Dioni 11:11 - Panake Pi La: Ula: Buka pita: Kine Pieke Buka

¹¹ Yesuma꞉ kotoeki laa pi ma꞉nda꞉ alo alota꞉ Nika꞉ yankeke La꞉satesita꞉ amba꞉ u peila꞉pateta꞉ ipiki mea tiaalo pulume leekeme.

Dioni 11:11 Referans Kwoze

Dioni 11:13

Yesuma꞉ta꞉ mo La꞉satesi ota꞉ homeeke ekina꞉ leekepate mo haliwekima꞉ta꞉ pa u peileke ala꞉me hone wimikime.

1 Desalonaika 5:10

Yesuma꞉ta꞉ ipiki ame̱le̱ hao hamonoyeke nika꞉eki peaaso homeekeme. Koto ekina꞉ Yesu paa epea꞉ka꞉na꞉ta꞉ amba꞉ homeme wanda꞉hali pita꞉ pa haloma꞉ wanda꞉hali make ala꞉ta꞉ ma꞉nda꞉ dia꞉ma꞉ pa ipiki ame̱le̱ da꞉taa halumeke.

1 Kotindi 15:51

Do la kitoloma꞉ a꞉mbaasa꞉ pita꞉ opua꞉pe. Niki paeyao ota꞉ na homolo poloma꞉pate pa mo paeyaaso haena꞉ la꞉la꞉ ekina꞉ bu kanake litolo haya꞉ka꞉na꞉ta꞉ kota꞉

Aposolo 7:60

Kutupa pa tumiki yotuao pita꞉ anekema꞉ e̱ alo hata꞉ alota꞉ Tekehalio. Do haliwekima꞉ hoke hau piteleme ekita꞉ pa na wina꞉ leke nakana꞉ma꞉ paeyaapeke leekeme. Kotoeki lo paeyaota꞉ homeekeme.

Ma꞉tiu 27:52

Kutu pieketa꞉ mandane hali lapa꞉ nakumanu make lumba꞉ pa pa pu yapeeketa꞉ amba꞉ homemeke mandane Koda꞉na꞉ wanda꞉hali paa da꞉taa tiaemekeme.

Epesese 5:14

Kutupa mo hande pa̱a̱ pita꞉la꞉ ekima꞉ peneme yaasa꞉eki manuta꞉ pa̱a̱ pita꞉la꞉eki kone yelieke. Koto ekina꞉ wape dupa pa꞉la꞉me. U peile halio. A̱i̱ tiae. Homa꞉la꞉eki mina꞉pa꞉lao tiaeka꞉na꞉ta꞉ Ketisoma꞉ neke pa̱a̱ pealieke wape pa꞉la꞉me.

Maka 5:39

Kutupa honda꞉ pambaata꞉ wanda꞉hali pa꞉ta꞉ alota꞉ Ekipeke e̱ la alu alu pitelemepe. Mo wandikita꞉ na homa꞉la꞉pate u̱ pela꞉me leekeme.

Ma꞉tiu 9:24

Koto wandiki sikita꞉ ota꞉ na homa꞉la꞉pate pa u pa꞉ela꞉me. Koto pa꞉la꞉ma꞉ iki paeyao hama pupe leekeme. Koto leeketa꞉ iki paeyaoma꞉ ipiki kitaemekemepate

Dia꞉mesi 2:23

Kutupa make mo Baibolo bukana꞉ leekeeki make ota꞉ yaeyekeme. Hande leekeeki dupa Eipoloha꞉ma꞉ma꞉ Koda꞉ pa꞉ta꞉ hone tulao hayeke ekina꞉ Koda꞉ma꞉ta꞉ ipikita꞉ tikitiki yao haena꞉ leekeme. Kutupa Koda꞉ma꞉ Eipoloha꞉ma꞉ pa꞉ta꞉ alota꞉ Neketa꞉ yaka yankekee laa leekeme.

1 Kotindi 15:34

Ika꞉ hoke hau piteleme ekimanu mina꞉pa꞉lao ika꞉ hone tiki tiki yao epeke tupa꞉ paa hapa꞉peke. Iki pa꞉ta꞉ haleme mandane wanda꞉hali manuma꞉ta꞉ Koda꞉na꞉ hau na handelememe. Do alo ekina꞉ta꞉ yaala꞉ma꞉ homaamina꞉ alome.

1 Kotindi 15:18

Kutupa Ketiso pa꞉ta꞉ hone tulao hao homemeke wanda꞉hali make ota꞉ alu pulu pimime.

Dioni 11:3

Koto ekina꞉ mo hakila꞉ma꞉ Yesu pa꞉ta꞉ pi tapaaso alota꞉ Tekehalio. Naka꞉ yankeketa꞉ yeni hao ula꞉me laa tapaepekeme.

Dioni 3:29

mo wanda꞉ teke halina꞉ hameketa꞉ mandakena꞉ hata꞉ kone wanda꞉ teke halima꞉ lelie pi opitolo hata꞉ta꞉ ta꞉na꞉ma꞉ homilieke. Koto ekina꞉ yaka ta꞉na꞉ma꞉ homa꞉la꞉ ekita꞉ tumba ula꞉me laa

Dioni 11:10

Kutu pulu pa꞉la꞉pateta꞉ timba꞉ alo haena꞉ pomia꞉ka꞉na꞉ta꞉ ipiki pa꞉ta꞉ pa̱a̱ na peaasa꞉ ekima꞉ ipikita꞉ lopuluekema꞉ taapa꞉tia pelieke leekeme.

Dioni 11:12

Koto leeke handaa mo disaipolo haliwekima꞉ alota꞉ Tekehalio. U pelia꞉ka꞉na꞉ta꞉ kota꞉ tiaalieke lemekeme.