Dioni 18:4 - Panake Pi La: Ula: Buka pita: Kine Pieke Buka

⁴ Yesuma꞉ta꞉ ipiki pa꞉ta꞉ epolo pieke hau paeyao hone wia mo haliweki pa꞉ta꞉ pua lota꞉ pitolo alota꞉ Epi weitelemepe leekeme.

Dioni 18:4 Referans Kwoze

Dioni 13:1

Mo hande Lombei Pupa Yapeeke natena꞉ ne pambuluekema꞉ hata꞉ta꞉ Yesuma꞉ do kenke mina꞉pa꞉lao Ateke pa꞉ta꞉ polo pieke di amba꞉ tunkula꞉la꞉me hone wiekeme. Ipikana꞉ma꞉ do kenkena꞉ haemeke ipika꞉ wanda꞉hali pa꞉ta꞉ pukima꞉ homo hao paeyaalo pulu hata꞉ make iki pa꞉ta꞉ pukima꞉ homeekeme.

Dioni 18:7

Yesuma꞉ paa lota꞉ pitolo alota꞉ Epi weitelemepe leekeme. Mo haliwekima꞉ alota꞉ Mo hande Na꞉sa꞉tete hali Yesu weitoloma꞉me lemekeme.

Aposolo 2:28

Mo hande da꞉ta꞉ lolo pa꞉la꞉ pota꞉ta꞉ I̱ pa꞉ta꞉ amba꞉ waleme. Kutupa nakana꞉ma꞉ I̱ yaapo hale ekina꞉ta꞉ ta꞉na꞉ma꞉ homa꞉la꞉ ekima꞉ I̱ pa꞉ta꞉ tumbaala꞉me laa la꞉la꞉me leekeme.

Dioni 19:28

Yesuma꞉ta꞉ I̱ma꞉ pea꞉peke ekita꞉ amba꞉ pu paeyaalome hone wiaata꞉ mo Baibolo bukana꞉ wape pa꞉la꞉eki yaaluekema꞉ ipikana꞉ma꞉ alota꞉ I̱ ikali na꞉na꞉ pa꞉la꞉me leekeme.

Dioni 13:11

Yesuma꞉ ipiki a꞉nda꞉ lombolo pieke hali amba꞉ hone witolo hata꞉ koto pi leekeme. Koto ekina꞉ Iki paeyao amba꞉ wamo pea halemepate hali homeke dia꞉me leekeme.

Dioni 6:64

Koto pa꞉la꞉pate iki ame̱le̱ haleme mandane haliwekima꞉ I̱ pa꞉ta꞉ hone na tulaasememe leekeme. Ipiki pa꞉ta꞉ hone na tulaalo peleme haliwekita꞉ Yesuma꞉ amba꞉ kone hone wiekeme. Ipiki lina꞉ a꞉nda꞉ lombolo polo pieke hali make amba꞉ kone hone wiekeme.

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Ma꞉tiu 26:31

Kutupa Yesuma꞉ iki pa꞉ta꞉ alota꞉ Ame do timba kone iki paeyaoma꞉ I̱ mina꞉pa꞉lao pindipa pelimikie. Pa ekipeke mo Baibolo bukana꞉ wape pa꞉la꞉ pita꞉ do tupa꞉ la꞉la꞉me. I̱ma꞉ mo sipisipi handeteke hao hala꞉ halita꞉ lulueke. Kutu pua꞉ka꞉na꞉ta꞉ mo sipisipi paeyaota꞉ mandane mandane pindipa pomo keaalimikie laa wape pa꞉la꞉me.

Ma꞉tiu 26:21

Koto ne nalo pita꞉ Yesuma꞉ iki pa꞉ta꞉ do tupa꞉ leekeme. I̱ma꞉ ota꞉ pi alome. Do I̱ ame̱le̱ mandake piluma꞉ some homeke ma꞉nda꞉ ipikana꞉ma꞉ I̱ lina꞉yeke a꞉nda꞉ lombilieke laa leekeme.

Ma꞉tiu 26:2

Ika꞉ hone wilimi tupa꞉ nate homeke hao ma꞉nda꞉na꞉ta꞉ mo hande Lombei Pupa Yapeeke Nate ipilieke. Koto natena꞉ta꞉ haliwekima꞉ mo Wanda꞉halina꞉ Eiyeketa꞉ a꞉ka꞉tei wape piki tina꞉ endiao lina꞉ halimikie leekeme.

Ma꞉tiu 16:21

Koto natena꞉ kini pu meata꞉ Yesuma꞉ ipika꞉ disaipolo tonu peneme yao alo hata꞉ dupa leekeme. I̱ta꞉ ota꞉ Diutuseleme da nane polueke. Kutu pua꞉ka꞉na꞉ta꞉ koto pa꞉ta꞉ mo you haliwekima꞉ make yeni peao haleme you haliwekima꞉ make wape pea wala꞉tiki pu haleme haliwekima꞉ make I̱ tanda tieke ota꞉ wotu kilimikie leekeme. I̱ kiao limika꞉na꞉ta꞉ homuluepate hoto tepo naku pa꞉ta꞉ wia paa da꞉taa tiao halueke leekeme.

1 Pida 4:1

Ketiso ipika꞉ lokema꞉ tanda mieke handa ikana꞉ma꞉ make ipikana꞉ma꞉ mo tanda mulu piekeeki pa꞉ta꞉ hone wieke tupa꞉ koto mandake honema꞉ kone iki honkopu hao hapa꞉peke. Kota꞉ ma꞉nda꞉ epima꞉ ipika꞉ lokema꞉ tanda mu haya꞉ka꞉na꞉ta꞉ ipikana꞉ma꞉ hoke hau mina꞉pa꞉lao hala꞉me.

Dioni 18:5

Koto leeke handa mo haliwekima꞉ ipika꞉ pi hombo peaaso alota꞉ Mo hande Na꞉sa꞉tete hali Yesu wei mea epoma꞉me lemekeme. Ipikana꞉ma꞉ alota꞉ Koto halita꞉ I̱ dota꞉ leekeme. Hande Yesu a꞉nda꞉ lombeeke hali Diudasita꞉ mo haliweki ame̱le̱ apa꞉tao hayekeme.