Dioni 17:4 - Panake Pi La: Ula: Buka pita: Kine Pieke Buka

⁴ Neke tieke haleeki do kenkena꞉ hata꞉ walaata꞉ kutupa nakana꞉ma꞉ wale e make poko paeyaowa꞉me.

Dioni 17:4 Referans Kwoze

Dioni 4:34

Yesuma꞉ iki pa꞉ta꞉ alota꞉ Yaka neta꞉ dupae. I̱ tapaala꞉ halina꞉ hone pa꞉la꞉eki puluekema꞉ make ipikana꞉ma꞉ I̱ pa꞉ta꞉ walea꞉ e make pokao paeyawaaluekema꞉ loa꞉me leekeme.

Aposolo 20:24

Kutu pa꞉la꞉pate ya lokena꞉ hau hone na witolome laa tombona꞉ opolo puaata꞉ ya Tekehali Yesuma꞉ walea꞉ hau amba꞉la paeyaalueke lea꞉me. Hande Koda꞉na꞉ pa hameke a꞉ta꞉ma꞉ homo hala꞉ Pi Seliapo la kitoloeki loa꞉me lea꞉me.

2 Timodi 4:7

I̱ta꞉ mo hotoneli kita꞉la꞉ ekina꞉ta꞉ ya wele paeyaoma꞉ epeke tupa꞉ a̱i̱ya pua mo tombo epeke tupa꞉ watao halome. Kutupa make mo ya Koda꞉ pa꞉ta꞉ hone tulaalo ekita꞉ na mina꞉pa꞉lalome.

Dioni 19:30

Yesuma꞉ mo pinika ikali naa alota꞉ Ameta꞉ paela꞉me leekeme. Koto laa ipikita꞉ you toka꞉la꞉niao homeekeme.

Dioni 14:31

Pa I̱ma꞉ yaka Apa꞉ pa꞉ta꞉ pukima꞉ homolo ekita꞉ do kenke wanda꞉halima꞉ handena꞉ loluekema꞉yeke ipikana꞉ma꞉ I̱ pa꞉ta꞉ doeki pea꞉peke lea꞉ haumanu paeyao pu halome laata꞉ Tiao do pa꞉ta꞉ mina꞉pa꞉lao pomana꞉e laa leekeme.

Dioni 15:10

I̱ma꞉ta꞉ yaka Apa꞉na꞉ pi ula꞉ ekimanu opua peata꞉ ipika꞉ pukima꞉ homa꞉la꞉eki pa꞉ta꞉ halo tupa꞉ ikana꞉ma꞉ make yaka pi ula꞉ ekimanu opua pimika꞉na꞉ta꞉ yaka pukima꞉ homoloeki pa꞉ta꞉ halimikie laa leekeme.

Dioni 14:13

Kutupa ala꞉ta꞉ ma꞉nda꞉ yaka bikima꞉ honke alo hata꞉ lemeka꞉na꞉ta꞉ hande Atekema꞉ hande Eiyeke pa꞉ta꞉ yama꞉ pa̱a̱ peaena꞉yeke I̱ma꞉ peaalueke leekeme.

Dioni 12:28

Apa꞉o. Naka꞉ biki tieke wina꞉ lapeke leekeme. Koto la haena꞉ oli ya nanema꞉ la꞉niaeyeke pi ho̱la̱꞉makema꞉ alota꞉ Yaka bikita꞉ amba꞉ titina꞉ tieke wina꞉ lolopate paa ma꞉nda꞉ alo peao tieke wina꞉ lolueke leekeme.

Dioni 9:3

Kutupa Yesuma꞉ ika꞉ pi hombo peaaso alota꞉ Do halima꞉ make ateke inkikima꞉ make ika꞉ hoke hau peleme ekina꞉ na pa꞉la꞉me. Pa Koda꞉na꞉ wele pita꞉la꞉ ekima꞉ do hali epeaasa꞉eki handena꞉yeke leke holupiki hali mendia pa꞉la꞉me leekeme.

Dioni 5:36

Kutu pia꞉pate yaka wekitisi hali ma꞉nda꞉ta꞉ Dionima꞉ I̱ pa꞉ta꞉ wekitisi hata꞉ la kia꞉ ekimanu wetepeaalo pa꞉la꞉eki kone hala꞉me. Yaka Apa꞉ma꞉ I̱ma꞉ pionoyeke walea꞉ e manuta꞉ pokolo hata꞉ pitoloeki manuma꞉ kone yaka Apa꞉ma꞉ I̱ tapaala꞉eki wanda꞉hali pa꞉ta꞉ peneme yao wala꞉la꞉me.

Luku 22:37

Pa ekipeke. I̱ma꞉ iki pa꞉ta꞉ ota꞉ alome. Mo hande Baiboloma꞉ lao witolota꞉ Ikana꞉ma꞉ ipikita꞉ mo pi ula꞉eki yambeleme haliweki ame̱le̱ mandakena꞉ apa꞉tao yata꞉pilimikie la꞉la꞉ ekita꞉ I̱na꞉ ota꞉ peneme yaena꞉e. Pa ekipeke. Mo hande I̱na꞉ lao wiekeeki paeyaota꞉ ameta꞉ ota꞉ peneme yao ipula꞉me leekeme.

Dioni 19:28

Yesuma꞉ta꞉ I̱ma꞉ pea꞉peke ekita꞉ amba꞉ pu paeyaalome hone wiaata꞉ mo Baibolo bukana꞉ wape pa꞉la꞉eki yaaluekema꞉ ipikana꞉ma꞉ alota꞉ I̱ ikali na꞉na꞉ pa꞉la꞉me leekeme.