Dioni 12:21 - Panake Pi La: Ula: Buka pita: Kine Pieke Buka

²¹ Mo wanda꞉halima꞉ hande Ka꞉lili nane hayeke da Betesaida da hao epeeke hali Pilipi pa꞉ta꞉ pua alota꞉ Aneke halio. Nika꞉ honema꞉ta꞉ Yesu handulumeke hone witoloma꞉me lemekeme.

Dioni 12:21 Referans Kwoze

Ma꞉tiu 2:2

lota꞉ pitolo alota꞉ Mo hande Diu wanda꞉halina꞉ kini halo pa꞉la꞉ panake weki ma꞉nda꞉la꞉ wekita꞉ hando pa꞉ta꞉ hala꞉pe. Ipika꞉ hombulanka꞉ nate opa꞉la꞉ nanema꞉ opeeke nikana꞉ma꞉ handaa ipiki pa꞉ta꞉ panda꞉ puluekema꞉ epoma꞉me lemekeme.

Dioni 6:40

Yaka Apa꞉na꞉ hone pa꞉la꞉eki dupae. Eiyeke handaa ipiki pa꞉ta꞉ hone tulaaseme wanda꞉hali paeyaota꞉ deto hala꞉eki mina꞉yeke hone pa꞉la꞉me. Kutupa mo hande paelie dina꞉ make I̱ma꞉ mo wanda꞉hali pa mea tiawaalueke leekeme.

Ma꞉tiu 11:21

ipikana꞉ma꞉ koto da teke pa꞉ta꞉manu haemeke wanda꞉hali hando alo alota꞉ A꞉ta꞉e. Kotaasini daoni neke pa꞉ta꞉ ka꞉nda꞉ tieke ma꞉nda꞉ ipuluekema꞉ pila꞉me. Betesaidao. Neke pa꞉ta꞉ make kutu piki hau kone ipuluekema꞉ pila꞉me. I̱ma꞉ mo ipiliki pa꞉ta꞉ pua꞉ na handeke haumanu a꞉nda꞉ mo hande daoni yaapo Taiya Saidoni pa꞉ta꞉ pua꞉ka꞉na꞉ yoluta꞉ kota꞉ koto da yaapo pa꞉ta꞉ haleme wanda꞉hali ika꞉ puki la꞉ka꞉la꞉meka꞉ta꞉me laa Koda꞉ma꞉ handena꞉ta꞉ busa꞉ pitikimanu wepia yamaata꞉ lanka꞉ apolo kitulu pimime.

Dioni 1:48

Nada꞉nielema꞉ Yesu pa꞉ta꞉ opolo a꞉pa lota꞉ pitolo alota꞉ Nakana꞉ma꞉ I̱ta꞉ ekipa handa alepe leekeme. Yesuma꞉ ipika꞉ pi hombo peaaso alota꞉ Pilipima꞉ neke wi a̱i̱ na leeke dina꞉ kone neketa꞉ mo hande nose ti teke pa꞉ta꞉ pitieki I̱ma꞉ amba꞉ handoa꞉me leekeme.