Biblia Todo Logo
Bib sou entènèt

- Piblisite -




Dioni 16:16 - Panake Pi La: Ula: Buka pita: Kine Pieke Buka

16 Hosiki hao ikana꞉ma꞉ I̱ paa na handaata꞉ pa hosiki hao hao pea I̱ paa handilimikie.

Gade chapit la Kopi




Dioni 16:16
19 Referans Kwoze  

Yesuma꞉ alota꞉ Iki ame̱le̱ hosiki haota꞉ wetepena꞉ta꞉ I̱ tapaeya꞉ hali pa꞉ta꞉ polueke.


Yesuma꞉ ipiki homa hoki nane mo aposolo haliwekima꞉ ipiki ota꞉ wotu handena꞉yeke peneme yao hali tieke yaapo natena꞉ hata꞉ ipika꞉ kone tiaeyekeeki walaata꞉ Koda꞉na꞉ Kilu Tombuao Hala꞉eki iki pa꞉ta꞉ walo hayekeme.


I̱ta꞉ hande yaka Apa꞉ yaapo hao do kenkena꞉ a꞉pa hao ameta꞉ do kenke mina꞉pa꞉lao yaka Apa꞉ pa꞉ta꞉ polueke leekeme.


Iki make koto tupa꞉e. Ikita꞉ ame ka꞉nda꞉ma꞉ homelemepate I̱ma꞉ iki paa handulueke. Kutu pua꞉ka꞉na꞉ta꞉ ika꞉ pukima꞉ ta꞉na꞉ma꞉ homilimikie. Kutupa koto ika꞉ ta꞉na꞉ma꞉ homolo peleme ekita꞉ hali ma꞉nda꞉ma꞉ yokuluekema꞉ na bepolalieke.


Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.


Yesuma꞉ta꞉ hande ipika꞉ Atekema꞉ ala꞉ta꞉ ala꞉ta꞉ paeyao ipiki pa꞉ta꞉ haleekeeki make ipikita꞉ Koda꞉ yaapo hao a꞉pa Koda꞉ pa꞉ta꞉ polo piekeeki make hone wiekeme.


Pa ameta꞉ I̱ tapaala꞉ hali pa꞉ta꞉ paa pulume laa alo ekita꞉ hali homekema꞉ Neketa꞉ hane pulipe la make na lota꞉ pita꞉la꞉me.


Yaka weki wandikio. Iki ame̱le̱ halo poloma꞉pateta꞉ hosiki halueke. Kutupa ikana꞉ma꞉ I̱ weilimikipate pa amba꞉ mo Diu wanda꞉hali pa꞉ta꞉ loa꞉ ekita꞉ ameta꞉ iki pa꞉ta꞉ make alome. I̱ polue da naneta꞉ iki a꞉pa꞉peke na ya꞉la꞉me la leekeme.


Yesuma꞉ iki pa꞉ta꞉ alota꞉ Mo hande pa̱a̱ pa꞉la꞉ ekita꞉ iki ame̱le̱ hosiki halimikie. Timba꞉ la꞉la꞉ ekima꞉ iki mea tombuaama꞉na꞉ pa̱a̱ pa꞉la꞉ pita꞉ kone pua꞉pa꞉peke. Timba꞉ la꞉pa pa꞉la꞉ pa꞉ta꞉ pula꞉ halima꞉ta꞉ Dota꞉ hando pa꞉ta꞉ pulupe lelieke.


Koto ekina꞉ Tekehali Yesuma꞉ mo wanda꞉hali pi la halo paeyaota꞉ Koda꞉ma꞉ Yesu mea oli ya nane hatuku miekeme. Kutupa Yesuta꞉ Koda꞉na꞉ popeke nane kiki nane pitiniaeyekeme.


Ameta꞉ neke pa꞉ta꞉ epolo polopate do kenkena꞉ hata꞉ta꞉ I̱ma꞉ do haliwekima꞉ yaka ta꞉na꞉ pa꞉la꞉eki mea tumbao haena꞉yeke do pimanu alome.


Apa꞉o. Amba꞉ do kenke a̱i̱ na wepiki hata꞉ neke yaapo hata꞉ mua꞉ pa̱a̱ piki kapu tieketa꞉ kotoeki kone ameta꞉ naka꞉ leke popelekena꞉ hano kie.


Mo tiki tiki hau pita꞉la꞉eki pa꞉ta꞉ hone u hoeyaasa꞉ ekita꞉ I̱ta꞉ yaka Apa꞉ pa꞉ta꞉ polo polopate I̱ paa na handolo peleme ekina꞉ loa꞉me.


Swiv nou:

Piblisite


Piblisite