Dioni 13:18 - Panake Pi La: Ula: Buka pita: Kine Pieke Buka

¹⁸ I̱ma꞉ iki paeyao pa꞉ta꞉ na alome. Ya talopu molo haliweki amba꞉ handoa꞉me. Kutu pa꞉la꞉pate mo Baibolo bukana꞉ wape pa꞉la꞉ ekita꞉ yaapeke ya꞉la꞉me dupae. Dika꞉ mandakena꞉ pita꞉ ne nopa꞉ halima꞉ kone I̱ yaapo a꞉nda꞉ tunkula hala꞉me.

Dioni 13:18 Referans Kwoze

Ma꞉tiu 26:23

Yesuma꞉ ika꞉ pi hombo peaaso alota꞉ Mo palaowa tenke laasopa꞉ disi pa꞉ta꞉ dika꞉ kiki mandake witolopa꞉ somema꞉ I̱ lina꞉ a꞉nda꞉ lombilieke.

Dioni 17:12

I̱ta꞉ do haliweki ame̱le̱ hata꞉ta꞉ nakana꞉ma꞉ I̱ pa꞉ta꞉ ki bikita꞉ koto bikina꞉ welema꞉ kone iki wotu handeteke haowa꞉me. I̱ma꞉ iki handeteke haowa꞉ pita꞉ta꞉ hali ma꞉nda꞉ na alu pia꞉pate pa mo Baibolo buka pa꞉ta꞉ wape pa꞉la꞉eki yaena꞉yeke hande alu pulu pa꞉la꞉ hali homekee.

Maka 14:20

Yesuma꞉ iki pa꞉ta꞉ alota꞉ Iki 12 haliweki tukiki pa꞉ta꞉ homeke halima꞉ pilieke. I̱ma꞉ta꞉ palaowa tenke laaso metekina꞉ kone ipikana꞉ma꞉ make palaowa tenke laasa꞉me leekeme.

Dioni 13:26

Yesuma꞉ ipika꞉ pi hombo peaaso alota꞉ Do palaowata꞉ kawaso pa꞉ta꞉ tenke lao halue halita꞉ koto halie leekeme. Kotoeki la ipikana꞉ma꞉ palaowa meata꞉ tenke lao mo Isekatioti hali Saimono ipika꞉ eiyeke Diudasi pa꞉ta꞉ haleekeme.

Dioni 6:70

Yesuma꞉ ika꞉ pi hombo peaaso alota꞉ Iki 12 haliwekita꞉ I̱ma꞉ na talopu mea hamina꞉ loeke yekea. Kutu pua꞉pate iki ame̱le̱ hala꞉ hali homeketa꞉ hoke temoko hala꞉me leekeme.

Dioni 15:19

Ikita꞉ do kenke hau pu haleme wanda꞉hali ame̱le̱ ta꞉ma꞉ni pea haemeka꞉na꞉ yoluta꞉ mo wanda꞉halima꞉ Nika꞉ tapakee laa iki pa꞉ta꞉ ta꞉na꞉ma꞉ homolo pimime. Kutu pulu pimipate I̱ma꞉ iki talopu mea hamina꞉ lolo ekima꞉ta꞉ ikita꞉ mo kenkena꞉ hau pu haleme wanda꞉hali ame̱le̱ na halememe. Koto peleme ekina꞉ iki pa꞉ta꞉ a꞉nda꞉ litelememe.

Hibulu 4:13

Koda꞉ma꞉ na handena꞉ yeke ala꞉ta꞉ ma꞉nda꞉ a꞉mbao panka꞉ wia꞉peke na ya꞉la꞉me. Dia꞉me. Koda꞉ma꞉ handa꞉leketa꞉ ipika꞉ leke popelekena꞉ta꞉ mo wepia ula꞉ ala꞉ta꞉ ala꞉ta꞉ paeyao ota꞉ peneme yao lumbupa ula꞉me. Kutupa niki paeyaoma꞉ nika꞉ puma꞉ hau manuta꞉ ipiki pa꞉ta꞉ ota꞉ peneme yaalumeke.

Dioni 15:16

I̱ta꞉ ikana꞉ma꞉ na mea haena꞉ lelemepate pa ikita꞉ I̱ma꞉ talopu meaata꞉ ikita꞉ pua hande u halo pa꞉la꞉ napeke a꞉eyamina꞉yeke mea haena꞉ lolome. Koto ekina꞉ ikana꞉ma꞉ yaka Apa꞉ pa꞉ta꞉ ala꞉ta꞉ ma꞉nda꞉ yaka biki alo hata꞉ honke lemeka꞉na꞉ta꞉ ipikana꞉ma꞉ iki pa꞉ta꞉ ota꞉ kilieke.

Ma꞉tiu 10:36

kutupa hali homekena꞉ titina꞉ a꞉nda꞉ tunkuliki wanda꞉hali manuta꞉ ipika꞉ da pa꞉ta꞉ haleme tapake kone ya꞉lieke.

Peneme Yaeyekeeki 2:23

Kutupa ipika꞉ hoki nane tolu haleme tapake make lu homaalueke. Kutu pua꞉ka꞉na꞉ta꞉ mo siosi paeyaoma꞉ I̱ta꞉ wanda꞉hali paeyaona꞉ honemanu make hone u halemeeki manuna꞉ hone ulu somee hone wilimikie. I̱ma꞉ta꞉ iki paeyao ika꞉ peleme ekina꞉ homeke homeke lo ana꞉na꞉ kone yenki kulueke.

