Dioni 14:6 - Panake Pi La: Ula: Buka pita: Kine Pieke Buka

⁶ Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

Dioni 14:6 Referans Kwoze

Aposolo 4:12

Kutupa niki mea detemono pa꞉ta꞉la꞉la꞉ hali ma꞉nda꞉ na hala꞉me. Oli ya oto pa꞉ta꞉ta꞉ mo wanda꞉hali mea da꞉taasa꞉ halina꞉ biki ma꞉nda꞉ dia꞉ya꞉leke loa꞉me leekeme.

Dioni 10:9

I̱ta꞉ pota꞉ kake halome. Hali epima꞉ I̱ pa꞉ta꞉ honda꞉ pamba epea꞉ka꞉na꞉ta꞉ koto halima꞉ da꞉ta꞉la꞉eki milieke. Kutupa mo halita꞉ tukiki nane pua꞉tiki hama꞉ nane a꞉pa꞉tiki pitolo hata꞉ epeke nemanu netiki pilieke.

Epesese 2:18

Ketisoma꞉ peaala꞉ ekima꞉ta꞉ Diu wanda꞉hali make Diendaili wanda꞉hali make niki paeyaoma꞉ta꞉ homeke Sipitidi meata꞉ Koda꞉ hala꞉ pa꞉ta꞉ pua꞉peke ya꞉la꞉me.

Dioni 1:4

Mo hande Pi pa꞉ta꞉ta꞉ da꞉ta꞉la꞉eki pitiekeme. Kutupa mo da꞉ta꞉la꞉ ekita꞉ kenke wanda꞉halina꞉ pa̱a̱ peaasa꞉eki pitiekeme.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Hibulu 7:25

Koto pa꞉la꞉ ekima꞉ta꞉ wetepe make ame do make mo ipiki pa꞉ta꞉ yama꞉ Koda꞉ pa꞉ta꞉ ipilimi wanda꞉halita꞉ ota꞉ da꞉taapeke ya꞉la꞉me. Pa ekipeke ipikana꞉ma꞉ ikina꞉ Koda꞉ pa꞉ta꞉ honke latiki puluekema꞉ hao hala꞉me.

Dioni 8:32

ota꞉ hau pita꞉la꞉eki handilimikie. Kutupa mo ota꞉ hau pita꞉la꞉ ekima꞉ iki ka꞉la꞉pa꞉ tapao hamina꞉ lelieke.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

Dioni 5:21

Hande Apa꞉ma꞉ homemeke wanda꞉hali mea da꞉taasa꞉ tupa꞉ koto tupa꞉ kone hande Eiyekema꞉ ipika꞉ hone wia wanda꞉hali mea da꞉taasa꞉me.

2 Dioni 1:9

Ma꞉nda꞉ epima꞉ Ketisoma꞉ waleekeeki pa꞉ta꞉ na hake pa ankulao mo pate leke pea꞉ka꞉na꞉ta꞉ kota꞉ Koda꞉ta꞉ koto some yaapo na hala꞉me. Pate epima꞉ mo wala꞉la꞉eki pa꞉ta꞉ haya꞉ka꞉na꞉ta꞉ kota꞉ Koda꞉ A꞉taala꞉ta꞉ koto some pa꞉ta꞉ halepeme.

Peneme Yaeyekeeki 20:15

Kutupa make ma꞉nda꞉ epi ipika꞉ bikita꞉ mo da꞉ta꞉la꞉ wanda꞉halina꞉ bukana꞉ na laeya꞉ someta꞉ oni ti uleke kiake pa꞉ta꞉ yola꞉ mea lopaeya꞉me.

Dioni 15:1

Yesuma꞉ alota꞉ I̱ta꞉ ota꞉ waini pu tekee. Kutupa yaka Apa꞉ta꞉ mo waini pu ena꞉ teke halie.

