa꞉ka꞉na꞉ make a꞉ka꞉tei wapepiki tina꞉ neke tamendiao lina꞉ loa꞉ka꞉na꞉ make I̱ma꞉ ana꞉na꞉ pea꞉peke ya꞉la꞉pate nakana꞉ma꞉ koto ekita꞉ hone na witele leekeme.