Dioni 14:12 - Panake Pi La: Ula: Buka pita: Kine Pieke Buka

¹² I̱ma꞉ta꞉ iki pa꞉ta꞉ ota꞉ pi alome laa I̱ pa꞉ta꞉ hone tulao hala꞉ halima꞉ta꞉ I̱ma꞉ pitoloeki manuta꞉ ipikana꞉ma꞉ make pilieke. Kutupa yaka Apa꞉ pa꞉ta꞉ I̱ polue ekina꞉ta꞉ I̱ma꞉ pitolo ekimanu kone mo halima꞉ ankulao hau tiekemanu pilieke leekeme.

Dioni 14:12 Referans Kwoze

Ma꞉tiu 21:21

Yesuma꞉ hombo peaaso alota꞉ I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ hone tulaaso hata꞉ hone ma꞉nda꞉ na wimika꞉na꞉ta꞉ kota꞉ I̱ma꞉ mo nose ti pa꞉ta꞉ pua꞉ tupa꞉ kone ikana꞉ma꞉ make ana꞉na꞉ pea꞉peke yelieke. Kota꞉ koto hau homeke dia꞉ ya꞉la꞉pate ikana꞉ma꞉ ika꞉ kone do pote pa꞉ta꞉ alo hata꞉ Oni ikali pa꞉ta꞉ pua lopee lemeka꞉na꞉ta꞉ kota꞉ mo potema꞉ ota꞉ pilieke.

Maka 16:17

Kutupa pi mulu peleme wanda꞉halima꞉ do wele pita꞉la꞉ ekimanu handilimikie leekeme. Ya bikina꞉ hoke temokomanu tolu limikie. Panake pimanu lelimikie.

Aposolo 16:18

Kutupa nate paeyao kutu pia꞉tiki pu haya꞉pate Poloma꞉ ipika꞉ pukima꞉ ka꞉nda꞉ma꞉ homolo hata꞉ la꞉ka꞉la mo temoko pa꞉ta꞉ alota꞉ Yesu Ketisona꞉ bikina꞉ neke pa꞉ta꞉ aloma꞉ mo wandiki mina꞉pa꞉lao opolu bao yopuma lea꞉me. Kutupa koto kone opolu baeya꞉me.

Aposolo 9:34

Pidama꞉ ipiki pa꞉ta꞉ alota꞉ Iniasio. Yesu Ketisoma꞉ neke epeaasa꞉me. Naka꞉ yapa꞉ta꞉ oko pea mina tiae laa leekeme. Koto leeke pita꞉ kone Iniasita꞉ tiaeyekeme.

Aposolo 19:12

Koto ekina꞉ wanda꞉halima꞉ Polona꞉ yonkeleke pa꞉ta꞉ ta̱leeke dau munku tupa꞉ tumbulieke ekimanu make hako leke howao yameeke daumanu make yeni haemeke wanda꞉hali pa꞉ta꞉ mea pemekepate yeni tandelatiki pea hoke temokomanu opulu batiki pimikime.

Aposolo 9:40

Pidama꞉ mo wanda꞉sunu paeyao hama꞉ nane pupe laata꞉ tumiki yotuao yeni peaata꞉ mo wanda꞉ toko handa꞉moneaaso alota꞉ Ta꞉bida. Tiae laa leekeme. Mo wanda꞉ma꞉ leke kila Pida handaata꞉ tiao pitiekeme.

Aposolo 8:7

Wanda꞉hali wopuna꞉ weleke pa꞉ta꞉ pitimiki hoke temokomanu e̱ wi la꞉ paleke paleke pea opolu bepi pea yapemekeeki make kiki anke homa pa wieke wanda꞉hali wopu make ankena꞉ pua꞉peke na yeke wanda꞉hali wopu make tiaemekeeki handolota꞉ ipika꞉ pi opimikime.

Aposolo 5:15

Mo aposolo haliwekima꞉ koto haumanu pu haemeke ekina꞉ da wanda꞉halima꞉ yeni hapa papu wimiki wanda꞉halita꞉ tu mea pua pota꞉na꞉ yapa꞉ta꞉ yamaoma꞉ yamaoma꞉ peaata꞉ mandaneeki bedina꞉ uma꞉ uma꞉ pea paeyao pota꞉na꞉ wimikime. Koto hau pimiki ekita꞉ Pida pota꞉na꞉ yopulu hata꞉ ipika꞉ suasuama꞉ kone mo wimiki mandane wanda꞉hali ankulatiki yapena꞉ pimikime.

Aposolo 2:41

Koto leeke handa wanda꞉hali wopuma꞉ Pidama꞉ waleeke pi opuaata꞉ bapitaisi hau pimikime. Paeyaota꞉ 3 daoseni wanda꞉hali tupa꞉ koto natena꞉ mo hande pi minolo hata꞉ mo Ketiso wanda꞉hali ame̱le̱ apa꞉tao hao haemekeme.

Aposolo 4:4

Kutu piekepate mo pi opimiki wanda꞉halita꞉ pi mimikime. Kutupa mo haliwekita꞉ 5000manu yekeme.

Dioni 16:7

Koto pa꞉la꞉pate I̱ma꞉ iki pa꞉ta꞉ do ota꞉ pi alome. I̱ma꞉ iki mina꞉pa꞉lao polue ekita꞉ ota꞉ epekeekie laa do ekina꞉yeke loa꞉me. I̱ na poa꞉ka꞉na꞉ta꞉ hande Tamba꞉ Mulu Pa꞉la꞉ Halita꞉ na ipilieke. Kutupa I̱ poa꞉ka꞉na꞉ta꞉ hande hali iki pa꞉ta꞉ I̱ma꞉ mea tapaalueke.

