Dioni 15:21 - Panake Pi La: Ula: Buka pita: Kine Pieke Buka

²¹ Ikita꞉ yakaeki halemeke handaa do haumanu paeyao iki pa꞉ta꞉ pilimikie. Kutupa make I̱ tapaala꞉ hali na handolo hata꞉ pilimikie.

Dioni 15:21 Referans Kwoze

Ma꞉tiu 10:22

Ikana꞉ma꞉ ya e pokaaseme haliweki hata꞉ ya biki miniki haleme ekina꞉ta꞉ wanda꞉hali paeyaoma꞉ iki hoki wala kialimikie. Kutu pilimipate kone mo haumanu ipulu haena꞉ kone mo paelo pa꞉la꞉ nate opolo epena꞉ yu wia hata꞉ honkopu hao bepolatiki pu halia꞉ someta꞉ da꞉taa haena꞉ lelieke.

Dioni 16:3

Yaka Apa꞉ diki na handeleme ekina꞉ koto haumanu pilimikie.

Dioni 8:19

Mo haliwekima꞉ Yesu lota꞉ pitolo alota꞉ Naka꞉ apa꞉ta꞉ hando pa꞉ta꞉ hala꞉pe lemekeme. Yesuma꞉ ika꞉ pi hombo peaaso alota꞉ I̱ make yaka Apa꞉ make iki na handelememe. Ikana꞉ma꞉ I̱ handemeka꞉na꞉ yoluta꞉ yaka Apa꞉ make handolo pimime leekeme.

Ma꞉tiu 24:9

Koto haumanu pilia꞉ toma꞉na꞉ta꞉ mandane haliwekima꞉ iki pa꞉ta꞉ ka꞉nda꞉manu ku make lu puluekema꞉ iki da꞉ka꞉pa꞉ mina꞉ bepi pilimikie. Ikita꞉ yaeki haleme ekina꞉ wanda꞉hali wopuma꞉ iki honditi wopu pilimikie.

Ma꞉tiu 10:18

Paa yanaaso ya biki hoeyaaluekema꞉ ikana꞉ma꞉ ikita꞉ mo kapomani tumiki haliwekimanu pa꞉ta꞉ make mo kinimanu pa꞉ta꞉ make hatuku pelimikie. Kutu pilimi toma꞉na꞉ta꞉ ikana꞉ma꞉ mo Pi Seliapota꞉ koto kapomani tumiki haliweki pa꞉ta꞉ make mo Diendaili wanda꞉hali pa꞉ta꞉ make waloemena꞉ waleke wilieke.

Aposolo 5:41

Mo aposolo haliwekita꞉ ka̱le̱sete haliweki mina꞉pa꞉lao pulu hata꞉ Koda꞉ma꞉ ikita꞉ Yesuna꞉ bikina꞉ tanda pa꞉la꞉eki ana꞉na꞉ mea꞉pa꞉peke ya꞉la꞉me laa iki pa꞉ta꞉ hone wieke ekina꞉ ta꞉na꞉ma꞉ wopu homolo hata꞉ pemekeme.

Peneme Yaeyekeeki 2:3

Ikita꞉ homu pea yu wia halememe. Kutupa ikita꞉ yaka ekina꞉ kone tanda nalo hata꞉ na kiaalememe.

2 Desalonaika 1:8

Kota꞉ ikana꞉ma꞉ta꞉ Koda꞉ hone na pa꞉la꞉ wanda꞉hali make Tekehali Yesuna꞉ Pi Seliapo na opiki wanda꞉hali make ika꞉ hoke yenki haluekema꞉ ti uleke talo talo haena꞉ ipilimikie.

1 Kotindi 15:34

Ika꞉ hoke hau piteleme ekimanu mina꞉pa꞉lao ika꞉ hone tiki tiki yao epeke tupa꞉ paa hapa꞉peke. Iki pa꞉ta꞉ haleme mandane wanda꞉hali manuma꞉ta꞉ Koda꞉na꞉ hau na handelememe. Do alo ekina꞉ta꞉ yaala꞉ma꞉ homaamina꞉ alome.

