Dioni 16:11 - Panake Pi La: Ula: Buka pita: Kine Pieke Buka

¹¹ Mo pi yokaalu pita꞉la꞉eki pa꞉ta꞉ hone u hoeyaasa꞉ ekita꞉ do kenkena꞉ hala꞉ you halita꞉ pi yokaalu peata꞉ oto pa꞉ta꞉ yaala꞉ ekina꞉ loa꞉me.

Dioni 16:11 Referans Kwoze

Dioni 12:31

Ameta꞉ do kenke wanda꞉halina꞉ pi yokaalu pulu pa꞉la꞉ di ipula꞉me. Ameta꞉ do kenkena꞉ tumiki hala꞉ halita꞉ yoka mea lopaalieke.

1 Dioni 3:8

Pate ma꞉nda꞉ epima꞉ hoke hau pa putia pea꞉ka꞉na꞉ta꞉ koto someta꞉ mo Hoke Temokona꞉eki hala꞉me. Pa ekipeke mo Hoke Temokoma꞉ta꞉ kini pitolo kone hoke hau pa꞉leke loa꞉me. Mo Koda꞉na꞉ Eiyeke opolo a꞉pa꞉la꞉ ekita꞉ ota꞉ doeki tekena꞉ pa꞉la꞉me. Mo Hoke Temokoma꞉ pa꞉la꞉eki hoeyaaluekema꞉ pa꞉la꞉me.

Hibulu 2:14

Ipikana꞉ma꞉ Mo wekiwandikie lea꞉ wanda꞉halita꞉ kenke loke hake wanda꞉hali haemeke yeke handaata꞉ ipiki make ika꞉ loke mea kenke hali leke hayekeme. Koto loke mea ipika꞉ homeeke ekima꞉ta꞉ mo hande homa꞉la꞉ ekina꞉ wele handeteke hala꞉ hali Sadani bepolaluekema꞉ yeke piekeme.

Kolosi 2:15

Kutupa kenke ya paeyao pa꞉ta꞉ ula꞉ welemanu make handeteke hala꞉ ekimanu make Ketisoma꞉ta꞉ ipika꞉ kone mo a꞉ka꞉tei wapepiki tina꞉ta꞉ ika꞉ honkopumanu ipila꞉mepi pa꞉la꞉me. Kutupa make ipikana꞉ma꞉ ikita꞉ bepolao wanda꞉halina꞉ leke popelekena꞉ yaala꞉ma꞉ homena꞉ dipula haliweki tupa꞉ endu yola a꞉pa꞉la꞉me.

2 Kotindi 4:4

Ikana꞉ma꞉ hone na tulaasememe. Pa ekipeke do kenkena꞉ hoke koda꞉ma꞉ta꞉ ika꞉ hone manuta꞉ timba꞉ la꞉ pambaena꞉ hala꞉me. Ipikana꞉ma꞉ta꞉ mo ikina꞉ pa̱a̱ peaapeke pa̱a̱ta꞉ handaama꞉na꞉ yeke sa꞉sa꞉ pita꞉la꞉me. Mo Ketiso ota꞉ Koda꞉ma꞉ handeke halina꞉ pa̱a̱na꞉ mo Pi Seliapo pa꞉ta꞉ yama꞉ ipula꞉eki handaama꞉na꞉ yeke pita꞉la꞉me.

Dioni 14:30

Do kenkena꞉ you hali epolo pa꞉la꞉ ekina꞉ I̱ma꞉ta꞉ iki pa꞉ta꞉ pi wotu na lolueke. Ipikana꞉ma꞉ta꞉ I̱ pa꞉ta꞉ hau ma꞉nda꞉ pea꞉peke na ya꞉la꞉pate

Peneme Yaeyekeeki 1:7

Ipikita꞉ ya hapi manda oli ipula꞉ handa꞉e. Paeyaoma꞉ handilimikie. Mo ipiki ikoko lia doloma꞉ awemeke haliwekina꞉ make loa꞉me. Kutupa do kenkena꞉ hala꞉ wanda꞉hali paeyaoma꞉ta꞉ ipiki handolo hata꞉ e̱ tieke lelimikie. Koto ekina꞉ta꞉ kutu pilieke.

