Dioni 16:13 - Panake Pi La: Ula: Buka pita: Kine Pieke Buka

¹³ Kutu polopate wetepe hande ota꞉ pi la wala꞉la꞉ Temoko epea꞉ka꞉na꞉ta꞉ ota꞉ pimanu paeyao opuemena꞉ iki tikitiki yao hatuku pelieke. Ipika꞉ hone wia na leke eki pi opia꞉ka꞉na꞉ta꞉ ipikana꞉ma꞉ koto pi kone la kilieke. Kutupa wetepena꞉ pulu peleme ekimanu make la kilieke.

Dioni 16:13 Referans Kwoze

Dioni 14:26

Kutu pitolopate hande iki Tamba꞉ Mulu pa꞉la꞉ Hali yaka Apa꞉ma꞉ yaka bikina꞉ tapaalo pa꞉la꞉ halita꞉ Holi Sipitidi kone ala꞉ta꞉ paeyao ipikana꞉ma꞉ walieke. Kutupa make I̱ma꞉ hande iki pa꞉ta꞉ walo ekimanu paeyaota꞉ ikana꞉ma꞉ hone uemena꞉yeke ipikana꞉ma꞉ ika꞉ hone u tiaalieke.

Dioni 15:26

Kutu pitelemepate mo Tamba꞉ Mu Hala꞉ Hali ipilieke. Ipikita꞉ Ateke yaapo hala꞉ hali kone I̱ma꞉ tapaalueke. Ipikita꞉ ota꞉ hau pu hala꞉ Temokoe. Ipikita꞉ Ateke pa꞉ta꞉ hao ipilieke. Kutupa yaka pi la꞉ mea halawaasa꞉ wekitisi hali halieke.

1 Dioni 2:27

Koto pa꞉la꞉pate iki pa꞉ta꞉ta꞉ Ketisoma꞉ ipika꞉ Sipitidi amba꞉ ka꞉la꞉me. Koto ekina꞉ ipika꞉ Sipitidi iki pa꞉ta꞉ a꞉nda꞉ pita꞉ pelia haena꞉ta꞉ iki wala꞉peke some ma꞉nda꞉ta꞉ weiya꞉peke na ya꞉la꞉me. Pa ekipeke mo Sipitidima꞉ta꞉ iki pa꞉ta꞉ hau paeyao walieke. Kutupa ipikana꞉ma꞉ wala꞉la꞉ ekita꞉ yayapikieki dia꞉ya꞉la꞉pate ota꞉ekie. Koto ekina꞉ kota꞉ mo Sipitidima꞉ wala꞉la꞉eki opua pitolo hata꞉ make Ketiso pa꞉ta꞉ ta꞉ma꞉ni pu pelia hapeke ya꞉la꞉me.

1 Dioni 2:20

Kutu pimipate pa ya wekiwandikio. Ikita꞉ mo hande Ketisoma꞉ kua꞉neala꞉ Holi Sipitidi amba꞉ koto miniki halememe. Koto ekina꞉ iki paeyaoma꞉ta꞉ mo ota꞉ ekita꞉ hone wilimime.

Dioni 12:49

I̱ma꞉ ya hone wia na loa꞉me. I̱ tapaeya꞉ hali yaka Apa꞉ma꞉ I̱ma꞉ lolo pua꞉ ekimanu paeyao ipikana꞉ma꞉ lapeke leeke handaa pua꞉me.

1 Dioni 4:6

Koto pa꞉la꞉pate nikita꞉ Koda꞉na꞉eki haloma꞉me. Kutupa Koda꞉ pa꞉ta꞉ hone ula꞉ tapakema꞉ta꞉ nika꞉ pi opu halememe. Pate Koda꞉ pa꞉ta꞉ hone na ula꞉ tapakema꞉ta꞉ nika꞉ pi na opilimikie. Kota꞉ koto hau manuma꞉ta꞉ mo ota꞉ ekina꞉ Sipitidi ya꞉ka꞉ta꞉me laa make mo yayapiki ekina꞉ sipitidi ya꞉ka꞉ta꞉me laa make nikana꞉ma꞉ ana꞉na꞉ tekili pea handa꞉ u hapa꞉peke ya꞉la꞉me.

Dioni 14:6

Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

Peneme Yaeyekeeki 1:19

Koto ekina꞉ta꞉ do handele alemanu paeyao make wetepe nane pulu pa꞉la꞉ ekimanu make paeyao laaniae.

