Dioni 16:3 - Panake Pi La: Ula: Buka pita: Kine Pieke Buka

³ Yaka Apa꞉ diki na handeleme ekina꞉ koto haumanu pilimikie.

Dioni 16:3 Referans Kwoze

Dioni 15:21

Ikita꞉ yakaeki halemeke handaa do haumanu paeyao iki pa꞉ta꞉ pilimikie. Kutupa make I̱ tapaala꞉ hali na handolo hata꞉ pilimikie.

Dioni 17:25

Tiki tiki piki Apa꞉o. Kenke wanda꞉halima꞉ neke na handelemepate I̱ma꞉ta꞉ neke handolome. Kutupa do haliwekima꞉ta꞉ nakana꞉ma꞉ I̱ tapaale ekita꞉ handelememe.

2 Desalonaika 1:8

Kota꞉ ikana꞉ma꞉ta꞉ Koda꞉ hone na pa꞉la꞉ wanda꞉hali make Tekehali Yesuna꞉ Pi Seliapo na opiki wanda꞉hali make ika꞉ hoke yenki haluekema꞉ ti uleke talo talo haena꞉ ipilimikie.

Dioni 8:55

Ipikita꞉ ikana꞉ma꞉ na handelemepate I̱ma꞉ta꞉ ipiki hala꞉eki handolome. Ipikita꞉ I̱ma꞉ na handolome loa꞉ka꞉na꞉ yoluta꞉ kota꞉ iki tupa꞉ yayapiki hali halo pua꞉me. Kutu pulu pua꞉pate I̱ma꞉ ipiki handaata꞉ ipika꞉ pi make opu halome.

Dioni 8:19

Mo haliwekima꞉ Yesu lota꞉ pitolo alota꞉ Naka꞉ apa꞉ta꞉ hando pa꞉ta꞉ hala꞉pe lemekeme. Yesuma꞉ ika꞉ pi hombo peaaso alota꞉ I̱ make yaka Apa꞉ make iki na handelememe. Ikana꞉ma꞉ I̱ handemeka꞉na꞉ yoluta꞉ yaka Apa꞉ make handolo pimime leekeme.

1 Dioni 4:8

Ma꞉nda꞉ epima꞉ pukima꞉ na homo haya꞉ka꞉na꞉ta꞉ ipikita꞉ Koda꞉ na handa꞉la꞉me. Pa ekipeke Koda꞉ta꞉ pukima꞉ homa꞉la꞉ekie.

1 Dioni 3:1

Mo Apa꞉ma꞉ niki pa꞉ta꞉ pukima꞉ homa꞉la꞉eki tieke handa꞉pe. Ipika꞉ pukima꞉ homa꞉la꞉ ekita꞉ ota꞉ tieke aneke yalo hata꞉ta꞉ nikita꞉ Koda꞉na꞉ wekiwandiki lelememe. Kota꞉ koto ekina꞉ nikita꞉ ota꞉ ipika꞉ wekiwandikie. Doeki tekena꞉ta꞉ do kenke wanda꞉halima꞉ta꞉ Koda꞉ na handelemeeki yalo niki make na handelememe.

Dioni 17:3

Deto hala꞉ ekita꞉ dupae. Neke homeke ota꞉ Koda꞉ haleeki make nakana꞉ma꞉ tapaale hali Yesu Ketiso hala꞉eki make telipina꞉ handa꞉la꞉ekie.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

1 Kotindi 2:8

Do kenke kilu tombuao haleme haliwekima꞉ta꞉ do hone wotu wita꞉la꞉ ekita꞉ na handemekeme. Handemeka꞉na꞉ yoluta꞉ hande pa̱a̱ piki Tekehalita꞉ mo a꞉ka꞉tei wape piki tina꞉ na endiaalo pimime.

Dioni 15:23

Hali epima꞉ I̱ pa꞉ta꞉ a꞉nda꞉ lia꞉ka꞉na꞉ta꞉ kota꞉ yaka Apa꞉ pa꞉ta꞉ make a꞉nda꞉ lita꞉la꞉me.

Luku 10:22

Yaka Apa꞉ma꞉ta꞉ ala꞉ta꞉ ala꞉ta꞉ paeyao sikita꞉ I̱ pa꞉ta꞉ ka꞉la꞉me. Mo Eiyeketa꞉ ma꞉nda꞉ma꞉ hone na ula꞉pate ipika꞉ Atekema꞉ homeke hone ula꞉me. Kutupa Ateketa꞉ ma꞉nda꞉ma꞉ hone na ula꞉pate ipika꞉ Eiyekema꞉ homeke hone ula꞉me. Kutupa make mo Eiyekema꞉ ipika꞉ hone pilia꞉ wanda꞉hali pa꞉ta꞉ta꞉ ipika꞉ Ateke walea꞉ka꞉na꞉ta꞉ kota꞉ ikana꞉ma꞉ homeke Ateke hone wilimikie leekeme.

1 Timodi 1:13

Amba꞉ta꞉ I̱ma꞉ ota꞉ Ketisona꞉ biki hoke pi pi alo hata꞉ make ipika꞉ wanda꞉hali ka꞉nda꞉ma꞉ homa꞉ tiao make iki tekipuleke laasa꞉ hali haowa꞉me. Kutu pua꞉ ekita꞉ I̱ma꞉ Ketiso pa꞉ta꞉ hone na tulao make mo pua꞉ ekina꞉ teketa꞉ hone wopu na wiki hata꞉ pueke handaa Koda꞉ma꞉ I̱ pa꞉ta꞉ a꞉ta꞉ma꞉ homeekeme.

Aposolo 3:17

Ya kametitio. Ikana꞉ma꞉ make ika꞉ you haliwekima꞉ tonka꞉na꞉ Yesu pa꞉ta꞉ pimiki ekita꞉ teke na handa꞉ wiki hata꞉ pimi ekita꞉ I̱ma꞉ hone witolome.

1 Dioni 2:23

Ma꞉nda꞉ epima꞉ a꞉nda꞉ mo Eiyeke hoki walea꞉ka꞉na꞉ta꞉ kota꞉ Ateke make hoki wala꞉la꞉me. Ma꞉nda꞉ epima꞉ Eiyeke a꞉nda꞉ pukima꞉ homea꞉ka꞉na꞉ta꞉ kota꞉ Ateke make pukima꞉ homa꞉la꞉me.