Dioni 11:25 - Panake Pi La: Ula: Buka pita: Kine Pieke Buka

²⁵ Koto leekepate Yesuma꞉ ipiki pa꞉ta꞉ alota꞉ I̱ta꞉ pa mea tiaasa꞉eki make da꞉taasa꞉eki make halome. Hali epima꞉ I̱ pa꞉ta꞉ hone tulao haya꞉ka꞉na꞉ta꞉ kota꞉ koto hali homea꞉ka꞉na꞉ kone da꞉ta halieke.

Dioni 11:25 Referans Kwoze

1 Desalonaika 4:14

Nika꞉ hone tulaasoma꞉ ekita꞉ dupa. Yesu ipikita꞉ homa kone paa tiaeyekeme. Koto ekina꞉ta꞉ hone dupa uluma꞉me. Yesu pa꞉ta꞉ hone tulao hata꞉ homemeke wanda꞉halita꞉ Koda꞉ma꞉ Yesu ame̱le̱ hatuku ipilieke.

Dioni 3:36

Hali epima꞉ hande Eiyeke pa꞉ta꞉ hone tulao haya꞉ka꞉na꞉ta꞉ kota꞉ koto halima꞉ da꞉ta꞉ hao halo pa꞉la꞉pate hali epima꞉ hande Eiyekena꞉ kakena꞉ na homea꞉ka꞉na꞉ta꞉ deto hala꞉eki na miki haena꞉ Koda꞉ ipika꞉ mineke panka꞉la꞉eki koto hali pa꞉ta꞉ ula꞉me.

Dioni 1:4

Mo hande Pi pa꞉ta꞉ta꞉ da꞉ta꞉la꞉eki pitiekeme. Kutupa mo da꞉ta꞉la꞉ ekita꞉ kenke wanda꞉halina꞉ pa̱a̱ peaasa꞉eki pitiekeme.

Dioni 5:21

Hande Apa꞉ma꞉ homemeke wanda꞉hali mea da꞉taasa꞉ tupa꞉ koto tupa꞉ kone hande Eiyekema꞉ ipika꞉ hone wia wanda꞉hali mea da꞉taasa꞉me.

Dioni 6:44

Hali ma꞉nda꞉ta꞉ I̱ pa꞉ta꞉ ipuluekema꞉ta꞉ pa hameke a꞉pa꞉peke na ya꞉la꞉me. I̱ tapaala꞉ hali yaka Apa꞉ma꞉ hali ma꞉nda꞉ I̱ pa꞉ta꞉ epena꞉ yola꞉ mea epea꞉ka꞉na꞉ta꞉ I̱ pa꞉ta꞉ ipilieke. Kutupa koto halita꞉ mo hande paelie dina꞉ I̱ma꞉ pa mea tiawaalueke.

Loma꞉ 8:2

Do ekina꞉yeke loa꞉me. Nikita꞉ Yesu Ketiso ame̱le̱ ta꞉ma꞉ni pea ota꞉ hamono la꞉la꞉ Sipitidita꞉ ipikana꞉ma꞉ kone I̱ handeteke hata꞉ walo hala꞉ ekima꞉ta꞉ mo hoke hau pita꞉ homa꞉la꞉eki yaapo pu tiaasa꞉ hauma꞉ tonka pelia hala꞉eki ka꞉la꞉pa꞉ tapaala꞉me.

Dioni 6:35

Yesuma꞉ mo wanda꞉hali pa꞉ta꞉ alota꞉ Da꞉ta꞉la꞉ palaowata꞉ I̱ konee laata꞉ Hali epima꞉ I̱ pa꞉ta꞉ epea꞉ka꞉na꞉ta꞉ tea꞉ma꞉ paa na homilieke. Kutupa hali epima꞉ I̱ pa꞉ta꞉ hone tulaeya꞉ka꞉na꞉ta꞉ ikali na꞉na꞉ paa na pilieke leekeme.

Peneme Yaeyekeeki 21:4

Ipikana꞉ma꞉ta꞉ ika꞉ e̱ pankekemanu honialieke. Koto pa꞉ta꞉ta꞉ homa꞉la꞉eki pa na handilimikie. Kutupa puki tanda pitolo a꞉ta꞉ma꞉ homa꞉la꞉eki make e̱ ala꞉eki make tanda mina꞉la꞉eki make ota꞉ dia꞉ya꞉lieke. Mo amba꞉ haumanu paeyaota꞉ alu paeya꞉me laa lea꞉me.

Pilipai 3:10

Ya hone pa꞉la꞉eki homeketa꞉ ota꞉ Ketiso handuluekema꞉ hone pa꞉la꞉me. Koto hone pa꞉la꞉ ekita꞉ Ketiso ipika꞉ tiala꞉ wele pa꞉la꞉eki muluekema꞉ make ipikana꞉ma꞉ tanda mieke tupa꞉ muluekema꞉ make kutupa Ketiso homeeke tupa꞉ I̱ make mandake tupa꞉ homuluekema꞉ hone pa꞉la꞉me.

Peneme Yaeyekeeki 20:5

Do ekita꞉ ota꞉ titina꞉ homa꞉la꞉eki mea tiaasa꞉ekie. Mo mandane wopu homemeke wanda꞉hali paeyaota꞉ a̱i̱ na da꞉ta tiao haemepate mo 1 daoseni bapimanu hoki nane detena꞉ pia꞉me.

