Dioni 11:26 - Panake Pi La: Ula: Buka pita: Kine Pieke Buka

²⁶ Kutupa hali epima꞉ da꞉ta꞉ hata꞉ I̱ pa꞉ta꞉ hone tulao haya꞉ka꞉na꞉ta꞉ koto halita꞉ ota꞉ na homilieke. I̱ma꞉ do alo pina꞉ homelepe laa leekeme.

Dioni 11:26 Referans Kwoze

Dioni 10:28

Iki pa꞉ta꞉ da꞉ta hao hala꞉eki halono ikita꞉ ota꞉ na homilimikie. Kutupa ikita꞉ ya kiki pa꞉ta꞉ haena꞉ hali ma꞉nda꞉ma꞉ pa꞉ta꞉la꞉ mea꞉peke na ya꞉la꞉me.

Loma꞉ 8:13

Ikana꞉ma꞉ ika꞉ lokena꞉ hone pa꞉la꞉ ekimanu pea꞉tiki pu haemeka꞉na꞉ta꞉ ota꞉ homilimikie. Kutu pulu pelemepate Sipitidi ipika꞉ wele pita꞉la꞉ ekina꞉ ikana꞉ma꞉ ika꞉ lokema꞉ hoke hau piteleme ekimanu lu homaemeka꞉na꞉ta꞉ kota꞉ iki da꞉ta halimikie.

Dioni 5:24

Iki pa꞉ta꞉ ota꞉ pi alome. Hali epima꞉ I̱ma꞉ alo pimanu opuaata꞉ I̱ tapaala꞉ hali pa꞉ta꞉ make hone tulaeya꞉ka꞉na꞉ta꞉ kota꞉ koto halita꞉ deto hala꞉eki miniki hala꞉me. Kutu pita꞉la꞉ halita꞉ homa꞉la꞉eki mina꞉pa꞉lao da꞉ta꞉la꞉eki amba꞉ miniki hala꞉eki yolo hata꞉ pi yokaalu pulu pa꞉la꞉ pa꞉ta꞉ na pelieke.

Dioni 14:10

Yaka Apa꞉ma꞉ I̱ yaapo hala꞉eki make I̱ma꞉ make yaka Apa꞉ yaapo haloeki make hone na witelepe leekeme. Koto laa Yesuma꞉ mo disaipolo haliweki pa꞉ta꞉ alota꞉ Iki pa꞉ta꞉ loa꞉ pi manuta꞉ ya hone wia na loa꞉me laa hande I̱ yaapo hala꞉ Apa꞉ma꞉ ipikana꞉ma꞉ kone ipika꞉eki pita꞉la꞉me.

Dioni 4:14

Kutu piliepate hali epima꞉ I̱ma꞉ halolo ikali naa haya꞉ka꞉na꞉ta꞉ koto halita꞉ ikali nena꞉ paa na pilieke. I̱ma꞉ do alo ekita꞉ do ekina꞉ yeke loa꞉me. I̱ma꞉ halolo ikalita꞉ mo hali tukiki pa꞉ta꞉ pita꞉ opa꞉la꞉ ikali kone pitilieke. Kutupa hande ikalima꞉ta꞉ opolo hata꞉ mo halita꞉ da꞉tao haena꞉ lelieke leekeme.

Ma꞉tiu 9:28

Yesu da pa꞉ta꞉ honda꞉ pambolo haena꞉ koto leke holu piki hali yaapota꞉ ipiki pa꞉ta꞉ epepekeme. Kutu pipiki Yesuma꞉ ipiliki pa꞉ta꞉ lota꞉ pitolo alota꞉ Ipilika꞉ honema꞉ta꞉ I̱ pa꞉ta꞉ ipiliki epeapeke wele ula꞉me hone witolo hone ti lalepepe leekeme. Ipilikana꞉ma꞉ koto pi hombo peaaso alota꞉ Aowe lepekeme.

Dioni 9:35

Yesuma꞉ mo hali yoka ta꞉ta꞉ haena꞉ lelememe lemekeeki opuaata꞉ mo hali weiya handa꞉ wia ipiki pa꞉ta꞉ alota꞉ Wanda꞉halina꞉ Eiyeke pa꞉ta꞉ hone tulao halepe laa leeke handaa

Maka 9:23

Koto leeke Yesuma꞉ ipiki pa꞉ta꞉ alota꞉ Aowe. Naka꞉ hone tulaasa꞉ ekita꞉ ana꞉ pia꞉ka꞉na꞉ kota꞉ I̱ma꞉ epeaalueke. Wanda꞉hali epi amedama꞉ hone tulaeka꞉na꞉ta꞉ hau paeyao pea꞉peke ya꞉la꞉me leekeme.

Ma꞉tiu 26:53

Ya Apa꞉ma꞉ tamba꞉ mina꞉ wi lolo polo ekita꞉ hone na witelepe. Koto hau a꞉nda꞉ pua꞉ka꞉na꞉ta꞉ kota꞉ ipikana꞉ma꞉ I̱ tamba꞉ muluekema꞉ ipika꞉ a꞉nda꞉ peaasa꞉ enisolo ami tapake 12 haka꞉ta꞉pao koto kone tapalo pa꞉la꞉me.

Dioni 6:47

Iki pa꞉ta꞉ ota꞉ pi alome laata꞉ I̱ pa꞉ta꞉ hone tulaasa꞉ halita꞉ da꞉ta hao hala꞉me.