Dioni 15:5 - Panake Pi La: Ula: Buka pita: Kine Pieke Buka

⁵ I̱ta꞉ waini pu tekee. Ikita꞉ palekemanue. Hali epima꞉ I̱ pa꞉ta꞉ haya꞉ka꞉na꞉ta꞉ I̱ta꞉ ipiki yaapo hata꞉ kiliki wotu a꞉elieke. Pate ikana꞉ma꞉ I̱ ame̱le̱ na hake hata꞉ta꞉ ikana꞉ma꞉ epeke hau homeke a꞉nda꞉ na pilimikie.

Dioni 15:5 Referans Kwoze

Pilipai 4:13

Do hau paeyaota꞉ Ketisoma꞉ ka꞉la꞉ welema꞉ bepolatia a꞉pa polome.

Kolosi 1:10

Kutu pia꞉ka꞉na꞉ta꞉ ikita꞉ mo Koda꞉ ipika꞉ hone pa꞉la꞉ tupa꞉ hata꞉ hoto paeyao ipiki ta꞉na꞉ma꞉ homa꞉tiaasa꞉ hau homeke pu halimikie. Ika꞉ halimi pa꞉ta꞉ta꞉ epeke haumanu opolo ipulu hata꞉ ikita꞉ Koda꞉ hone wopu witelemeeki pa꞉ta꞉ daelimikie.

Dioni 15:16

I̱ta꞉ ikana꞉ma꞉ na mea haena꞉ lelemepate pa ikita꞉ I̱ma꞉ talopu meaata꞉ ikita꞉ pua hande u halo pa꞉la꞉ napeke a꞉eyamina꞉yeke mea haena꞉ lolome. Koto ekina꞉ ikana꞉ma꞉ yaka Apa꞉ pa꞉ta꞉ ala꞉ta꞉ ma꞉nda꞉ yaka biki alo hata꞉ honke lemeka꞉na꞉ta꞉ ipikana꞉ma꞉ iki pa꞉ta꞉ ota꞉ kilieke.

Ka꞉leisia 5:22

Koto pa꞉la꞉pate mo Holi Sipitidima꞉ta꞉ epeke haumanu dupa peawaasa꞉me. Pukima꞉ homa꞉la꞉ hau make puki tukiki nane ota꞉ ta꞉na꞉ma꞉ homa꞉la꞉ hau make puki lopaasa꞉ hau make homu pea yu wia hala꞉ hau make a꞉ta꞉ma꞉ homolo epeke pita꞉la꞉ ekima꞉ ma꞉nda꞉ tamba꞉ mina꞉la꞉ hau make hone tulao hata꞉ e poka꞉la꞉ hau make

2 Kotindi 13:8

Nikana꞉ma꞉ta꞉ mo ota꞉eki pa꞉ta꞉ a꞉nda꞉piki hau ma꞉nda꞉ homeke pea꞉peke na ya꞉la꞉pate pa ipika꞉eki homeke pumana꞉ loa꞉me.

Dioni 5:19

Koto ekina꞉ Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Hande Eiyekema꞉ ipika꞉ kone hone wia hau ma꞉nda꞉ pea꞉peke na ya꞉la꞉me. Ipika꞉ Apa꞉ma꞉ pita꞉la꞉eki handa꞉ pu hala꞉me. Hande Apa꞉ma꞉ pu hala꞉eki kone hande Eiyekema꞉ make pu hala꞉me.

Dia꞉mesi 1:17

Mo epeke tupa꞉ kita꞉la꞉ ekimanu paeyao make mo epeke alemanu kita꞉la꞉eki paeyao make oli hepeni nanema꞉ ipulu hata꞉ pita꞉la꞉me. Hande ya nane haleme pa̱a̱ piki ale manuna꞉ Ateke pa꞉ta꞉ hola꞉pa꞉niao ipulu hata꞉ pita꞉la꞉me. Ipikana꞉ma꞉ hau ta꞉ta꞉ ta꞉ta꞉ pikieki topo na pealieke. Kutupa paa la꞉ka꞉lea꞉ka꞉na꞉ta꞉ tu na pilieke.

