Dioni 18:11 - Panake Pi La: Ula: Buka pita: Kine Pieke Buka

¹¹ Kutu pieketa꞉ Yesuma꞉ Pida pa꞉ta꞉ alota꞉ Naka꞉ kepete hokulu pao mea dake pa꞉ta꞉ panka꞉niae. Yaka Apa꞉ma꞉ I̱ ka꞉la꞉ kapo ikalita꞉ na noluepe leekeme.

Dioni 18:11 Referans Kwoze

Ma꞉tiu 26:39

Hosiki mo pate leke puaata꞉ kenkena꞉ puki yama peliniaaso dupiki yeni piekeme. Ya Apa꞉o. Nakana꞉ma꞉ pea꞉peke ya꞉ka꞉na꞉ta꞉ kota꞉ do ipula꞉ ka꞉nda꞉ tieke wopu tumbiki kapota꞉ I̱ pa꞉ta꞉ na epena꞉ leke yoka꞉ muelena꞉e laa hone pa꞉la꞉pate ya hone pa꞉la꞉eki dia꞉me. Pa naka꞉ hone pa꞉la꞉eki homekee leekeme.

Ma꞉tiu 20:22

Koto leekepate Yesuma꞉ mo wanda꞉na꞉ eiyeke yaapo pa꞉ta꞉ alota꞉ Ipilika꞉ honke alepe ekita꞉ hone wotu na wiki hata꞉ alepeme. I̱ma꞉ mo ka꞉nda꞉ pa꞉la꞉ ekina꞉ kapona꞉ nolua꞉ ekita꞉ ipilikana꞉ma꞉ make napa꞉peke yelepe leekeme. Ipilikana꞉ma꞉ ipika꞉ pi hombo peaaso alota꞉ Diki ana꞉ pa꞉la꞉me lepekeme.

Dioni 20:17

Yesuma꞉ ipiki pa꞉ta꞉ alota꞉ I̱ na mina꞉pe. Yaka Apa꞉ pa꞉ta꞉ a̱i̱ na la꞉ka꞉la a꞉meilo ekina꞉ loa꞉me. Yaka kametiti pa꞉ta꞉ yaka pi lawaalo pua꞉peke. Yaka Apa꞉ ika꞉ Apa꞉ make yaka Koda꞉ ika꞉ Koda꞉ make ipiki pa꞉ta꞉ paa la꞉ka꞉la a꞉meinolome lapeke leekeme.

Dioni 15:10

I̱ma꞉ta꞉ yaka Apa꞉na꞉ pi ula꞉ ekimanu opua peata꞉ ipika꞉ pukima꞉ homa꞉la꞉eki pa꞉ta꞉ halo tupa꞉ ikana꞉ma꞉ make yaka pi ula꞉ ekimanu opua pimika꞉na꞉ta꞉ yaka pukima꞉ homoloeki pa꞉ta꞉ halimikie laa leekeme.

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.

2 Kotindi 10:4

Mo nikana꞉ma꞉ a꞉nda꞉ pitolo hata꞉ wia haloma꞉ kolepe a꞉ndeli manuta꞉ do kenkena꞉ ekima꞉ dia꞉ya꞉la꞉me. Pate mo hande honkopu hake a꞉nda꞉ pape hoeyao haloma꞉ Koda꞉na꞉ wele wopupiki kolepe a꞉ndelima꞉ pu haloma꞉me. Nikana꞉ma꞉ta꞉ makeaaso ape ala꞉ ekimanu hoeyao haloma꞉me.

Luku 22:42

Ipikana꞉ma꞉ alota꞉ Apa꞉o. Ana꞉ pia꞉ka꞉na꞉ta꞉ do I̱ pa꞉ta꞉ ipula꞉ kapo I̱ pa꞉ta꞉ na epena꞉ lapeke. Kutu pea꞉peke ya꞉la꞉pate yaka hone pa꞉la꞉eki dia꞉me. Naka꞉ hone pa꞉la꞉ ekina꞉ homeke pina꞉e leekeme.

Ma꞉tiu 26:42

Koto laata꞉ Yesuma꞉ hoto yaapo peao paa pua yeni pitolo hata꞉ alota꞉ Ya Apa꞉o. Do ka꞉nda꞉ma꞉ tumbiki kapo ipula꞉eki a꞉nda꞉ na yoka꞉ mea baeka꞉na꞉ ota꞉ nono lea꞉ka꞉na꞉ta꞉ kota꞉ a꞉pa꞉la꞉ma꞉ naka꞉ hone peleeki pea꞉peke leekeme.

2 Kotindi 6:7

mo ota꞉ pi waloma꞉ ekima꞉ make Koda꞉na꞉ honkopuma꞉ make paeyaoma꞉ puma꞉me. Nikana꞉ma꞉ta꞉ nika꞉ tikitiki piki hau pita꞉la꞉ ekita꞉ mo a꞉nda꞉ pita꞉la꞉ kolepe a꞉ndeli pita꞉ hanka꞉ yaapoma꞉ handa꞉la꞉me.

Dioni 18:36

Yesuma꞉ ipika꞉ pi hombo peaaso alota꞉ Yaka Kilu Tombuao Halo ekita꞉ do kenkena꞉eki dia꞉me. Yaka Kilu Tombuao Halo ekita꞉ do kenkena꞉eki yoluta꞉ I̱ telia꞉ mea pomineleme haliwekima꞉ta꞉ mo Diu haliwekima꞉ I̱ minaama꞉na꞉ yaka a꞉nda꞉ liaalo pimime. Dia꞉me. Yaka Kilu Tombuao Halo ekita꞉ do pa꞉ta꞉eki dia꞉me leekeme.

Dioni 17:24

Apa꞉o. Do haliwekita꞉ nakana꞉ma꞉ I̱ pa꞉ta꞉ keleme. Koto pele ekina꞉ I̱ halo alena꞉ iki make koto pa꞉ta꞉ haena꞉ yaka pa̱a̱ piki biki tieke moloeki handena꞉yeke I̱ma꞉ hone pa꞉la꞉me. Koto biki tieketa꞉ nakana꞉ma꞉ keleekie. Do kenke a̱i̱ na wepieke dina꞉ kone I̱ pa꞉ta꞉ pukima꞉ homele ekina꞉ keleme.

Luku 12:30

Mo Koda꞉na꞉ biki na opeleme wanda꞉halima꞉ta꞉ hoto paeyao koto alemanu hone wopu u halememe. Pate ika꞉ Apa꞉ma꞉ta꞉ koto alemanu nate paeyao ikana꞉ma꞉ mu halo peleme ekita꞉ hone ula꞉me.