Dioni 18:8 - Panake Pi La: Ula: Buka pita: Kine Pieke Buka

⁸ Yesuma꞉ alota꞉ I̱e laa iki pa꞉ta꞉ amba꞉ la kua꞉me. I̱ weitolo lemeka꞉na꞉ta꞉ kota꞉ do haliweki pao pena꞉ lape leekeme.

Dioni 18:8 Referans Kwoze

1 Pida 5:7

Ipikana꞉ma꞉ iki pa꞉ta꞉ hone wopu u hala꞉ ekina꞉ ika꞉ witeleme hone eleke eleke paeyao ipiki pa꞉ta꞉ lopa monea꞉pa꞉peke.

Epesese 5:25

Haliwekio Ketisoma꞉ ipika꞉ siosi wanda꞉hali pa꞉ta꞉ pukima꞉ homolo hata꞉ ipika꞉ da꞉ta꞉la꞉eki kone alupaeyeke tupa꞉ ikana꞉ma꞉ make ika꞉ wanda꞉weki pa꞉ta꞉ pukima꞉ homolo hata꞉ hapa꞉peke.

2 Kotindi 12:9

ipika꞉ hombo peaya꞉ ekita꞉ dupa lea꞉me. Yaka a꞉ta꞉ma꞉ homa tamba꞉ mina꞉la꞉ ekita꞉ ana꞉ pa꞉la꞉me. Pa ekipeke neke damako pele dina꞉ta꞉ kota꞉ yaka welena꞉ ota꞉ lombei pea tieke ula꞉me lea꞉me. Koto ekina꞉ta꞉ mo yaka damako pa꞉la꞉ ekimanu pa꞉ta꞉ hakoko luluekema꞉ I̱ta꞉ ta꞉na꞉ wopu pa꞉la꞉me. Pa ekipeke mo Ketisona꞉ handeteke hala꞉ welema꞉ I̱ handeteke hala꞉eki handuluekema꞉ loa꞉me.

1 Kotindi 10:13

Mo iki pa꞉ta꞉ la handa꞉la꞉eki manuta꞉ mo wanda꞉hali paeyao pa꞉ta꞉ pa ipu hala꞉eki kone ipula꞉pate pa Koda꞉ma꞉ ipika꞉ pi la꞉ wita꞉la꞉ ekita꞉ ota꞉ yao hala꞉me. Kutupa ipikana꞉ma꞉ta꞉ mo iki mea ota꞉ lombeipiki lopaapeke ya꞉la꞉ la handa꞉la꞉eki ma꞉nda꞉ na epena꞉ lelieke. La handa꞉la꞉ ekimanu ipulu haena꞉ kone Koda꞉ma꞉ ika꞉ pota꞉ pilao iki tamba꞉ milieke. Mo tamba꞉ mina꞉la꞉ ekina꞉ iki honkopu hao ana꞉na꞉ hamina꞉ lelieke.

Dioni 16:32

Opua꞉pe. Nate ma꞉nda꞉ta꞉ epolo pa꞉la꞉pate amba꞉ a꞉pa꞉la꞉me. Koto pa꞉la꞉ ekina꞉ iki paeyao tankulu paalu pea ta꞉ta꞉ ta꞉ta꞉ lo ika꞉ da nina꞉ kone polo pelemepate I̱ ya honumake siki pa halueke. Kutu pulu pelemepate I̱ta꞉ honumake na hake yaka Apa꞉ yaapo mandakena꞉ halupeke.

Dioni 13:36

Saimono Pidama꞉ Yesu pa꞉ta꞉ lota꞉ pitolo alota꞉ Tekehalio. Neketa꞉ hane poluekema꞉ alepe leeke handaa Yesuma꞉ alota꞉ I̱ polue naneta꞉ ame I̱ telia꞉ mea a꞉pa꞉peke na yolo pa꞉la꞉pate wetepena꞉ta꞉ telia꞉ mea ipilipikie leekeme.

Dioni 13:1

Mo hande Lombei Pupa Yapeeke natena꞉ ne pambuluekema꞉ hata꞉ta꞉ Yesuma꞉ do kenke mina꞉pa꞉lao Ateke pa꞉ta꞉ polo pieke di amba꞉ tunkula꞉la꞉me hone wiekeme. Ipikana꞉ma꞉ do kenkena꞉ haemeke ipika꞉ wanda꞉hali pa꞉ta꞉ pukima꞉ homo hao paeyaalo pulu hata꞉ make iki pa꞉ta꞉ pukima꞉ homeekeme.

Dioni 10:28

Iki pa꞉ta꞉ da꞉ta hao hala꞉eki halono ikita꞉ ota꞉ na homilimikie. Kutupa ikita꞉ ya kiki pa꞉ta꞉ haena꞉ hali ma꞉nda꞉ma꞉ pa꞉ta꞉la꞉ mea꞉peke na ya꞉la꞉me.

Ma꞉tiu 26:56

Pate do ikana꞉ma꞉ piteme hau manuta꞉ mo hande amba꞉ potopede haliweki ikana꞉ma꞉ mo Baibolo tukiki pa꞉ta꞉ wape pea ula꞉ pimanu peneme yaaluekema꞉ pitememe leekeme. Koto toma꞉na꞉ta꞉ ipika꞉ disaipolo haliweki paeyaoma꞉ Yesu mina꞉pa꞉lao kilipa pemekeme.

Dioni 18:7

Yesuma꞉ paa lota꞉ pitolo alota꞉ Epi weitelemepe leekeme. Mo haliwekima꞉ alota꞉ Mo hande Na꞉sa꞉tete hali Yesu weitoloma꞉me lemekeme.

Dioni 18:9

Ipikana꞉ma꞉ dupiki pi leeke ekita꞉ amba꞉ la꞉ ula꞉eki yaena꞉yeke leekeme. Dupae. Apa꞉o. Nakana꞉ma꞉ I̱ pa꞉ta꞉ ki haliweki paeyao pa꞉ta꞉ hali homeke kone na alupia꞉me leekeme.