Dioni 8:38

Yaka Apa꞉ma꞉ I̱ pa꞉ta꞉ walea꞉eki kone I̱ma꞉ walolopate ikana꞉ma꞉ ika꞉ apa꞉ma꞉ walea꞉eki pitelememe leekeme.

2 Desalonaika 2:3

ma꞉nda꞉ma꞉ do aloeki manuma꞉ iki na yola꞉ mina꞉ lapa꞉peke. Mo hande ponka꞉ di pilu ula꞉ nateta꞉ pa hameke na opolo ipilieke. Mo nate epolo pa꞉la꞉ di teke pa꞉ta꞉ ya꞉ka꞉na꞉ta꞉ Koda꞉na꞉ pi na opiki a꞉nda꞉ lita꞉la꞉eki amba꞉la opolo ipilieke. Kutupa make mo wanda꞉hali hoeyaalo pa꞉la꞉ hoke halita꞉ wetepe ti to hala꞉ alena꞉ pena꞉ titina꞉ amba꞉la peneme yaalo ipilieke.

Peneme Yaeyekeeki 1:1

Do bukata꞉ mo Yesu Ketisona꞉ peneme yaeyeke haumanu lao ula꞉ bukae. Koda꞉ma꞉ do peneme yaasa꞉ haumanu haleeke ekita꞉ ipika꞉ e pokaasa꞉ wanda꞉hali pa꞉ta꞉ koto kone pulu piekeeki waluekema꞉ piekeme. Ketisoma꞉ta꞉ ipika꞉ e pokaasa꞉ hali Dioni pa꞉ta꞉ ipika꞉ enisolo tapao dupiki haumanu walena꞉ leekeme.

2 Desalonaika 2:12

Kota꞉ koto ekina꞉ yenkita꞉ ikana꞉ma꞉ mo ota꞉ pina꞉ hone na tulake hoke haumanu pa꞉ta꞉ ta꞉na꞉ma꞉ homa pu haleme ekina꞉ iki paeyaota꞉ Koda꞉ma꞉ pi yokaalu pea hoke yenki halieke.

Aposolo 27:24

Poloo ota꞉ paala꞉ma꞉ na homa꞉peke. Neketa꞉ Sisa teke pa꞉ta꞉ pua halipikie lea꞉me lea꞉me. Kutupa opie. Koda꞉ma꞉ neke ame̱le̱ pulimi haliweki paeyao pa kilieke lea꞉me.

Aposolo 20:23

mo Holi Sipitidima꞉ daoni paeyao pa꞉ta꞉ mo dipula pita꞉ tanda pulu pa꞉la꞉eki I̱ la ku hala꞉me lea꞉me.

Dioni 3:32

ipikana꞉ma꞉ handa꞉la꞉eki make opita꞉la꞉eki make la kita꞉la꞉pate wanda꞉halima꞉ ipika꞉ pi opua na miniki halememe.

Aposolo 11:28

Kutupa homeke halita꞉ Akipasima꞉ mo Holi Sipitidima꞉ la halolo haena꞉ tiao alota꞉ Tea꞉ ki tieke kenke paeyao nane ipilieke laa waleekeme. Kutupa mo Kolodiusima꞉ Sisa hayeke natena꞉ kutu piekeme.

Dioni 16:12

Mandane pi eleke eleke iki pa꞉ta꞉ lolo polopate pomoma꞉ weleke taapa꞉na꞉ ame do na la kulueke.

Hibulu 1:1

Mo hande ambi sanake sanake aneketa꞉ Koda꞉ma꞉ hoto eleke elekema꞉ make mandane hau manuma꞉ make ipika꞉ pita꞉ mo potopede haliweki pa꞉ta꞉ yama꞉ nika꞉ apa꞉na꞉ atekena꞉ ateketonu pa꞉ta꞉ la hala꞉tiki pu hayekeme.

1 Dioni 5:6

Yesu Ketisota꞉ mo ikalima꞉ bapitaisi pita꞉la꞉ hauna꞉ make ipika꞉ we holo pieke hauna꞉ make epeekeme. Ipikita꞉ mo ikalina꞉ hau homekena꞉ na epeekepate pa mo ikali pita꞉ we yaapo telipuna꞉na꞉ epeekeme. Kutupa mo Sipitidima꞉ kone peneme yaasota꞉ do hauta꞉ ota꞉ekie laa ala꞉me. Pa ekipeke mo Sipitidita꞉ ota꞉ ekie.