Aposolo 2:33

Ipika꞉ Apa꞉ Koda꞉ma꞉ la꞉ wieke tupa꞉ Yesuta꞉ mea tiao ipika꞉ popeke kiki nane mea pitaota꞉ ipiki pa꞉ta꞉ Holi Sipitidi haleekeme. Kutupa nikana꞉ma꞉ ame do handoloma꞉ ekimanu make do opitoloma꞉ ekimanu tonka꞉na꞉ ipiki pa꞉ta꞉ ipula꞉me.

Dioni 7:39

Yesuma꞉ koto leeke ekita꞉ Holi Sipitidi pa꞉ta꞉ kone leekeme. Ipiki pa꞉ta꞉ hone tulao haemeke wanda꞉halima꞉ mo Holi Sipitidi muluekema꞉ haena꞉ leekeme. Koto natena꞉ta꞉ Yesuma꞉ ipika꞉ halo pieke kapu tieke a̱i̱ dia꞉yeke handaa mo Holi Sipitidi a̱i̱ na epena꞉ leekeme.

Dioni 7:33

Yesuma꞉ alota꞉ Iki ame̱le̱ hosiki haota꞉ wetepena꞉ta꞉ I̱ tapaeya꞉ hali pa꞉ta꞉ polueke.

Loma꞉ 15:19

wele wotu pa꞉la꞉ ekimanu make na hando haeme ekimanu make ipika꞉ Sipitidima꞉ wele wotu pia꞉eki make koto ekimanu paeyao handaata꞉ pimikime. Koto ekina꞉ I̱ma꞉ta꞉ mo Diutuseleme da pa꞉ta꞉ kini pu mea wala꞉tiki pua mo Ilitikumi nane kone mo hande Ketiso pa꞉ta꞉ ipula꞉ Pi Seliapo paeyao pa꞉ta꞉ wala꞉niaowa꞉me.

Aposolo 6:7

Koto ekina꞉ mo Koda꞉na꞉ pi paa mea a꞉meiyao kutupa Diutuseleme da nane mo disaipolo wanda꞉hali make aneke hapu daeyao kutupa mandane yeni peao haemeke haliweki wopu make mo Koda꞉na꞉ pi opua Ketiso pa꞉ta꞉ hone tulao haemekeme.

Aposolo 4:16

Do hali yaapo pa꞉ta꞉ta꞉ eki pumana꞉pe lemekeme. Oni Diutuseleme pa꞉ta꞉ haleme wanda꞉halima꞉ mo ota꞉ na hando haloma꞉eki ma꞉nda꞉ tieke pipikieki amba꞉ opua wilimime. Nikana꞉ma꞉ yapi alo alepeme pi lapeke na ya꞉la꞉pate

Dioni 14:28

I̱ma꞉ iki mina꞉pa꞉lao polueke laa loa꞉pateta꞉ paa la꞉ka꞉la ipulueke laa loa꞉ pita꞉ amba꞉ opimime. Ikana꞉ma꞉ I̱ pa꞉ta꞉ pukima꞉ homemeka꞉na꞉ yoluta꞉ mo yaka Apa꞉ pa꞉ta꞉ I̱ pulume loa꞉ ekina꞉ ta꞉na꞉ma꞉ homolo pimime. Pa ekipeke yaka Apa꞉ta꞉ I̱ ankulao hala꞉ ekina꞉ loa꞉me leekeme.

Aposolo 10:46

Mo wanda꞉halima꞉ da ma꞉nda꞉ ma꞉nda꞉na꞉ pi kone pa laaka꞉na꞉ Koda꞉na꞉ pi laemekeme. Kutupa Pidama꞉ alota꞉

Aposolo 4:33

Kutupa wele pita꞉la꞉eki tiekema꞉ta꞉ mo aposolo haliwekima꞉ Yesu Ketisona꞉ tiaeya꞉ ekina꞉ wekitisi halu alu pea kutupa Koda꞉na꞉ a꞉ta꞉ma꞉ homa꞉la꞉ ekita꞉ mo wanda꞉hali paeyao pa꞉ta꞉ pitiekeme.

Maka 11:13

Pota꞉na꞉ puaata꞉ nose ti homeke katake mendia wieke ekina꞉ mopate leke hata꞉ handaata꞉ kiliki a꞉ela꞉patema꞉ handolo peekepate teke pa꞉ta꞉ opolo puaata꞉ pa katakemanu homeke handeekeme. Mo nose kiliki a꞉eya꞉peke nate a̱i̱ dia꞉yeke piekeme.

Dioni 4:37

Kutu pita꞉la꞉ ekima꞉ mo hande lo haloma꞉ pi ma꞉nda꞉ dupa yaasa꞉me. Hali ma꞉nda꞉ma꞉ta꞉ ne wae noka꞉pa꞉la꞉pate pa hali ma꞉nda꞉ma꞉ta꞉ mo ne napeke poka꞉ mepi pita꞉la꞉me aloma꞉me laata꞉

Dioni 5:20

Hande Apa꞉ma꞉ ipika꞉ Eiyeke pa꞉ta꞉ pukima꞉ homolo hata꞉ ipikana꞉ma꞉ pu hala꞉ ekimanu paeyao hande Eiyeke pa꞉ta꞉ walo hala꞉me. Iki penkilipa꞉tia pomuemena꞉yeke ipikana꞉ma꞉ wetepena꞉ta꞉ ota꞉ hau tiekemanu dupikieki wetepeao ipikana꞉ma꞉ Eiyeke pa꞉ta꞉ walieke.