2 Pida 3:18

Kotoeki na pikita꞉ nika꞉ Pa꞉ta꞉la꞉la꞉ Tekehali Yesu Ketisona꞉ hone ula꞉eki make a꞉ta꞉ma꞉ homolo tamba꞉ mina꞉la꞉eki pa꞉ta꞉ daeyatia pu hapa꞉peke. Ipiki pa꞉ta꞉ pa̱a̱ pa꞉la꞉eki ame make wetepe nina꞉ make wina꞉e. Kutu pina꞉e.

Dioni 12:24

Ipiliki pa꞉ta꞉ ota꞉ pi alome. Kuni wae alesiki homeketa꞉ kenkena꞉ na opa꞉ pa lopa na homea꞉ka꞉na꞉ta꞉ ipika꞉ pa u pelia halieke. Kutu pulu pa꞉la꞉pate homea꞉ka꞉na꞉ta꞉ opa kiliki wotu a꞉elieke.

Loma꞉ 7:4

Ya kame tonuo. Koto tupa꞉ iki pa꞉ta꞉ make ula꞉me. Ikita꞉ Ketiso ipika꞉ loke kone haleme ekina꞉ hande Lo Pimanu pa꞉ta꞉ ikita꞉ homolo hata꞉ pa ameta꞉ mo Koda꞉ma꞉ paa mea tiaeyeke halina꞉eki halememe. Koto ekita꞉ nikana꞉ma꞉ Koda꞉na꞉ epeke haumanu pu hamonoyeke pa꞉la꞉me.

Pilipai 1:11

Kutu pilie ekima꞉ta꞉ ika꞉ halemeeki tukiki pa꞉ta꞉ta꞉ mo Yesu Ketiso homekema꞉ puemena꞉ lapeke ya꞉la꞉ hau manuma꞉ iki tukiki pa꞉ta꞉ tumbaalieke. Iki tumbaeya꞉ka꞉na꞉ta꞉ kota꞉ koto hauma꞉ta꞉ Koda꞉na꞉ pi lao yeiya꞉ laalieke.

Dioni 9:33

Koto hande halima꞉ta꞉ Koda꞉ ame̱le̱ hao na epea꞉ka꞉na꞉ yoluta꞉ hau homeke a꞉nda꞉ pea꞉peke na yolo pia꞉me leekeme.

Pilipai 4:17

Ika꞉ pa hameke kiteleme alemanu muluekema꞉ pa na weitolo pateta꞉ pa mo oli hepeni nane ika꞉ epeke haumanu pitelemeeki dimina꞉la꞉eki haka꞉ta꞉pawao wiaena꞉yeke hone pa꞉leke handa iki pa꞉ta꞉ waleke kitolo alome.

Loma꞉ 6:22

Kutupa halemepate hoke hauna꞉ wele pita꞉la꞉ ekima꞉ iki mea tonkao wieke ekita꞉ Koda꞉ma꞉ iki ka꞉la꞉pa꞉ tapaowala꞉me. Kutupa ikita꞉ ipika꞉ pa hameke e pokaaseme wanda꞉hali leke halememe. Koto peleme ekina꞉ ikana꞉ma꞉ ika꞉ loke tieke paeyao ipiki pa꞉ta꞉ halaata꞉ deto hala꞉eki make milimikie.

Aposolo 4:12

Kutupa niki mea detemono pa꞉ta꞉la꞉la꞉ hali ma꞉nda꞉ na hala꞉me. Oli ya oto pa꞉ta꞉ta꞉ mo wanda꞉hali mea da꞉taasa꞉ halina꞉ biki ma꞉nda꞉ dia꞉ya꞉leke loa꞉me leekeme.