2 Pida 3:7

Koto tupa꞉ Koda꞉ma꞉ mo hande la꞉ wieke homeke pima꞉ kone ame do ula꞉ kenke ya yaapota꞉ ti ulekema꞉ hoeyaena꞉yeke amu pea ula꞉me. Koda꞉ matao haleme wanda꞉hali pi yokaalu pea hoeyaalo pa꞉la꞉ nate yu wia haena꞉ la꞉la꞉me.

Hibulu 9:27

Wanda꞉hali paeyao tana꞉ homeke homaa hoki naneta꞉ Koda꞉ma꞉ pi yokaalu pina꞉ handeteke halieke.

Hibulu 6:2

bapitaisi pita꞉la꞉ hau manuna꞉ pi wala꞉la꞉eki make youna꞉ kiki wia yeni pita꞉la꞉ haumanu make homa paa tiaasa꞉ hau make Koda꞉na꞉ pi yokaalu pea mo honiki na paeke homo hala꞉ alena꞉ tapaalo pa꞉la꞉ ekina꞉ wala꞉la꞉ pimanu make koto amba꞉ hande titina꞉ waloma꞉ pimanu na ambula u hake

Epesese 2:2

Koto pita꞉ta꞉ ikana꞉ma꞉ do kenkena꞉ hoke hau pita꞉la꞉eki telia꞉ mea pu haota꞉ ya nane haleme wele pita꞉la꞉ temoko manuna꞉ teke halina꞉ pi opu haemekeme. Koto temokoma꞉ta꞉ Koda꞉na꞉ pi na opu haleme wanda꞉halita꞉ ipikana꞉ma꞉ handeteke hala꞉me.

1 Kotindi 4:5

Koto ekina꞉ mo Tekehalina꞉ pi yokaalu pulu pa꞉la꞉ Nate epena꞉yeke handeteke hata꞉ta꞉ ikana꞉ma꞉ ma꞉nda꞉na꞉eki amba꞉la pi yokaalu na peke pa handeteke hapa꞉peke. Tekehalima꞉ epena꞉ yu wia hapa꞉peke. Ipikana꞉ma꞉ mo timba꞉ lekeeki pa꞉ta꞉ a꞉mbao ula꞉eki paeyaota꞉ pa̱a̱na꞉ mea wilieke. Kutupa wanda꞉halima꞉ puki nane panka꞉ ula꞉ honemanu ipikana꞉ma꞉ peneme yaalieke. Koto dina꞉ta꞉ Koda꞉ma꞉ wanda꞉hali paeyaoma꞉ pimi ekina꞉ yenkita꞉ ana꞉na꞉ mea꞉peke ekimanu handolo hata꞉ ikina꞉ pi la wilieke.

Aposolo 10:42

Kutupa ipikana꞉ma꞉ niki pa꞉ta꞉ mana꞉ alo hata꞉ alota꞉ dupae. Wanda꞉hali pa꞉ta꞉ pi walemeka꞉na꞉ta꞉ Koda꞉ma꞉ I̱ta꞉ homa꞉la꞉ wanda꞉hali make pa haleme wanda꞉hali make ika꞉ pi yokaalu peaalo polo hali mea hano lea꞉me lapa꞉peke lea꞉me.

Luku 10:18

Yesuma꞉ ika꞉ pi hombo peaaso alota꞉ I̱ma꞉ Sadani oli ya nane yama꞉ ti tekele manda꞉na꞉ do kenkena꞉ lopea꞉ ekita꞉ handoa꞉me.

Ma꞉tiu 12:36

I̱ma꞉ iki pa꞉ta꞉ ota꞉ pi alome. Mo pi yokaalu pulu pa꞉la꞉ nate tieke opolo epea꞉ka꞉na꞉ta꞉ mo wanda꞉hali ika꞉ leme handiki na piki pimanu paeyao Koda꞉ma꞉ ana꞉ piki tupa꞉ kone telipalieke.

