Dioni 13:4 - Panake Pi La: Ula: Buka pita: Kine Pieke Buka

⁴ Koto ekina꞉ Yesuma꞉ mo teipolo mina꞉pa꞉lao tiaota꞉ manda pambaeyeke dau hola꞉ mea wiaata꞉ dawelo mea tonkaeyekeme.

Dioni 13:4 Referans Kwoze

2 Kotindi 8:9

Ikana꞉ma꞉ta꞉ nika꞉ Tekehali Yesu Ketisona꞉ a꞉ta꞉ma꞉ homa tamba꞉ mina꞉la꞉ ekita꞉ hone wilimime. Ipikita꞉ hamoko tieke hayekepate iki tamba꞉ muluekema꞉ yeke ipikita꞉ nate hali au leekeme. Kotota꞉ ipika꞉ natehali au leeke ekima꞉ iki hamoko hawaluekema꞉ pa꞉la꞉me.

Luku 22:27

Epita꞉ tiekepe. Mo ne noluekema꞉ a꞉pa pila꞉ halipe o mo ne pana꞉ peaasa꞉ halipe. Ota꞉ mo pila꞉ hali lataa. Koto pa꞉la꞉pate I̱ta꞉ iki ame̱le̱ta꞉ ne pana꞉ peaaso somema꞉ handolome.

Luku 12:37

Kutupa mo you hali paa la꞉ka꞉la a꞉pa mo ipika꞉ e pokaaseme hali wekita꞉ u̱ na polu pitiki a꞉nda꞉ pa ipiki yu wia pilimieki a꞉pa handea꞉ka꞉na꞉ta꞉ kota꞉ ikita꞉ ta꞉na꞉ma꞉ homo halimikie. I̱ma꞉ iki pa꞉ta꞉ ota꞉ pi aloma꞉ Mo haliwekima꞉ koto hau pimiki yeke handaa ika꞉ you halima꞉ta꞉ ipika꞉ manda aka꞉ hola wiaata꞉ iki pa꞉ta꞉ Ne no hala꞉ alena꞉ a꞉pa pita꞉pe laa ne pana꞉ pu kilieke.

Luku 17:7

Iki ma꞉nda꞉ hondoma꞉ naka꞉ e pokaasa꞉ halima꞉ naka꞉ ena꞉ kenke lu wiaena꞉ o naka꞉ sipisipi ma꞉na꞉ handeteke haena꞉ leka꞉na꞉ta꞉ kota꞉ koto some paa la꞉ka꞉la naka꞉ da a꞉pa꞉tiki pia꞉ka꞉na꞉ta꞉ a̱i̱ ne a꞉pa nae pita꞉ lo halepe.

Luku 17:8

Dia꞉me. Kotoeki na leketa꞉ nakana꞉ma꞉ta꞉ dupa lo haleme. Yaka ne ambi wamo peaota꞉ ne pana꞉ puluekema꞉ yamo hala꞉ aka꞉ mea pambaota꞉ yaka ne ikali nono yu wia pitaata꞉ wetepena꞉ta꞉ naka꞉ ne nelipikie lo haleme leekeme.

Dioni 13:12

Yesuma꞉ ika꞉ anke tanda꞉pa paeyeketa꞉ ipika꞉ dau paa mea pambao ipika꞉ amba꞉ pitieke teipolo pa꞉ta꞉ paa pua tepiao pitiekeme. Mo haliweki paeyao pa꞉ta꞉ ipikana꞉ma꞉ lota꞉ pitolo

1 Dioni 3:11

Ikana꞉ma꞉ mo hande kini pitolo hata꞉ titina꞉ opimi pita꞉ doe. Nikana꞉ma꞉ta꞉ ma꞉nda꞉ ma꞉nda꞉ pa꞉ta꞉ pukima꞉ homa꞉ alualu pu hapa꞉peke ya꞉la꞉me.