Dioni 21:17

Hoto tepo peao Yesuma꞉ ipiki pa꞉ta꞉ alota꞉ Dionina꞉ eiyeke Saimonoo. Nakana꞉ma꞉ I̱ pa꞉ta꞉ hone pa꞉la꞉pe leekeme. Pidama꞉ta꞉ Yesuma꞉ Nakana꞉ma꞉ I̱ pa꞉ta꞉ hone pa꞉la꞉pe pi ipiki pa꞉ta꞉ hoto tepo peao lota꞉ pieke ekina꞉ta꞉ ka꞉nda꞉ma꞉ homolo hata꞉ ipiki pa꞉ta꞉ alota꞉ Tekehalio. Ala꞉ta꞉ ala꞉ta꞉ paeyao nakana꞉ma꞉ handeleme. I̱ma꞉ neke pa꞉ta꞉ hone pa꞉la꞉ ekita꞉ nakana꞉ma꞉ handeleme leekeme. Yesuma꞉ ipiki pa꞉ta꞉ alota꞉ Ya sipisipi ma꞉na꞉ manuta꞉ nakana꞉ma꞉ punao hapeke.

2 Kotindi 4:5

Nikana꞉ma꞉ta꞉ nikina꞉ na waloloma꞉pate pa Yesu Ketisota꞉ Tekehalie laa nikita꞉ waloloma꞉me. Kutupa Yesuna꞉ hone pa꞉la꞉ ekina꞉ ika꞉ pa hameke e pokaasoma꞉ haliwekie laa waloloma꞉me.

Ma꞉tiu 26:21

Koto ne nalo pita꞉ Yesuma꞉ iki pa꞉ta꞉ do tupa꞉ leekeme. I̱ma꞉ ota꞉ pi alome. Do I̱ ame̱le̱ mandake piluma꞉ some homeke ma꞉nda꞉ ipikana꞉ma꞉ I̱ lina꞉yeke a꞉nda꞉ lombilieke laa leekeme.

Maka 14:17

Timba꞉ alo haena꞉ Yesu mandane 12 haliweki ame̱le̱ koto pa꞉ta꞉ opolo pemekeme.

Maka 14:18

Kutupa ne nalo pitina꞉ Yesuma꞉ alota꞉ Iki pa꞉ta꞉ ota꞉ pi alome. I̱ minina꞉yeke I̱ ame̱le̱ do ne nala꞉ hali homekema꞉ kone a꞉nda꞉ lomba꞉lieke leekeme.

Luku 22:21

Koto pa꞉la꞉pate handa꞉e. Mo hande I̱ minina꞉yeke a꞉nda꞉ lombolo pa꞉la꞉ halina꞉ kikita꞉ yakaeki ame̱le̱ mandakena꞉ do teipolona꞉ wia piluma꞉ handa꞉e.

Dioni 13:21

Kotoeki laa Yesuma꞉ ka꞉nda꞉ma꞉ wopu homolo hata꞉ mo haliweki pa꞉ta꞉ la halolo alota꞉ Iki pa꞉ta꞉ ota꞉ pi alome. Iki ame̱le̱ hala꞉ hali homekema꞉ I̱ mina꞉yeke a꞉nda꞉ lombelieke leekeme.

Dioni 13:22

Mo disaipolo haliweki pa penkili pitolo hata꞉ ika꞉ kone ane handa꞉ mone handa꞉ pitolo epi pa꞉ta꞉ ala꞉pe hone wimikime.

Dioni 15:25

Kutu pitelemepate ika꞉ Lo Pi manuna꞉ wape pa꞉la꞉eki ota꞉ yaaluekema꞉ pita꞉la꞉me. Dupae. Pa hameke kone I̱ pa꞉ta꞉ honditi pimime.

Dioni 18:32

Koto lemeke ekima꞉ta꞉ Yesu ipikana꞉ma꞉ amba꞉ pi la꞉ witolo hata꞉ ipika꞉ homolo pa꞉la꞉ tupa꞉ kone yaaluekema꞉ lemekeme.

Dioni 19:24

mo haliwekima꞉ ika꞉ ika꞉ kone alota꞉ Na sinkipiki pa mo mina꞉la꞉ hali handomana꞉ laki pumana꞉e lemekeme. Hande Baibolo bukana꞉ wape pa꞉la꞉eki yaaluekema꞉ pimikime. Wape pa꞉la꞉ ekita꞉ dupa Yaka dau manuta꞉ ika꞉ telipa meaata꞉ yaka hokulupeke dau muluekema꞉ laki pimikime laa wape pa꞉la꞉me. Kota꞉ mo a꞉ndeli miniki haliwekima꞉ kutu pimikime.

Dioni 19:36

Koto hau pieke ekima꞉ mo Baibolo bukana꞉ wape pa꞉la꞉eki yaeyekeme. Mo wape pa꞉la꞉ ekita꞉ dupae. Ipika꞉ hoka꞉ta꞉ma꞉ homeke ma꞉nda꞉ na tonda꞉pa꞉ limikie wape pa꞉la꞉me.

Aposolo 1:2

Kutupa Holi Sipitidima꞉ walolo haena꞉ Yesuma꞉ ipika꞉ talopu mea haena꞉ leeke aposolo haliweki pa꞉ta꞉ pi lo paeyaota꞉ oli ya nane a꞉meiyeketa꞉ wape pu naowa꞉me.

Aposolo 1:16

Kutupa ipikana꞉ma꞉ alota꞉ Yaka ana꞉ kame titio. Hande Baibolo bukana꞉ wape pa꞉la꞉ pita꞉ ota꞉ yaapeke ya꞉la꞉me. Hande Holi Sipitidima꞉ Deipidina꞉ hone u tiaaso haena꞉ta꞉ Yesu da꞉ka꞉pa꞉ minina꞉ haliweki hatuku polo pia꞉ hali Diudasima꞉ pulu piekeeki dupilieke laa Deipidima꞉ wape piekeme.