Dioni 13:15 - Panake Pi La: Ula: Buka pita: Kine Pieke Buka

¹⁵ I̱ma꞉ iki pa꞉ta꞉ peaowa꞉ ekita꞉ ikana꞉ma꞉ make puemena꞉yeke wala꞉ tiaaso pua꞉me.

Dioni 13:15 Referans Kwoze

Ma꞉tiu 11:29

I̱ma꞉ iki pa꞉ta꞉ kitolo tita꞉ mea ika꞉ peiyokona꞉ tia hata꞉ta꞉ ya hau honda꞉ mea pia꞉pa꞉peke. Pa ekipeke. I̱ta꞉ kimelema꞉ hata꞉ ya pukima꞉ homu pea halome. Koto ekima꞉ta꞉ ikana꞉ma꞉ ika꞉ pukina꞉ lopaasa꞉ ekita꞉ ana꞉na꞉ milimikie.

1 Dioni 2:6

Ma꞉nda꞉ epima꞉ Koda꞉ yaapo ta꞉ma꞉ni pea halome lea꞉ka꞉na꞉ta꞉ kota꞉ ipikita꞉ mo Yesu Ketisoma꞉ pieke tupa꞉ kone hao pelia꞉peke ya꞉la꞉me.

1 Pida 2:21

Koto piki hau puemena꞉ Koda꞉ma꞉ iki wi leekeme. Kota꞉ Ketiso ipikana꞉ma꞉ kone iki tamba꞉ muluekema꞉ ka꞉nda꞉ miekeme. Kutupa mo handa piekeeki ikana꞉ma꞉ telia puemena꞉ yeke walolo piekeme.

Epesese 5:2

Hande Ketisoma꞉ niki pa꞉ta꞉ pukima꞉ homa꞉la꞉ tupa꞉ ikana꞉ma꞉ make pukima꞉ homa hapa꞉peke. Ipikana꞉ma꞉ Koda꞉ ta꞉na꞉ma꞉ homaaso hata꞉ ma꞉na꞉ lia halo haemeke tupa꞉ totopo piki ale leke ipika꞉ da꞉ta꞉la꞉eki kone nika꞉eki halawaeyekeme.

Loma꞉ 15:5

Kutupa hande niki sutia tia pea handeteke hamono ala꞉ Koda꞉ma꞉ta꞉ ikana꞉ma꞉ Yesu Ketisoma꞉ pu hayekeeki telia꞉ mea pulu hata꞉ ika꞉ ika꞉ kone hone homeke u hamina꞉ lea꞉ka꞉na꞉ta꞉ epelieke.

1 Pida 5:3

Ikana꞉ma꞉ handeteke hamena꞉ ka꞉la꞉ wanda꞉halita꞉ tumbaaluekema꞉ na tapeke ikana꞉ma꞉ pu halimi epeke hau manuma꞉ mo sipisipi ma꞉na꞉manu wala tiaaso hata꞉ hapa꞉peke.