1 Kotindi 12:12

Ketisota꞉ loke homeke tupa꞉ kiki ankemanu tuna tuna pea hala꞉me. Hande kiki anke lokena꞉ tunaala꞉ alemanu ta꞉ta꞉ ta꞉ta꞉ ya꞉la꞉pate loketa꞉ homeke kone hala꞉me.

1 Pida 2:4

Tekehalita꞉ mo da꞉ta ula꞉ toopi pa꞉ta꞉ ipu hapa꞉peke. Wanda꞉halima꞉ta꞉ koto toopita꞉ pa alee hone wia kiao haemekeme. Koto pimikipate Koda꞉ma꞉ mo toopita꞉ ota꞉ epekeekie la ma̱leke liekeme.

1 Kotindi 12:27

Koto ekina꞉ iki paeyaota꞉ Ketisona꞉ loke kone hata꞉ hande tunaala꞉ alemanu homeke homeke lo halememe.

Epesese 5:9

Mo hande pa̱a̱ pita꞉la꞉ ekima꞉ peaasa꞉ hau manuta꞉ dupae. Epeke hau pita꞉la꞉ ekimanu make tikitiki hau pita꞉la꞉ ekimanu make ota꞉ hau pita꞉la꞉ ekimanu make peaasa꞉me.

2 Kotindi 9:10

Kutupa mo noka꞉pa꞉la꞉ halina꞉ wae ale halo hala꞉ Koda꞉ma꞉ta꞉ mo napeke ne make halo hala꞉me. Koto Koda꞉ma꞉ta꞉ hoto paeyao mo ika꞉ dia꞉ya꞉la꞉ wae ale haka꞉ta꞉pao ku hata꞉ ika꞉ ma꞉nda꞉ pa꞉ta꞉ pa haleme hauna꞉ opena꞉ laa napeke tieke a꞉ena꞉ la꞉lieke.

Kolosi 1:6

Mo Pi Seliapoma꞉ta꞉ mo kenke honiki honiki paeyao pa꞉ta꞉ putupolo hata꞉ kiliki a꞉etolo ombu hala꞉me. Do homeke Pi Seliapota꞉ ikana꞉ma꞉ Koda꞉na꞉ a꞉ta꞉ma꞉ homolo tamba꞉ mina꞉la꞉eki titina꞉ opimi natena꞉ pia꞉ tupa꞉ kone kini pea a꞉pa ame do teke handa꞉ wilimi natena꞉ make pa a꞉etolo ombu hala꞉me.

Loma꞉ 12:5

Koto tupa꞉ niki make wanda꞉hali wopu haloma꞉pate Ketiso yaapo ta꞉ma꞉ni pea hata꞉ homeke loke tupa꞉ haloma꞉me. Kutupa hata꞉ta꞉ koto lokena꞉ tuna tuna pa꞉la꞉ ekimanu ya꞉leke handaata꞉ niki make tuna alualu pea haloma꞉me.

1 Kotindi 10:16

Hande Koda꞉ma꞉ niki epeaala꞉ kapona꞉ noluekema꞉ hata꞉ Koda꞉ pa꞉ta꞉ keiyae pi laa nalo hata꞉ta꞉ Ketiso ipika꞉ we pa꞉ta꞉ na telipaasoma꞉pe. Kutupa hande pindipindi pea ula꞉ palaowa make nalo hata꞉ta꞉ Ketiso ipika꞉ loke mindiki pa꞉ta꞉ na telipaasoma꞉pe.

Ma꞉tiu 13:21

Mo opiteleme pita꞉ ika꞉ puki tukiki nane wopu na wina꞉ alemeke handaa hosiki hao hao peaata꞉ koto kone paelieke. Pa ekipeke. Mo Pi Seliapo wala꞉la꞉ ekina꞉ kiaasa꞉ halima꞉ta꞉ iki pa꞉ta꞉ tanda o ka꞉nda꞉manu hala꞉leketa꞉ kota꞉ koto kone lopo halememe.