Dioni 12:42 - Panake Pi La: Ula: Buka pita: Kine Pieke Buka

⁴² Kutu pimikipate mo Diu you haliweki wopuma꞉ Yesu pa꞉ta꞉ hone tulaemekepate mo Pa꞉tisi haliweki pa꞉ta꞉ pieke handaata꞉ ika꞉ pi hotu haemeke da pa꞉ta꞉ ika꞉ ula꞉eki yokaama꞉na꞉ ika꞉ hone tulaemekeeki peneme yao na lemekeme.

Dioni 12:42 Referans Kwoze

Dioni 9:22

Ateke inkiki yaapoma꞉ mo Diu haliweki pa꞉ta꞉ paala꞉ma꞉ homolo hata꞉ dupa lepekeme. Mo Diu haliwekima꞉ta꞉ hali epima꞉ Yesuta꞉ hande Ketiso hala꞉me lelimi wanda꞉halita꞉ mo pi hotu haemeke da pa꞉ta꞉ na epena꞉yeke pa yokomana꞉ la pi la꞉ wieke ekina꞉ paala꞉ma꞉ homepekeme.

Dioni 7:13

Koto lemekepate wanda꞉hali paeyaoma꞉ Diu haliweki pa꞉ta꞉ paala꞉ma꞉ homolo hata꞉ pa hali homeke ma꞉nda꞉ma꞉ Yesu pa꞉ta꞉ pi loluekema꞉ peneme yao na leekeme.

Ma꞉tiu 10:32

Ma꞉nda꞉ epima꞉ wanda꞉halina꞉ leke popelekena꞉ peneme yaaso hata꞉ I̱ta꞉ Ketisona꞉ halie lea꞉ka꞉na꞉ta꞉ kota꞉ I̱ma꞉ make mo ya hepeni hala꞉ Apa꞉na꞉ leke poto poto hata꞉ ipiki pa꞉ta꞉ make homeke hau kone pulueke.

1 Dioni 4:15

Ma꞉nda꞉ epima꞉ Yesuta꞉ Koda꞉na꞉ Eiyekee lea꞉ka꞉na꞉ta꞉ kota꞉ koto someta꞉ Koda꞉ yaapo ta꞉ma꞉ni pea hala꞉ make Koda꞉ta꞉ ipiki yaapo ta꞉ma꞉ni pea hala꞉me.

1 Dioni 4:2

Dota꞉ ota꞉ Koda꞉na꞉ Sipitidi ya꞉ka꞉ta꞉me laa handa꞉ ulu peleme tupa꞉ta꞉ dupae. Ma꞉nda꞉ epima꞉ a꞉nda꞉ Yesu Ketisota꞉ do kenke pa꞉ta꞉ ota꞉ hali a꞉pa hayekeme laa lea꞉ka꞉na꞉ta꞉ kota꞉ ipikita꞉ mo Koda꞉ pa꞉ta꞉ yama꞉ ipula꞉ Sipitidi pila꞉mee.

Loma꞉ 10:10

Do ekina꞉yeke loa꞉me. Nika꞉ puki pa꞉ta꞉ hone tulaasoma꞉ ekina꞉ Koda꞉ma꞉ nikita꞉ ipiki yaapo tikitiki yao hamono ala꞉me. Nika꞉ kakema꞉ peneme yao aloma꞉ ekina꞉ nikita꞉ da꞉ta haloma꞉me.

Aposolo 5:41

Mo aposolo haliwekita꞉ ka̱le̱sete haliweki mina꞉pa꞉lao pulu hata꞉ Koda꞉ma꞉ ikita꞉ Yesuna꞉ bikina꞉ tanda pa꞉la꞉eki ana꞉na꞉ mea꞉pa꞉peke ya꞉la꞉me laa iki pa꞉ta꞉ hone wieke ekina꞉ ta꞉na꞉ma꞉ wopu homolo hata꞉ pemekeme.

Dioni 19:38

Koto hau pimikieki hoki nane mo A꞉ta꞉matia da hao epeeke hali Diosepema꞉ta꞉ Yesu toko mea poluekema꞉ Pailedi pa꞉ta꞉ pua honke leekeme. Diosepema꞉ta꞉ Yesuna꞉ pi opu hayekepate mo Diu haliweki pa꞉ta꞉ paala꞉ hata꞉ puki tooluma꞉ piekeme. Pailedima꞉ a꞉pa꞉la꞉me leeke handaa Diosepema꞉ pua mea peekeme.

Dioni 16:2

Mo hande pi hotu haleme da pa꞉ta꞉manu iki poemena꞉yeke iki yokilimikie. Kutupa wetepena꞉ mandane haliwekima꞉ta꞉ iki litolo hata꞉ta꞉ Koda꞉na꞉ e pokaasoma꞉me laa hone wilimikie.

Dioni 12:11

Diu haliweki wopuma꞉ La꞉satesi pa꞉ta꞉ hone witolo hata꞉ ika꞉ you haliweki mina꞉pa꞉lao Yesu pa꞉ta꞉ hone tulaemeke ekina꞉ pimikime.

Dioni 11:45

Meti handolo pemeke Diu wanda꞉hali wopuma꞉ta꞉ Yesuma꞉ piekeeki handaata꞉ ipiki pa꞉ta꞉ hone tulaemekeme.

Dioni 9:34

Koto ekina꞉ mo haliwekima꞉ ipika꞉ pi hombo peaaso alota꞉ Naka꞉ ama꞉ma꞉ hokeeki tukiki pa꞉ta꞉ hata꞉ ma꞉nda꞉leke daele halima꞉ kone niki waluekema꞉ alepe lemekeme. Koto laa mo halita꞉ mo pi hotu haemeke da pa꞉ta꞉ na epena꞉yeke pao yoka ta꞉ta꞉ haena꞉ lemekeme.

Dioni 3:2

nate ma꞉nda꞉na꞉ timba Yesu pa꞉ta꞉ pua alota꞉ Disao. Neketa꞉ Koda꞉ma꞉ tapaaleke walele hali hale ekita꞉ handoloma꞉me. Kutupa nakana꞉ma꞉ wele pitele tupa꞉ Koda꞉ yaapo na hake halima꞉ wele pea꞉peke na ya꞉la꞉me la leekeme.

Luku 12:8

Yesuma꞉ alota꞉ I̱ma꞉ iki pa꞉ta꞉ ota꞉ pi alome. Ma꞉nda꞉ epima꞉ wanda꞉halina꞉ leke popelekena꞉ peneme yaaso hata꞉ I̱ta꞉ Ketisona꞉ halie lea꞉ka꞉na꞉ta꞉ kota꞉ mo Wanda꞉halina꞉ Eiyekema꞉ make mo Koda꞉na꞉ enisolo manuna꞉ leke popelekena꞉ make homeke hau kone pilieke.

Luku 6:22

Ikita꞉ mo Wanda꞉halina꞉ Eiyeke tolu halemeke handaa mandane wanda꞉halima꞉ iki pa꞉ta꞉ yaala꞉ma꞉ homao make tanda ku make ika꞉ biki hoeyaaluekema꞉ hoke ba꞉sa꞉ pitolo yayapiki pimanu sa꞉mba꞉lao pitolo haena꞉ kone

Luku 23:13

Pailedima꞉ mo yeni peao haemeke you haliwekima꞉ make tondiki haliwekima꞉ make mo wanda꞉hali

Dioni 7:31

Hande Ketiso epea꞉ka꞉na꞉ta꞉ do halina꞉ wele pita꞉la꞉ ekimanu ankulaliepe lemekeme.