Ma꞉tiu 11:27

Ala꞉ta꞉ ala꞉ta꞉ paeyaota꞉ ya Apa꞉ma꞉ I̱ pa꞉ta꞉ amba꞉ ka꞉la꞉me. Eiyeketa꞉ hali ma꞉nda꞉ma꞉ ota꞉ na handa꞉la꞉pate Apa꞉ma꞉ homeke handa꞉la꞉me. Koto mandake tupa꞉ kone Apa꞉ta꞉ hali ma꞉nda꞉ma꞉ ota꞉ na handa꞉la꞉pate Eiyekema꞉ homeke handa꞉la꞉me. Koto pa꞉la꞉ ekina꞉ mandane wanda꞉halima꞉ make Ateke handena꞉ Eiyekema꞉ iki ma̱leke lia peneme yaeya꞉ka꞉na꞉ta꞉ handilimikie.

Dioni 6:51

Oli hepeni nane hao hola꞉pa꞉niao a꞉pa꞉la꞉ da꞉ta꞉la꞉ palaowata꞉ I̱e leekeme. Hali epima꞉ do palaowa nea꞉ka꞉na꞉ta꞉ da꞉ta hao halieke. Kutupa mo hali pa꞉ta꞉ I̱ma꞉ halo polo palaowata꞉ yaka loke mindiki kone halueke. Kenke wanda꞉hali paeyaoma꞉ da꞉ta꞉la꞉eki mina꞉yeke yaka loke mindiki halueke leekeme.

Peneme Yaeyekeeki 22:17

Mo Sipitidi pita꞉ mo hali panake pula꞉ wanda꞉ yaapoma꞉ alota꞉ Epoe ala꞉me. Do pi opilimi tapake paeyaoma꞉ make Epoe lapa꞉peke ya꞉lieke. Ikali na꞉na꞉ma꞉ homele some epita꞉ do da꞉taapeke ya꞉la꞉ ikalita꞉ pa hameke kita꞉la꞉ekie laa mea꞉peke ya꞉la꞉me. Dota꞉ ma꞉nda꞉ epi hone pa꞉la꞉ somena꞉ loa꞉me lea꞉me.

Dioni 8:51

Iki pa꞉ta꞉ ota꞉ pi alome. Hali epima꞉ yaka waloloeki opua pia꞉ka꞉na꞉ta꞉ koto halita꞉ hoto ma꞉nda꞉ a꞉nda꞉ homa꞉la꞉eki na handilieke.

1 Dioni 2:23

Ma꞉nda꞉ epima꞉ a꞉nda꞉ mo Eiyeke hoki walea꞉ka꞉na꞉ta꞉ kota꞉ Ateke make hoki wala꞉la꞉me. Ma꞉nda꞉ epima꞉ Eiyeke a꞉nda꞉ pukima꞉ homea꞉ka꞉na꞉ta꞉ kota꞉ Ateke make pukima꞉ homa꞉la꞉me.

Dioni 10:28

Iki pa꞉ta꞉ da꞉ta hao hala꞉eki halono ikita꞉ ota꞉ na homilimikie. Kutupa ikita꞉ ya kiki pa꞉ta꞉ haena꞉ hali ma꞉nda꞉ma꞉ pa꞉ta꞉la꞉ mea꞉peke na ya꞉la꞉me.

Dioni 18:37

Koto leeke ekina꞉ Pailedima꞉ ipiki lota꞉ pitolo alota꞉ Kota꞉ neketa꞉ kini hali ya꞉ka꞉ta꞉pe leekeme. Yesuma꞉ ipika꞉ pi hombo peaaso alota꞉ I̱ pa꞉ta꞉ kini halie ale ekita꞉ naka꞉ alee. I̱ta꞉ hau homeke puluekema꞉ epoa꞉me. Mo ota꞉ pi waluekema꞉ loa꞉me. Kutu pionoyeke yaka ama꞉ma꞉ I̱ mendieke do kenkena꞉ epoa꞉me. Kutupa mo ota꞉ pi opuluekema꞉ katake na a꞉mba haleme wanda꞉halima꞉ I̱ma꞉ pi alo ekita꞉ opu halememe.