1 Kotindi 2:8

Do kenke kilu tombuao haleme haliwekima꞉ta꞉ do hone wotu wita꞉la꞉ ekita꞉ na handemekeme. Handemeka꞉na꞉ yoluta꞉ hande pa̱a̱ piki Tekehalita꞉ mo a꞉ka꞉tei wape piki tina꞉ na endiaalo pimime.

Loma꞉ 1:28

Mo haliwekima꞉ta꞉ Koda꞉ ota꞉ hala꞉eki hone ma꞉nda꞉ uluekema꞉ kiaasemeke ekina꞉ta꞉ Koda꞉ma꞉ ika꞉ kone hone u hoeyao pa haena꞉ la꞉la꞉me. Koto pa꞉la꞉ ekina꞉ mo haliwekima꞉ ana꞉ na piki haumanu pu halememe.

Aposolo 17:23

Ika꞉ panda꞉puniao hata꞉ yeni pu haleme ale manuta꞉ pulu hata꞉ handoa꞉pate pa ika꞉ oloda homekena꞉ mo wape pa꞉la꞉ pi ma꞉nda꞉ dupa handa꞉ ua꞉me. Na hando hala꞉ Tekehalina꞉ ekie handoa꞉me. Kutupa koto ikana꞉ma꞉ panda꞉puniao hata꞉ na hando haleme Tekehalina꞉ pi kone ame iki pa꞉ta꞉ walolome leekeme.

Aposolo 9:16

I̱ma꞉ yaka hauna꞉ tanda pa꞉la꞉eki mina꞉ la waluekema꞉ pue leekeme.

Aposolo 3:17

Ya kametitio. Ikana꞉ma꞉ make ika꞉ you haliwekima꞉ tonka꞉na꞉ Yesu pa꞉ta꞉ pimiki ekita꞉ teke na handa꞉ wiki hata꞉ pimi ekita꞉ I̱ma꞉ hone witolome.

Dioni 8:54

Yesuma꞉ ika꞉ pi hombo peaaso alota꞉ I̱ma꞉ kone yaka pi laa laowa꞉ka꞉na꞉ yoluta꞉ I̱ta꞉ pa hali kone halo pua꞉me. Yaka pi laasa꞉ halita꞉ yaka Apa꞉ma꞉ kone laasa꞉me. Ipikita꞉ ikana꞉ma꞉ nika꞉ Koda꞉ hala꞉me leme halie.

Luku 6:22

Ikita꞉ mo Wanda꞉halina꞉ Eiyeke tolu halemeke handaa mandane wanda꞉halima꞉ iki pa꞉ta꞉ yaala꞉ma꞉ homao make tanda ku make ika꞉ biki hoeyaaluekema꞉ hoke ba꞉sa꞉ pitolo yayapiki pimanu sa꞉mba꞉lao pitolo haena꞉ kone

Ma꞉tiu 10:39

Ma꞉nda꞉ hali epima꞉ ipika꞉ honkopuma꞉ kone ipika꞉ da꞉ta꞉la꞉eki muluekema꞉ taapo haya꞉ka꞉na꞉ta꞉ kota꞉ ipika꞉ da꞉ta꞉la꞉eki alupalieke. Pate ya e amba꞉la pokaaluekema꞉ ipika꞉ da꞉ta꞉la꞉eki amba꞉la hone na wia꞉ka꞉na꞉ta꞉ kota꞉ koto somena꞉ da꞉ta꞉la꞉ ekita꞉ pa u halieke.

Ma꞉tiu 5:11

Ikita꞉ ya hoki nane tolu haleme ekina꞉ mandane wanda꞉hali ika꞉ pima꞉ iki yaala꞉ma꞉ homao make iki pa꞉ta꞉ tanda ku make ika꞉ biki hoeyaaluekema꞉ hoke ba꞉sa꞉ pitolo yayapiki pimanu sa꞉mba꞉lao pitolo haena꞉ kone kota꞉

Maka 13:13

Yaka biki menelemeke handaa wanda꞉hali paeyaoma꞉ iki ota꞉ kiaalimikie. Kutu pilimipate hali epima꞉ kima꞉ na homeke paelo pa꞉la꞉ tombona꞉ opolo puaata꞉ deto hala꞉eki milieke leekeme.