Aposolo 3:15

Ikana꞉ma꞉ mo da꞉taasa꞉ hali limipate Koda꞉ma꞉ mea tiaeyekeme. Kutupa nikana꞉ma꞉ wekitisi do halualu pitoloma꞉ handa꞉e leekeme.

Dioni 14:6

Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

Dioni 5:26

Hande Apa꞉ma꞉ ipiki kone da꞉ta꞉la꞉ teke hali hala꞉ tupa꞉ ipika꞉ Eiyeke make ipiki kone da꞉ta꞉la꞉ teke hali haena꞉ la꞉la꞉me.

Peneme Yaeyekeeki 22:17

Mo Sipitidi pita꞉ mo hali panake pula꞉ wanda꞉ yaapoma꞉ alota꞉ Epoe ala꞉me. Do pi opilimi tapake paeyaoma꞉ make Epoe lapa꞉peke ya꞉lieke. Ikali na꞉na꞉ma꞉ homele some epita꞉ do da꞉taapeke ya꞉la꞉ ikalita꞉ pa hameke kita꞉la꞉ekie laa mea꞉peke ya꞉la꞉me. Dota꞉ ma꞉nda꞉ epi hone pa꞉la꞉ somena꞉ loa꞉me lea꞉me.

Dioni 14:19

hosiki hao kenke wanda꞉halima꞉ I̱ pa na handolo pelemepate ikana꞉ma꞉ wetepe I̱ handilimikie. Koto ekina꞉ I̱ da꞉ta꞉ halo ekima꞉ta꞉ iki make da꞉ta꞉ halimikie.

Pilipai 1:23

Ale yaapoma꞉ yola꞉ alu pita꞉la꞉me. Do kenkena꞉ haloeki mina꞉pa꞉lao Ketiso yaapo pua hapeketa꞉ hone wotu pa꞉la꞉me. Kutupa make do polueke alo ekita꞉ I̱ pa꞉ta꞉ta꞉ ota꞉ epekeeki ya꞉la꞉pate

Peneme Yaeyekeeki 22:1

Mo enisoloma꞉ta꞉ ala꞉ta꞉ ma꞉nda꞉ na ta̱leke kalasima꞉ handeke da꞉ta꞉la꞉eki kita꞉la꞉ ikali yopulu hala꞉ I̱ pa꞉ta꞉ walea꞉me. Mo ikalita꞉ oli Koda꞉ pita꞉ Sipisipi Ma꞉na꞉ Ikiki yaapona꞉ kini sea pa꞉ta꞉ yama꞉ epea꞉me.

2 Kotindi 4:14

Mo hande Tekehali Yesu mea da꞉taeya꞉ Koda꞉ma꞉ta꞉ niki make Yesu taapu mea da꞉taalieke hone uluma꞉me. Kutupa iki ame̱le̱ mandakena꞉ ipiki hala꞉ alena꞉ hatuku pelieke.

Loma꞉ 4:17

Hande Baibolo bukana꞉ wape pa꞉la꞉ tupa꞉ Neketa꞉ tutu ta꞉ta꞉ ta꞉ta꞉ wanda꞉hali paeyaona꞉ apa꞉ halena꞉ lolome laa leeke ekina꞉ opua Eipoloha꞉ma꞉ Koda꞉ pa꞉ta꞉ hone tulao hayekeme. Koto ekina꞉ Koda꞉ma꞉ kone koto pi la꞉ wieke ekita꞉ ota꞉ yaeyekeme. Do hauta꞉ mo amba꞉ homemeke wanda꞉hali mea da꞉taapekeeki make mo amba꞉ na haemeke alemanu ipikana꞉ma꞉ pima꞉ alo hata꞉ kone mea haena꞉ leekeeki make koto Koda꞉ma꞉ta꞉ do hau make pu hala꞉me.

Luku 23:43

Kutupa Yesuma꞉ ipiki pa꞉ta꞉ alota꞉ I̱ma꞉ neke pa꞉ta꞉ ota꞉ pi la꞉ witolome. Ame do natena꞉ kone I̱ yaapo oli Pa꞉ta꞉daisi nane mandakena꞉ halupeke leekeme.

1 Kotindi 15:29

Pate Paa na tiaalumekee lemeka꞉na꞉ta꞉ kota꞉ mandane wanda꞉halima꞉ta꞉ mo amba꞉ homemeke wanda꞉hali pa꞉ta꞉ hone witolo hata꞉ bapitaisi piteleme hauta꞉ eki puluekema꞉ koto hau pitelemepe. Amba꞉ homemeke wanda꞉hali paa mea tiaapeke na ya꞉ka꞉na꞉ta꞉ kota꞉ mo wanda꞉halima꞉ta꞉ amba꞉ homemeke wanda꞉hali pa꞉ta꞉ hone witolo hata꞉ ekipeke bapitaisi hau pitelemepe.

1 Kotindi 15:18

Kutupa Ketiso pa꞉ta꞉ hone tulao hao homemeke wanda꞉hali make ota꞉ alu pulu pimime.

Dioni 3:16

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Peneme Yaeyekeeki 1:18

I̱ta꞉ deto hala꞉ halie. I̱ta꞉ homoa꞉pate ameta꞉ tiao hoto paeyao pa hatia pu hala꞉ hali halome. I̱ma꞉ta꞉ homa꞉la꞉ ekina꞉ make mo homo hala꞉ kenkena꞉ pota꞉ ki handeteke halo halie.