Dioni 6:33

Do hande Koda꞉ma꞉ kita꞉la꞉ palaowata꞉ ipikana꞉ma꞉ hepeni mina꞉pa꞉lao hola꞉pa꞉niao a꞉paata꞉ kenke wanda꞉hali pa꞉ta꞉ da꞉ta꞉la꞉eki hala꞉la꞉me leekeme.

Dioni 14:19

hosiki hao kenke wanda꞉halima꞉ I̱ pa na handolo pelemepate ikana꞉ma꞉ wetepe I̱ handilimikie. Koto ekina꞉ I̱ da꞉ta꞉ halo ekima꞉ta꞉ iki make da꞉ta꞉ halimikie.

Dioni 6:57

Da꞉ta hala꞉ Apa꞉ma꞉ I̱ tapaeya꞉me. Kutupa ipiki hala꞉ ekima꞉ I̱ make halome. Koto pa꞉la꞉ ekina꞉ hali epima꞉ I̱ nea꞉ka꞉na꞉ta꞉ kota꞉ koto halita꞉ I̱ haloa꞉ ekima꞉ da꞉ta halieke.

1 Pida 2:4

Tekehalita꞉ mo da꞉ta ula꞉ toopi pa꞉ta꞉ ipu hapa꞉peke. Wanda꞉halima꞉ta꞉ koto toopita꞉ pa alee hone wia kiao haemekeme. Koto pimikipate Koda꞉ma꞉ mo toopita꞉ ota꞉ epekeekie la ma̱leke liekeme.

Dioni 10:7

Koto ekina꞉ Yesuma꞉ paa dupa leekeme. I̱ma꞉ iki pa꞉ta꞉ ota꞉ pi alome. I̱ta꞉ sipisipi ma꞉na꞉ manuna꞉ pota꞉ kake halome.

Loma꞉ 5:2

Nikana꞉ma꞉ Yesu Ketiso pa꞉ta꞉ hone tulaaloma꞉ ekina꞉ ipikana꞉ma꞉ Koda꞉ma꞉ niki pa꞉ta꞉ pa hameke a꞉ta꞉ma꞉ homa꞉la꞉eki handomono la꞉la꞉me. Kutupa ameta꞉ koto tupa꞉ haloma꞉me. Koto ekina꞉ Koda꞉ma꞉ ipika꞉ pa̱a̱ pa꞉la꞉eki niki pa꞉ta꞉ teli teli peaalo pa꞉la꞉eki hone ti lao hata꞉ ta꞉na꞉ma꞉ homa haloma꞉me.

Kolosi 3:4

Ika꞉ ota꞉ da꞉ta꞉la꞉ ekita꞉ Ketiso yaalo ipiki opolo epea꞉ka꞉na꞉ta꞉ kota꞉ iki make ipiki ame̱le̱ mandakena꞉ opolo a꞉pa ipika꞉ pa̱a̱ pa꞉la꞉eki telipilimikie.

1 Kotindi 15:45

Mo Baibolo bukana꞉ wape pa꞉la꞉ ekita꞉ dupa. Amba꞉ titina꞉ hali A꞉da꞉ma꞉ta꞉ wepia da꞉ta haena꞉ leeke halie wape pa꞉la꞉pate pa mo wetepe nane A꞉da꞉ma꞉ta꞉ mo deto haena꞉ la꞉la꞉ Temokoe.

1 Dioni 1:8

Nikana꞉ma꞉ alo hata꞉ Nikita꞉ hokeeki na ula꞉me loma꞉ka꞉na꞉ta꞉ kota꞉ nikana꞉ma꞉ta꞉ nika꞉ kone makeaasoma꞉me. Kutupa niki pa꞉ta꞉ta꞉ ota꞉eki na ula꞉me.

