Dioni 12:16 - Panake Pi La: Ula: Buka pita: Kine Pieke Buka

¹⁶ Yesuma꞉ koto hau pieke pita꞉ta꞉ ipika꞉ disaipolo haliwekima꞉ hone na wimikipate pa wetepena꞉ta꞉ Yesu paa tiao oli ipika꞉ pa̱a̱ piki kapu tieke mulu pieke haena꞉ ikana꞉ma꞉ mo Baibolo bukana꞉ dupiki pi wape pa꞉la꞉ ekita꞉ ota꞉ Yesu pa꞉ta꞉ kone yaeyekeeki hone wimikime.

Dioni 12:16 Referans Kwoze

Dioni 2:22

Koto ekina꞉ Yesu homeeke Koda꞉ma꞉ pa mea tiaeyeke natena꞉ ipika꞉ disaipolo haliwekima꞉ do leeke pi hone wimikime. Kutupa mo Baibolo bukana꞉ wape pa꞉la꞉eki make Yesuma꞉ leeke pimanu make hone tulaemekeme.

Dioni 14:26

Kutu pitolopate hande iki Tamba꞉ Mulu pa꞉la꞉ Hali yaka Apa꞉ma꞉ yaka bikina꞉ tapaalo pa꞉la꞉ halita꞉ Holi Sipitidi kone ala꞉ta꞉ paeyao ipikana꞉ma꞉ walieke. Kutupa make I̱ma꞉ hande iki pa꞉ta꞉ walo ekimanu paeyaota꞉ ikana꞉ma꞉ hone uemena꞉yeke ipikana꞉ma꞉ ika꞉ hone u tiaalieke.

Dioni 7:39

Yesuma꞉ koto leeke ekita꞉ Holi Sipitidi pa꞉ta꞉ kone leekeme. Ipiki pa꞉ta꞉ hone tulao haemeke wanda꞉halima꞉ mo Holi Sipitidi muluekema꞉ haena꞉ leekeme. Koto natena꞉ta꞉ Yesuma꞉ ipika꞉ halo pieke kapu tieke a̱i̱ dia꞉yeke handaa mo Holi Sipitidi a̱i̱ na epena꞉ leekeme.

Aposolo 2:36

Koto ekina꞉ Isulai wanda꞉hali paeyao do hande ikana꞉ma꞉ a꞉ka꞉tei wapepiki tina꞉ tamendiao limiki hali Yesuta꞉ Koda꞉ma꞉ ipikita꞉ Tekehali make Ketiso make mea haena꞉ la꞉la꞉ ekita꞉ ikana꞉ma꞉ hone ota꞉ wopu wia꞉pa꞉peke laa leekeme.

Dioni 12:23

Yesuma꞉ ipilika꞉ pi hombo peaaso alota꞉ Wanda꞉halina꞉ Eiyekema꞉ mo pa̱a̱ piki kapu tieke mulu pa꞉la꞉ di ame ipula꞉me.

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.

Hibulu 8:1

Ameta꞉ kota꞉ do nikana꞉ma꞉ aloma꞉ pina꞉ teketa꞉ dupae. Yeni Peaasa꞉ You Halita꞉ oli hepeni nane hala꞉ Kini Hali Tiekena꞉ pita꞉la꞉ ale tieke popeke nanema꞉ pila꞉me.

Aposolo 3:13

Eipoloha꞉ma꞉ Aisa꞉ke Dieikope ika꞉ Koda꞉ta꞉ nika꞉ apa꞉ titina꞉ Koda꞉ma꞉ kone mo wele pita꞉la꞉eki ipika꞉ e pokaeyeke hali Yesuna꞉ biki mea a꞉meiyaaso hata꞉ haleekeme. Kutu pa꞉la꞉pate ikana꞉ma꞉ Pailedi pa꞉ta꞉ luekema꞉ hatuku pua Pailedima꞉ta꞉ paa pena꞉ loluekema꞉ taapolo haena꞉ kone ikana꞉ma꞉ luekema꞉ taapeme hali ipikina꞉ loa꞉me.

Aposolo 2:33

Ipika꞉ Apa꞉ Koda꞉ma꞉ la꞉ wieke tupa꞉ Yesuta꞉ mea tiao ipika꞉ popeke kiki nane mea pitaota꞉ ipiki pa꞉ta꞉ Holi Sipitidi haleekeme. Kutupa nikana꞉ma꞉ ame do handoloma꞉ ekimanu make do opitoloma꞉ ekimanu tonka꞉na꞉ ipiki pa꞉ta꞉ ipula꞉me.

Dioni 16:4

Kutu pulu pelemepate koto haumanu pulu peleme nate epea꞉ka꞉na꞉ta꞉ hande I̱ma꞉ loa꞉ ekimanu ikana꞉ma꞉ hone uemena꞉yeke do pimanu iki pa꞉ta꞉ la kitolome. I̱ta꞉ panake pa꞉ta꞉ kone iki ame̱le̱ haowa꞉ ekima꞉ta꞉ do pimanu iki pa꞉ta꞉ na la kua꞉pate

Luku 24:45

Kutupa Yesuma꞉ mo wanda꞉halina꞉ honemanu lumbao mo Baiboloma꞉ leeke ekimanu opina꞉ laa

Luku 24:25

Kutupa Yesuma꞉ mo hali yaapo pa꞉ta꞉ alota꞉ Meimei liake some yaapoo. Mo hande potopede halima꞉ leeke pimanu homeke a꞉nda꞉ hone a̱i̱ na tulao pipika꞉ta꞉me.

Luku 18:34

Koto leekepate mo disaipolo haliwekima꞉ta꞉ mo pina꞉ teketa꞉ ota꞉ homeke siki make na handa꞉ wimikime. Ekipeke koto leeke pi manuna꞉ teke paeyaota꞉ a꞉mbao wiekeeki yaalo ota꞉ na handa꞉ wimikime.

Luku 9:45

Koto leeke ekina꞉ teketa꞉ mo disaipolo haliwekima꞉ hone na wimikime. Mo pi teketa꞉ iki a꞉mbaeyeke handaa ika꞉ honema꞉ hone wia꞉peke na yeekeme. Koto ekina꞉ta꞉ ikana꞉ma꞉ mo pi tekena꞉ lota꞉ pia꞉peke ekita꞉ paala꞉ma꞉ homolo hata꞉ na lota꞉ pimikime.

Dioni 17:5

Apa꞉o. Amba꞉ do kenke a̱i̱ na wepiki hata꞉ neke yaapo hata꞉ mua꞉ pa̱a̱ piki kapu tieketa꞉ kotoeki kone ameta꞉ naka꞉ leke popelekena꞉ hano kie.

Maka 16:19

Koto ekina꞉ Tekehali Yesuma꞉ mo wanda꞉hali pi la halo paeyaota꞉ Koda꞉ma꞉ Yesu mea oli ya nane hatuku miekeme. Kutupa Yesuta꞉ Koda꞉na꞉ popeke nane kiki nane pitiniaeyekeme.

Maka 9:32

Koto leekepate mo haliwekima꞉ta꞉ hone na wimikime. Kutupa paala꞉ma꞉ homolo hata꞉ lota꞉ na pimikime.