Dioni 16:10 - Panake Pi La: Ula: Buka pita: Kine Pieke Buka

¹⁰ Mo tiki tiki hau pita꞉la꞉eki pa꞉ta꞉ hone u hoeyaasa꞉ ekita꞉ I̱ta꞉ yaka Apa꞉ pa꞉ta꞉ polo polopate I̱ paa na handolo peleme ekina꞉ loa꞉me.

Dioni 16:10 Referans Kwoze

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

1 Kotindi 1:30

Koda꞉ma꞉ iki mea Yesu Ketiso yaapo ta꞉ma꞉ni peala꞉me. Kutupa ipikana꞉ma꞉ Ketisota꞉ nika꞉ hone wopu wita꞉la꞉eki haena꞉ la꞉la꞉me. Kutupa make Ketisoma꞉ nikita꞉ Koda꞉ yaapo tikitiki yao hamono laata꞉ nikita꞉ yakopiki wanda꞉hali hamono la꞉la꞉me. Kutupa ipikana꞉ma꞉ make niki pa ka꞉la꞉pa꞉ tapaala꞉me.

Aposolo 3:14

Kutu pa꞉la꞉pate ikana꞉ma꞉ Epeke Yakopiki Hali kiao pa Pailedi pa꞉ta꞉ lota꞉ pitolo alota꞉ Ika꞉ hone pa꞉la꞉ ekita꞉ mo hande hali lita꞉la꞉ hali kone pa pena꞉ lae lememe leekeme.

Ka꞉leisia 5:5

Nikana꞉ma꞉ta꞉ Koda꞉ma꞉ niki tikitiki yaena꞉ yeke ipiki pa꞉ta꞉ ti lao haloma꞉me. Do hauta꞉ Koda꞉ ipika꞉ Holi Sipitidina꞉ welema꞉ nika꞉ hone tulaasoma꞉eki pa꞉ta꞉ yama꞉ peaalieke hone wia hone bao haloma꞉me.

Loma꞉ 1:17

Mo hande Pi Seliapoma꞉ doeki wala꞉leke handa loa꞉me. Koda꞉ma꞉ wanda꞉hali ipiki pa꞉ta꞉ tiki tiki haena꞉ ala꞉eki wala꞉la꞉me. Mo Koda꞉ma꞉ do pita꞉la꞉ ekita꞉ wanda꞉halima꞉ hone tulao hatiki puo pu hao paeyaalo pulu make pilieke. Mo Baibolo bukana꞉ wape pea ula꞉ tupa꞉ Hali epima꞉ Koda꞉ pa꞉ta꞉ hone tulao haya꞉ka꞉na꞉ta꞉ Koda꞉ma꞉ ipiki pa꞉ta꞉ mo hali tiki tiki haena꞉ lelieke. Kutupa mo halita꞉ da꞉ta halieke.

Aposolo 17:31

Pa ekipeke ipikana꞉ma꞉ nate amba꞉ wiaeyeke handa ala꞉me. Koto natena꞉ ipika꞉ haena꞉ la꞉la꞉ hali homekema꞉ kenke wanda꞉hali paeyao pa꞉ta꞉ pi yokaalu tikitikina꞉ pina꞉ lelieke leekeme. Kutu pulu pa꞉la꞉ ekita꞉ wanda꞉hali paeyaoma꞉ opua Ota꞉ekie hone wina꞉yeke mo hande halita꞉ homa peneme yao paa mea tiaeyekeme laa leekeme.

Aposolo 7:52

Ika꞉ apa꞉mei amedama꞉ta꞉ potopede hali homeke pa꞉ta꞉ kone tanda na halemekepe. Hande Koda꞉ ipika꞉ tikitiki yao hala꞉ e pokaasa꞉ Hali epolo piekeeki la haleeke haliwekita꞉ Koda꞉ma꞉ tapaeyeke haliweki kone ika꞉ apa꞉mei amedama꞉ limikime. Ame make ikana꞉ma꞉ koto Hali a꞉nda꞉ lomba limime.

Aposolo 2:32

Do hande Yesuta꞉ Koda꞉ma꞉ paa mea tiaala꞉ ekita꞉ niki paeyaoma꞉ handoma꞉eki iki pa꞉ta꞉ la kitoloma꞉me.

Dioni 5:32

Kutu pulu pa꞉la꞉pate I̱ma꞉ pitolo ekina꞉ hali ma꞉nda꞉ wekitisi hao lapeke ya꞉la꞉me. Kutupa mo halima꞉ I̱ pa꞉ta꞉ lolo pa꞉la꞉ pita꞉ ota꞉eki ala꞉me hone witolome.

Dioni 3:14

Hande Mosesima꞉ mo hapu hayeke alena꞉ hata꞉ mo keto mea a꞉meiyaeyeke tupa꞉ta꞉ kota꞉ koto tupa꞉ kone hande Wanda꞉halina꞉ Eiyeketa꞉

Dioni 7:33

Yesuma꞉ alota꞉ Iki ame̱le̱ hosiki haota꞉ wetepena꞉ta꞉ I̱ tapaeya꞉ hali pa꞉ta꞉ polueke.

Dioni 16:5

Pa ameta꞉ I̱ tapaala꞉ hali pa꞉ta꞉ paa pulume laa alo ekita꞉ hali homekema꞉ Neketa꞉ hane pulipe la make na lota꞉ pita꞉la꞉me.

Dioni 16:28

I̱ta꞉ hande yaka Apa꞉ yaapo hao do kenkena꞉ a꞉pa hao ameta꞉ do kenke mina꞉pa꞉lao yaka Apa꞉ pa꞉ta꞉ polueke leekeme.