Dioni 6:68

Saimono Pidama꞉ ipika꞉ pi hombo peaaso alota꞉ Tekehalio. Epi pa꞉ta꞉ pomonope. Naka꞉ pi manuta꞉ da꞉tao hala꞉ pimanue.

Loma꞉ 5:21

Koto ekina꞉ wanda꞉hali paeyao homolo puma꞉ ekina꞉ hoke hau pita꞉la꞉eki titipu wotu piekeme. Koto tupa꞉ kone Koda꞉ma꞉ niki pa꞉ta꞉ pa hameke a꞉ta꞉ma꞉ homolo hata꞉ nikita꞉ ipiki yaapo tikitiki yao hamono laata꞉ da꞉ta hao hamono la꞉la꞉me. Koto pa꞉la꞉ ekima꞉ Koda꞉ ipika꞉ pa hameke a꞉ta꞉ma꞉ homa꞉la꞉eki titipu wopu pa꞉la꞉eki peneme yao wala꞉la꞉me. Kutupa koto pa꞉la꞉ ekita꞉ Koda꞉ma꞉ nika꞉ Tekehali Yesu Ketisoma꞉ peaena꞉ leekeme.

Peneme Yaeyekeeki 1:5

Kutupa make mo Koda꞉na꞉ pi ota꞉ tupa꞉ laasa꞉ hali mo hande homa꞉la꞉eki bepolao tiaeyeke titina꞉ hali make do kenke honiki paeyaona꞉ kini haliwekina꞉ handeteke hala꞉ hali Yesu Ketisoma꞉ make homeke hau kone pina꞉e. Ipikana꞉ma꞉ta꞉ niki pukima꞉ homo hala꞉me. Ipika꞉ a꞉ka꞉tei wape piki tina꞉ lopeeke wema꞉ta꞉ nika꞉ hoke hau pa꞉ta꞉ niki ka꞉la꞉pa꞉ tapaala꞉me.

1 Pida 1:21

Yesu pa꞉ta꞉ yama꞉ Koda꞉ pa꞉ta꞉ hone tulalememe. Koda꞉ma꞉ Yesu mea tiao pa̱a̱ peawayekeme. Koto ekina꞉ta꞉ ika꞉ hone tulalemeeki make ika꞉ hone ti lalemeeki make Koda꞉ pa꞉ta꞉ pu halememe.

Peneme Yaeyekeeki 19:11

Kutupa oli hepeni lumba꞉pa wia mo hakepiki hosi ma꞉na꞉ handoa꞉me. Mo hosi hokina꞉ pitia꞉ halina꞉ bikita꞉ Kima꞉ na homeke hone tu laala꞉eki pita꞉ Ota꞉eki yaapoe lea꞉me. Ipikana꞉ma꞉ tikitiki piki hauma꞉ pi yokaalu pea make ipika꞉ a꞉nda꞉ ipula꞉eki a꞉nda꞉ pu hala꞉me.

Kolosi 2:9

Pa ekipeke Ketiso pa꞉ta꞉ta꞉ Koda꞉ ipika꞉ hala꞉eki paeya tapao kenke loke tupa꞉ hala꞉me.

1 Dioni 5:6

Yesu Ketisota꞉ mo ikalima꞉ bapitaisi pita꞉la꞉ hauna꞉ make ipika꞉ we holo pieke hauna꞉ make epeekeme. Ipikita꞉ mo ikalina꞉ hau homekena꞉ na epeekepate pa mo ikali pita꞉ we yaapo telipuna꞉na꞉ epeekeme. Kutupa mo Sipitidima꞉ kone peneme yaasota꞉ do hauta꞉ ota꞉ekie laa ala꞉me. Pa ekipeke mo Sipitidita꞉ ota꞉ ekie.

