Dioni 15:12 - Panake Pi La: Ula: Buka pita: Kine Pieke Buka

¹² Yaka pi witolo ekita꞉ dupae. I̱ma꞉ iki pa꞉ta꞉ pukima꞉ homolo tupa꞉ ikana꞉ma꞉ make pukima꞉ homaalualu pea꞉pa꞉peke.

Dioni 15:12 Referans Kwoze

1 Dioni 4:21

Mo hande Ketisoma꞉ niki pa꞉ta꞉ ka꞉la꞉ pi ula꞉ ekita꞉ dupae. Ma꞉nda꞉ epima꞉ Koda꞉ pa꞉ta꞉ pukima꞉ homea꞉ka꞉na꞉ta꞉ kota꞉ ipikita꞉ mo ipika꞉ kame pa꞉ta꞉ make pukima꞉ homa꞉peke ya꞉la꞉me la la꞉la꞉me.

Dioni 13:34

Ameta꞉ I̱ma꞉ iki pa꞉ta꞉ panake pi ula꞉eki la꞉ wiaasome dupa. Ika꞉ kone pukima꞉ homaalu alu pea hapa꞉peke. I̱ma꞉ iki pa꞉ta꞉ pukima꞉ homao tupa꞉ ikana꞉ma꞉ make pukima꞉ homaalu alu pea꞉pa꞉peke laa

1 Pida 4:8

Pukima꞉ homa꞉la꞉ ekima꞉ta꞉ hoke hau eleke eleke a꞉mbao haleke handa ika꞉ titina꞉ hauta꞉ pukima꞉ ota꞉ wopu homa꞉ alualu pu hapa꞉peke.

1 Dioni 3:23

Kutupa ipikana꞉ma꞉ mo niki pa꞉ta꞉ pipee ala꞉ ekita꞉ dupa. Nikana꞉ma꞉ ipika꞉ Eiyeke Yesu Ketiso pa꞉ta꞉ hone tulao hata꞉ make pa mo hande Yesuma꞉ leeke tupa꞉ kone niki ame̱le̱ pukima꞉ homa꞉ alualu pu hapa꞉peke.

Loma꞉ 12:10

Ikana꞉ma꞉ ika꞉ Ketiso kametiti ame̱le̱ ika꞉ kone pukima꞉ homa alualu pea hapa꞉peke. Kutupa ika꞉ ika꞉ kone lu mina꞉nia alualu puluekema꞉ taapo hapa꞉peke.

Epesese 5:2

Hande Ketisoma꞉ niki pa꞉ta꞉ pukima꞉ homa꞉la꞉ tupa꞉ ikana꞉ma꞉ make pukima꞉ homa hapa꞉peke. Ipikana꞉ma꞉ Koda꞉ ta꞉na꞉ma꞉ homaaso hata꞉ ma꞉na꞉ lia halo haemeke tupa꞉ totopo piki ale leke ipika꞉ da꞉ta꞉la꞉eki kone nika꞉eki halawaeyekeme.

1 Pida 3:8

Ya paeyaaso pita꞉ dupa alome. Iki paeyaoma꞉ hau paeyao pa꞉ta꞉ homeke hone wia a꞉ta꞉ma꞉ homa꞉ alualu pu hapa꞉peke. Iki homeke homeke paeyaoma꞉ nikita꞉ yankeke homeke hone witolo hata꞉ta꞉ pukima꞉ homa꞉ alualu pea make epeke hau pu alualu pea make homu pu alualu pea hapa꞉peke.

1 Pida 1:22

Koda꞉na꞉ ota꞉ pi opua pu haleme ekima꞉ta꞉ ika꞉ temoko yako pina꞉ lelememe. Ame ika꞉ Ketiso yankeke ota꞉ pukima꞉ homa halememe. Koto pelemepate ika꞉ puki paeyaoma꞉ pukima꞉ ota꞉ homa꞉ alualu pu hapa꞉peke.

1 Desalonaika 4:9

Ika꞉ Ketiso yankeketiti pa꞉ta꞉ pukima꞉ homolo peleme ekina꞉ I̱ma꞉ wape ma꞉nda꞉ na pitolome. Pa ekipeke. Do hau pulu pimi ekita꞉ Koda꞉ma꞉ iki pa꞉ta꞉ amba꞉ walea꞉me.

1 Desalonaika 3:12

Koto ekina꞉ ika꞉ ika꞉ kone pukima꞉ homelemeeki make paeyao pa꞉ta꞉ pukima꞉ homelemeeki make mo Tekehalima꞉ta꞉ nikana꞉ma꞉ iki pa꞉ta꞉ pitoloma꞉ tupa꞉ kone ipikana꞉ma꞉ ika꞉eki mea daeyawao pia꞉ka꞉na꞉ta꞉ epelieke.

2 Desalonaika 1:3

Nika꞉ kametonuo. Iki pa꞉ta꞉ hone witolo hata꞉ Koda꞉ pa꞉ta꞉ keiyae pi lo hamonoe. Ota꞉ dupiki pi lo haloma꞉ ekina꞉ teketa꞉ ika꞉ hone tulaleme ekita꞉ ota꞉ anekema꞉ daela꞉me. Kutupa mo ika꞉ pukima꞉ homa꞉ alualu pelemeeki make daeya tieke ya꞉la꞉me.

Dioni 15:17

Koto ekina꞉ iki pa꞉ta꞉ I̱ma꞉ pi witoloeki dupae. Ika꞉ kone pukima꞉ homaalu alu pea hapa꞉peke laa leekeme.

2 Dioni 1:5

Koto ekina꞉ mo wanda꞉o niki paeyaoma꞉ pukima꞉ homa꞉ alu alu pumana꞉e laa alome. Do wape laaso hata꞉ neke pa꞉ta꞉ alo pita꞉ panake pi ula꞉eki dia꞉ya꞉la꞉pate hande amba꞉ titina꞉ kini pitolo hata꞉ wia haloma꞉ pi ula꞉eki konee.