Luku 21:12

Dupiki haumanu puluekema꞉ haena꞉ta꞉ niki amba꞉la mina꞉ yombuata꞉ oni pi hotu haleme da pa꞉ta꞉ niki pi yokaalu puemena꞉ hala꞉ moneaota꞉ dipula mea pitalimikie. Kutupa ikita꞉ yaka bikina꞉ kone mo kini haliwekimanu make handeteke pilimi haliwekina꞉ leke popelekena꞉ hatuku ipilimikie.

Luku 21:17

Yaka biki melemeke handaa wanda꞉hali paeyaoma꞉ iki ota꞉ kiaalimikie.

Dioni 8:55

Ipikita꞉ ikana꞉ma꞉ na handelemepate I̱ma꞉ta꞉ ipiki hala꞉eki handolome. Ipikita꞉ I̱ma꞉ na handolome loa꞉ka꞉na꞉ yoluta꞉ kota꞉ iki tupa꞉ yayapiki hali halo pua꞉me. Kutu pulu pua꞉pate I̱ma꞉ ipiki handaata꞉ ipika꞉ pi make opu halome.

Dioni 15:24

Amba꞉ titina꞉ ma꞉nda꞉ma꞉ na pieke ekimanu I̱ma꞉ iki ame̱le̱ na pua꞉ka꞉na꞉ yoluta꞉ ika꞉ hoke hauta꞉ peneme na yaalo pia꞉me. Koto pa꞉la꞉pate I̱ma꞉ pua꞉eki handaa kone yaka Apa꞉ diki pa꞉ta꞉ honditi pu halememe.

Dioni 17:25

Tiki tiki piki Apa꞉o. Kenke wanda꞉halima꞉ neke na handelemepate I̱ma꞉ta꞉ neke handolome. Kutupa do haliwekima꞉ta꞉ nakana꞉ma꞉ I̱ tapaale ekita꞉ handelememe.

Aposolo 4:17

pa do hau pita꞉la꞉ ekita꞉ mo wanda꞉hali pa꞉ta꞉ sa꞉mba꞉la꞉pa wiaapa꞉na꞉ do hali yaapo pa꞉ta꞉ Mo hande bikina꞉ wanda꞉hali pa꞉ta꞉ ota꞉ paa na wala꞉pa꞉peke laa pi taka꞉lakema꞉ lomana꞉e lemekeme.

Aposolo 9:14

Kutupa ipikana꞉ma꞉ mo yeni peao haleme teke haliweki pa꞉ta꞉ pase mea wia hata꞉ do naka꞉ bikina꞉ pi milie Damasikasi wanda꞉hali pa꞉ta꞉ tanda tanda halolo pita꞉la꞉me leekeme.

Aposolo 26:9

Mo hande Na꞉sa꞉tete hali Yesuna꞉ bikina꞉ pita꞉la꞉ ekimanu sa꞉sa꞉ puluekema꞉ I̱ma꞉ta꞉ hau ma꞉nda꞉ wotu puluekema꞉ hone wopu wiaata꞉

1 Dioni 3:1

Mo Apa꞉ma꞉ niki pa꞉ta꞉ pukima꞉ homa꞉la꞉eki tieke handa꞉pe. Ipika꞉ pukima꞉ homa꞉la꞉ ekita꞉ ota꞉ tieke aneke yalo hata꞉ta꞉ nikita꞉ Koda꞉na꞉ wekiwandiki lelememe. Kota꞉ koto ekina꞉ nikita꞉ ota꞉ ipika꞉ wekiwandikie. Doeki tekena꞉ta꞉ do kenke wanda꞉halima꞉ta꞉ Koda꞉ na handelemeeki yalo niki make na handelememe.

3 Dioni 1:7

Pa ekipeke ikana꞉ma꞉ta꞉ mo hone na tulaaleme wanda꞉halina꞉ tamba꞉ mina꞉la꞉ ekita꞉ kiaaso hata꞉ Ketisona꞉ e pokaaluekema꞉ ika꞉ kone kini pimime.