Dioni 14:4 - Panake Pi La: Ula: Buka pita: Kine Pieke Buka

⁴ Kutupa I̱ pulueeki make pota꞉ make ikana꞉ma꞉ handelememe laa leekeme.

Dioni 14:4 Referans Kwoze

Dioni 10:9

I̱ta꞉ pota꞉ kake halome. Hali epima꞉ I̱ pa꞉ta꞉ honda꞉ pamba epea꞉ka꞉na꞉ta꞉ koto halima꞉ da꞉ta꞉la꞉eki milieke. Kutupa mo halita꞉ tukiki nane pua꞉tiki hama꞉ nane a꞉pa꞉tiki pitolo hata꞉ epeke nemanu netiki pilieke.

Dioni 16:28

I̱ta꞉ hande yaka Apa꞉ yaapo hao do kenkena꞉ a꞉pa hao ameta꞉ do kenke mina꞉pa꞉lao yaka Apa꞉ pa꞉ta꞉ polueke leekeme.

Dioni 14:2

Yaka Apa꞉na꞉ da pa꞉ta꞉ta꞉ da panda꞉ eleke eleke wotu ula꞉me. Kutupa I̱ puata꞉ ika꞉ a꞉pa halo peleme alena꞉ wamo peaalo pula꞉me. Do aloeki na wia꞉ka꞉na꞉ yoluta꞉ I̱ma꞉ iki pa꞉ta꞉ amba꞉ la kulu pua꞉me laa leekeme.

Dioni 13:3

Yesuma꞉ta꞉ hande ipika꞉ Atekema꞉ ala꞉ta꞉ ala꞉ta꞉ paeyao ipiki pa꞉ta꞉ haleekeeki make ipikita꞉ Koda꞉ yaapo hao a꞉pa Koda꞉ pa꞉ta꞉ polo piekeeki make hone wiekeme.

Dioni 6:40

Yaka Apa꞉na꞉ hone pa꞉la꞉eki dupae. Eiyeke handaa ipiki pa꞉ta꞉ hone tulaaseme wanda꞉hali paeyaota꞉ deto hala꞉eki mina꞉yeke hone pa꞉la꞉me. Kutupa mo hande paelie dina꞉ make I̱ma꞉ mo wanda꞉hali pa mea tiawaalueke leekeme.

Dioni 3:36

Hali epima꞉ hande Eiyeke pa꞉ta꞉ hone tulao haya꞉ka꞉na꞉ta꞉ kota꞉ koto halima꞉ da꞉ta꞉ hao halo pa꞉la꞉pate hali epima꞉ hande Eiyekena꞉ kakena꞉ na homea꞉ka꞉na꞉ta꞉ deto hala꞉eki na miki haena꞉ Koda꞉ ipika꞉ mineke panka꞉la꞉eki koto hali pa꞉ta꞉ ula꞉me.

Dioni 14:28

I̱ma꞉ iki mina꞉pa꞉lao polueke laa loa꞉pateta꞉ paa la꞉ka꞉la ipulueke laa loa꞉ pita꞉ amba꞉ opimime. Ikana꞉ma꞉ I̱ pa꞉ta꞉ pukima꞉ homemeka꞉na꞉ yoluta꞉ mo yaka Apa꞉ pa꞉ta꞉ I̱ pulume loa꞉ ekina꞉ ta꞉na꞉ma꞉ homolo pimime. Pa ekipeke yaka Apa꞉ta꞉ I̱ ankulao hala꞉ ekina꞉ loa꞉me leekeme.

Dioni 12:26

Hali epima꞉ yaka e pokaaluekema꞉ hone pia꞉ka꞉na꞉ta꞉ ipikana꞉ma꞉ ya hoki nane telia꞉ mea epena꞉e. Yaka e pokaasa꞉ halita꞉ I̱ halo alena꞉ kone diki mandakena꞉ halupekema꞉ loa꞉me. Yaka e pokaasa꞉ halita꞉ yaka Apa꞉ma꞉ koto halina꞉ biki tieke wina꞉ lelieke leekeme.

Luku 24:26

Mo Ketisoma꞉ta꞉ titina꞉ amba꞉la tanda meaata꞉ wetepena꞉ oli ipika꞉ pa̱a̱ peaasa꞉eki pa꞉ta꞉ honda꞉ pambolota꞉ ana꞉ na pa꞉la꞉pe laa leekeme.

Dioni 14:3

Kutupa I̱ pua ika꞉ halo peleme alena꞉ wamo peaota꞉ I̱ halo alena꞉ mandake pa꞉ta꞉ a꞉pa hamina꞉yeke I̱ paa a꞉pa iki a꞉pa handa꞉ mulueke.

Dioni 14:5

Tomasima꞉ ipiki pa꞉ta꞉ alota꞉ Tekehalio. Neke polo pele ekita꞉ nikana꞉ma꞉ na handoloma꞉me. Koto ekina꞉ pota꞉ta꞉ ekipa handomonope laa leeke handaa