Dioni 14:10 - Panake Pi La: Ula: Buka pita: Kine Pieke Buka

¹⁰ Yaka Apa꞉ma꞉ I̱ yaapo hala꞉eki make I̱ma꞉ make yaka Apa꞉ yaapo haloeki make hone na witelepe leekeme. Koto laa Yesuma꞉ mo disaipolo haliweki pa꞉ta꞉ alota꞉ Iki pa꞉ta꞉ loa꞉ pi manuta꞉ ya hone wia na loa꞉me laa hande I̱ yaapo hala꞉ Apa꞉ma꞉ ipikana꞉ma꞉ kone ipika꞉eki pita꞉la꞉me.

Dioni 14:10 Referans Kwoze

Dioni 5:19

Koto ekina꞉ Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Hande Eiyekema꞉ ipika꞉ kone hone wia hau ma꞉nda꞉ pea꞉peke na ya꞉la꞉me. Ipika꞉ Apa꞉ma꞉ pita꞉la꞉eki handa꞉ pu hala꞉me. Hande Apa꞉ma꞉ pu hala꞉eki kone hande Eiyekema꞉ make pu hala꞉me.

Dioni 10:38

Kutu pua꞉peke ya꞉la꞉pate yaka Apa꞉na꞉ pita꞉la꞉ ekimanu pua꞉ka꞉na꞉ta꞉ I̱ pa꞉ta꞉ hone na tulaake hata꞉ kone yaka pitolo ekimanu pa꞉ta꞉ kone hone tulaapeke aleo. Kutu pimika꞉na꞉ta꞉ hande Apa꞉ta꞉ I̱ tukiki pa꞉ta꞉ hala꞉eki make I̱ta꞉ ipiki tukiki pa꞉ta꞉ haloeki make handa꞉ hone wilimikie leekeme.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Dioni 12:49

I̱ma꞉ ya hone wia na loa꞉me. I̱ tapaeya꞉ hali yaka Apa꞉ma꞉ I̱ma꞉ lolo pua꞉ ekimanu paeyao ipikana꞉ma꞉ lapeke leeke handaa pua꞉me.

Dioni 10:30

Yaka Apa꞉ dikita꞉ homeke kone halopa꞉me leekeme.

Dioni 8:28

Koto ekina꞉ Yesuma꞉ iki pa꞉ta꞉ alota꞉ Ikana꞉ma꞉ wetepena꞉ Wanda꞉halina꞉ Eiyeke mea a꞉meiyaemeka꞉na꞉ta꞉ I̱ do halima꞉ la꞉tiki pua꞉ ekita꞉ ota꞉ ya꞉ka꞉ta꞉me laa koto natena꞉ hone wilimikie. Kutupa make I̱ma꞉ ya kone hau ma꞉nda꞉ na piki hande Apa꞉ma꞉ walea꞉eki homeke pu haowa꞉ ekita꞉ hone wilimikie.

Kolosi 2:9

Pa ekipeke Ketiso pa꞉ta꞉ta꞉ Koda꞉ ipika꞉ hala꞉eki paeya tapao kenke loke tupa꞉ hala꞉me.

Dioni 17:8

Nakana꞉ma꞉ I̱ pa꞉ta꞉ la ki pimanu paeya꞉ tapao iki pa꞉ta꞉ waloa꞉me. Kutu pua꞉peke handaa ikana꞉ma꞉ opua mimime. I̱ta꞉ neke yaapo epoloeki make ota꞉ekie laa nakana꞉ma꞉ I̱ tapaeeki make opitelememe.

Dioni 5:17

Koto ekina꞉ Yesuma꞉ ika꞉ pi hombo peaaso alota꞉ Yaka Apa꞉ma꞉ hoto paeyao e poko hala꞉me. Kutupu hala꞉ ekina꞉ I̱ma꞉ make e pokolome leekeme.

1 Dioni 5:7

Do ekina꞉ wekitisi haasa꞉eki manuta꞉ tepoe.