Peneme Yaeyekeeki 3:14

Mo Leiodisia siosina꞉ enisolo pa꞉ta꞉ dupa lae. Do pita꞉ mo hande ipika꞉ biki ma꞉nda꞉ taapo wiaaso hata꞉ Kutu pina꞉taa leleme somema꞉ ala꞉me. Ipikita꞉ kima꞉ na homeke ota꞉ hauna꞉ walo hala꞉ halie. Kutupa make ipikita꞉ mo hande Koda꞉ma꞉ wa꞉pa꞉la꞉ alemanu paeyaona꞉ teke somee.

Kolosi 2:17

Do haumanu paeyaota꞉ mo wetepena꞉ ekina꞉ su̱a̱ su̱a̱ tupa꞉ konee. Ota꞉ ekita꞉ Ketisoe.

Peneme Yaeyekeeki 3:7

Mo Pila꞉delepia siosina꞉ enisolo pa꞉ta꞉ dupa lae. Do pita꞉ mo yako pea ota꞉ hauna꞉ teke halima꞉ ala꞉me. Ipikita꞉ mo hande Deipidina꞉ pota꞉ ki wia hala꞉ halie. Kutupa ipikana꞉ma꞉ pota꞉ ma꞉nda꞉ lombea꞉ka꞉na꞉ta꞉ ma꞉nda꞉ma꞉ hamba꞉peke na ya꞉la꞉me make pokea꞉ka꞉na꞉ta꞉ ma꞉nda꞉ma꞉ lomba꞉peke na ya꞉la꞉me.

Aposolo 3:15

Ikana꞉ma꞉ mo da꞉taasa꞉ hali limipate Koda꞉ma꞉ mea tiaeyekeme. Kutupa nikana꞉ma꞉ wekitisi do halualu pitoloma꞉ handa꞉e leekeme.

Peneme Yaeyekeeki 22:1

Mo enisoloma꞉ta꞉ ala꞉ta꞉ ma꞉nda꞉ na ta̱leke kalasima꞉ handeke da꞉ta꞉la꞉eki kita꞉la꞉ ikali yopulu hala꞉ I̱ pa꞉ta꞉ walea꞉me. Mo ikalita꞉ oli Koda꞉ pita꞉ Sipisipi Ma꞉na꞉ Ikiki yaapona꞉ kini sea pa꞉ta꞉ yama꞉ epea꞉me.

Hibulu 9:8

Koto hau manuna꞉ta꞉ mo Holi Sipitidima꞉ niki pa꞉ta꞉ wala꞉la꞉ ekita꞉ dupae. Mo mineke da panda꞉ pa꞉ta꞉ pokemeke emanu a꞉nda꞉ pa pokolo haemeke pita꞉ma꞉ta꞉ mo hande Ota꞉ Yako Piki Da Panda꞉ tukiki nane polo puma꞉ pota꞉ta꞉ na lumbu pa wiki pa poka꞉ pelia hayekeme.

Loma꞉ 15:16

Hande I̱ pa꞉ta꞉ ka꞉la꞉ eta꞉ dupae. Yesu Ketiso ipika꞉ e pokaaso hali hata꞉ mo Diendaili wanda꞉halina꞉ e pokaanoyeke ka꞉la꞉me. I̱ma꞉ mo hande Koda꞉na꞉ Pi Seliapo walaaso hata꞉ta꞉ yeni peaasa꞉ hali leke hata꞉ pitolome. Mo hande Diendaili wanda꞉halita꞉ Koda꞉ma꞉ ta꞉na꞉ma꞉ homolo hata꞉ mina꞉yeke pa hala꞉la꞉ ale leke haluekema꞉ pitolome. Mo Holi Sipitidima꞉ make mo hala꞉la꞉ aleta꞉ yako pina꞉ ala꞉me.

Aposolo 9:2

Kutu putia mo yeni peao haemeke you haliwekina꞉ you hali pa꞉ta꞉ pua alota꞉ Mo Damasikasi nane pi hotu haleme damanu pa꞉ta꞉ do hande panake hau piteleme wanda꞉hali dipula mea Diutuseleme nane mea ipuluekema꞉ loa꞉ma꞉ pase kie laa pua honke leekeme.