Ma꞉tiu 12:18

Do ya e pokaasa꞉ halita꞉ I̱ma꞉ ma̱leke lia do haena꞉ lolome. I̱ma꞉ ipikita꞉ pukima꞉ wopu homo hata꞉ ya pukima꞉ ta꞉na꞉ wopu pa꞉la꞉me. Ya temokota꞉ ipiki tukiki pa꞉ta꞉ pitina꞉ tapaalueke. Kutu poa꞉ka꞉na꞉ta꞉ ipikana꞉ma꞉ mo kenke paeyaona꞉ haleme tapake paeyao pa꞉ta꞉ ya tiki tiki peaasa꞉ pimanu la hawalieke.

Kini Pieke 3:15

Kutupa I̱ma꞉ neketa꞉ mo wanda꞉ yaapo a꞉nda꞉ tunkula꞉ alu peao ipika꞉ monduma꞉ monduma꞉ pilia꞉ wekiwandikima꞉ make naka꞉ ekima꞉ make a꞉nda꞉ tunkula꞉ alu alu pu haena꞉ lolueke. Ipikana꞉ma꞉ naka꞉ you da꞉ka꞉pa꞉ tombuaeya꞉ka꞉na꞉ta꞉ nakana꞉ma꞉ ipika꞉ anke kinuku handulu nelipikie leekeme.

Loma꞉ 16:20

Kutu pimika꞉na꞉ta꞉ hande puki lopa꞉niaasa꞉ ekina꞉ teke hali Koda꞉ma꞉ mo Sadanita꞉ ika꞉ anke teke pa꞉ta꞉ lu tombualo pa꞉la꞉ ekita꞉ teke pa꞉ta꞉ ya꞉la꞉me. Tekehali Yesu ipika꞉ pa hameke a꞉ta꞉ma꞉ homa꞉la꞉eki iki ame̱le̱ pitina꞉ lena꞉e alome.

Loma꞉ 2:16

Koto ekina꞉ Koda꞉ma꞉ta꞉ hande Natena꞉ pi yokaalu pia꞉ka꞉na꞉ta꞉ I̱ma꞉ hande Pi Seliapo loa꞉ tupa꞉ pilieke. Ipikana꞉ma꞉ta꞉ Yesu Ketisoma꞉ wanda꞉halima꞉ a꞉mbao u haeme hone manuna꞉ pi yokaalu pina꞉ lelieke.

Aposolo 26:18

Ika꞉ leke kilaowalena꞉ yeke neke tapaasome lea꞉me. Ikana꞉ma꞉ timba꞉ lo pamba꞉la꞉eki la꞉ka꞉la mina꞉pa꞉lao pa̱a̱na꞉ epoemena꞉yeke pua꞉me. Hande Sadanina꞉ wele pa꞉la꞉eki la꞉ka꞉la mina꞉pa꞉lao Koda꞉na꞉eki hamina꞉yeke pua꞉me. Koto ekina꞉ ika꞉ hoke hau pita꞉la꞉ ekimanu Koda꞉ma꞉ pa tombuao hala꞉eki muemena꞉yeke pua꞉me. Kutupa ikana꞉ma꞉ yaka pi mina꞉leke handa talopu mea haena꞉ lolo wanda꞉hali ame̱le̱ tukiki pa꞉ta꞉ a꞉pa hamina꞉yeke pua꞉me lea꞉me.

Aposolo 24:25

tikitiki hau pita꞉la꞉eki hone tulaasa꞉ pi teke la halolo kone ana꞉na꞉ handeteke hala꞉eki pa꞉ta꞉ make Koda꞉ma꞉ wanda꞉hali paeyao pa꞉ta꞉ pi yokaalu pulu pa꞉la꞉eki pa꞉ta꞉ make kutupiki pi leekepate Pilikisima꞉ paala꞉ma꞉ homolo hata꞉ alota꞉ Ameta꞉ pue laa Nate ma꞉nda꞉na꞉ waleke wia꞉ka꞉na꞉ta꞉ epoelena꞉ paa wi loluekema꞉ ameta꞉ pue leekeme.

Dioni 16:12

Mandane pi eleke eleke iki pa꞉ta꞉ lolo polopate pomoma꞉ weleke taapa꞉na꞉ ame do na la kulueke.