2 Kotindi 5:19

Nikana꞉ma꞉ waloloma꞉ ekita꞉ Koda꞉ma꞉ta꞉ wanda꞉hali paeyaota꞉ Ketiso pa꞉ta꞉ yama꞉ ipika꞉ yankeke au laala꞉ ekina꞉ aloma꞉me. Koda꞉ma꞉ta꞉ iki pi yokaalu puluekema꞉ ika꞉ hoke hau na yata꞉pea꞉me. Kutupa ipikana꞉ma꞉ta꞉ mo wanda꞉hali ipika꞉ yankekemanu au lao hala꞉ pita꞉ niki pa꞉ta꞉ la kia꞉me.

Dioni 8:38

Yaka Apa꞉ma꞉ I̱ pa꞉ta꞉ walea꞉eki kone I̱ma꞉ walolopate ikana꞉ma꞉ ika꞉ apa꞉ma꞉ walea꞉eki pitelememe leekeme.

Kolosi 1:19

Koda꞉ ipika꞉ hone pieke ekina꞉ kone mo Eiyeketa꞉ ota꞉ Koda꞉ ipikima꞉ kone handena꞉ leekeme.

Dioni 14:20

Kutupa koto dina꞉ta꞉ I̱ta꞉ yaka Apa꞉ tukiki pa꞉ta꞉ haloeki make ikita꞉ I̱ tukiki pa꞉ta꞉ halemeeki make iki tukiki pa꞉ta꞉ I̱ haloeki make handilimikie laa leekeme.

Dioni 7:16

Yesuma꞉ ika꞉ pi hombo peaaso alota꞉ Do walolo ekita꞉ I̱ma꞉ hone wia yakaeki na walolome. I̱ tapaala꞉ hali Koda꞉ ipika꞉eki kone walolome.

Dioni 8:40

I̱ma꞉ta꞉ Koda꞉ pa꞉ta꞉ opua꞉eki homeke ota꞉ hau pita꞉la꞉eki iki pa꞉ta꞉ waloa꞉pate ikana꞉ma꞉ I̱ luekema꞉ pitelememe. Eipoloha꞉ma꞉ma꞉ kutupiki hau na piekeme.

Dioni 11:26

Kutupa hali epima꞉ da꞉ta꞉ hata꞉ I̱ pa꞉ta꞉ hone tulao haya꞉ka꞉na꞉ta꞉ koto halita꞉ ota꞉ na homilieke. I̱ma꞉ do alo pina꞉ homelepe laa leekeme.

Dioni 3:2

nate ma꞉nda꞉na꞉ timba Yesu pa꞉ta꞉ pua alota꞉ Disao. Neketa꞉ Koda꞉ma꞉ tapaaleke walele hali hale ekita꞉ handoloma꞉me. Kutupa nakana꞉ma꞉ wele pitele tupa꞉ Koda꞉ yaapo na hake halima꞉ wele pea꞉peke na ya꞉la꞉me la leekeme.

Dioni 14:11

Yaka Apa꞉ma꞉ I̱ yaapo hala꞉ ekina꞉ make I̱ma꞉ta꞉ yaka Apa꞉ yaapo halo ekina꞉ make I̱ma꞉ do alo pita꞉ ikana꞉ma꞉ ota꞉ opua꞉pa꞉peke ya꞉la꞉pate pa do aloeki na opimika꞉na꞉ta꞉ kota꞉ I̱ma꞉ hande pua꞉ ekimanu hone witolo hata꞉ I̱ pa꞉ta꞉ hone tulao hapa꞉peke laa leekeme.

Dioni 14:24

Pate hali epima꞉ I̱ pa꞉ta꞉ pukima꞉ na homea꞉ka꞉na꞉ta꞉ I̱ma꞉ alo pi manuta꞉ na opilieke. Ikana꞉ma꞉ do opueleme pita꞉ yakaeki dia꞉me pa I̱ tapaala꞉ hali yaka Apa꞉ pa꞉ta꞉ ipula꞉me leekeme.