Yesu pa꞉ta꞉ yama꞉ Koda꞉ pa꞉ta꞉ hone tulalememe. Koda꞉ma꞉ Yesu mea tiao pa̱a̱ peawayekeme. Koto ekina꞉ta꞉ ika꞉ hone tulalemeeki make ika꞉ hone ti lalemeeki make Koda꞉ pa꞉ta꞉ pu halememe.
Dupiki hau a̱i̱ na piki haena꞉ kone iki pa꞉ta꞉ ame do kone la kitolome. Koto ekina꞉ wetepena꞉ koto hau pia꞉ka꞉na꞉ta꞉ yaka halo ekita꞉ ota꞉ halome. I̱ pa꞉ta꞉ hone wilimikie.
Ma꞉nda꞉ma꞉ Tekehalina꞉ ponka꞉ di pilu wia꞉ nate a꞉pa꞉la꞉me lea꞉ka꞉na꞉ta꞉ opua hone ti yoko pomoma꞉ a̱i̱ na homa꞉pa꞉peke. Ma꞉nda꞉ma꞉ Koda꞉ma꞉ aleke handa loa꞉me ala꞉ pi o ma꞉nda꞉ma꞉ pi walolo walea꞉ pi o ma꞉nda꞉ma꞉ alota꞉ Polo amedama꞉ do wapena꞉ leleme pi tupa꞉ leliepate
Ameta꞉ epeke ekita꞉ mo somema꞉ ka꞉nda꞉ma꞉ homolo hata꞉ Ketiso mina꞉pa꞉laapa꞉na꞉ iki paeyaoma꞉ ipika꞉ hoke hau pa paeyao epeke hau pina꞉ sutiaapa꞉peke ya꞉la꞉me.
Koto ekina꞉yeke wanda꞉hali paeyaoma꞉ Apa꞉na꞉ pi laaseme tupa꞉ Eiyekena꞉ pi make koto tupa꞉ kone laena꞉yeke la꞉la꞉me. Hali epima꞉ Eiyekena꞉ pi na laeya꞉ka꞉na꞉ta꞉ kota꞉ ipiki tapaala꞉ Apa꞉na꞉ pi kone na laasa꞉me leekeme.
Amba꞉ make ame do make yaka bikina꞉ ala꞉ta꞉ ma꞉nda꞉ a꞉nda꞉ honke na lememe. Honke lemeka꞉na꞉ta꞉ milimikie. Kutupa make ika꞉ ta꞉na꞉ma꞉ homolo peleme ekita꞉ tumbulu bao halieke.