Dioni 10:25 - Panake Pi La: Ula: Buka pita: Kine Pieke Buka

²⁵ Yesuma꞉ iki pi hombo peaaso alota꞉ I̱ma꞉ iki pa꞉ta꞉ amba꞉ la kua꞉pateta꞉ ikana꞉ma꞉ I̱ pa꞉ta꞉ hone na tulaalememe. Yaka Apa꞉na꞉ bikina꞉ pitolo haumanu paeyaoma꞉ta꞉ yaka biki mea a꞉meiyaasemepateta꞉

Dioni 10:25 Referans Kwoze

Dioni 10:38

Kutu pua꞉peke ya꞉la꞉pate yaka Apa꞉na꞉ pita꞉la꞉ ekimanu pua꞉ka꞉na꞉ta꞉ I̱ pa꞉ta꞉ hone na tulaake hata꞉ kone yaka pitolo ekimanu pa꞉ta꞉ kone hone tulaapeke aleo. Kutu pimika꞉na꞉ta꞉ hande Apa꞉ta꞉ I̱ tukiki pa꞉ta꞉ hala꞉eki make I̱ta꞉ ipiki tukiki pa꞉ta꞉ haloeki make handa꞉ hone wilimikie leekeme.

Dioni 8:58

Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Eipoloha꞉ma꞉ a̱i̱ na mendieke natena꞉ kone I̱ta꞉ pa halome leekeme.

Dioni 14:11

Yaka Apa꞉ma꞉ I̱ yaapo hala꞉ ekina꞉ make I̱ma꞉ta꞉ yaka Apa꞉ yaapo halo ekina꞉ make I̱ma꞉ do alo pita꞉ ikana꞉ma꞉ ota꞉ opua꞉pa꞉peke ya꞉la꞉pate pa do aloeki na opimika꞉na꞉ta꞉ kota꞉ I̱ma꞉ hande pua꞉ ekimanu hone witolo hata꞉ I̱ pa꞉ta꞉ hone tulao hapa꞉peke laa leekeme.

Hibulu 2:3

Kutu pimiki ekina꞉ta꞉ pa niki make mo Koda꞉ma꞉ niki pa꞉ta꞉ lolo ka꞉la꞉ da꞉ta꞉la꞉eki tiekena꞉ hone wopu na uma꞉ka꞉na꞉ta꞉ kota꞉ ekipa mo niki pa꞉ta꞉ kulu pa꞉la꞉ hoke yenki wenduluma꞉pe. Tekehalima꞉ kone do ka꞉la꞉ da꞉ta꞉la꞉eki peneme yaeyekeme. Koto ekita꞉ mo amba꞉ ipikana꞉ma꞉ leeke pi opimiki wanda꞉halima꞉ do pita꞉ ota꞉ la꞉la꞉ pie laa niki pa꞉ta꞉ wopu la kimime.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Dioni 20:30

Yesuma꞉ ipika꞉ disaipolo haliweki ame̱le̱ hata꞉ mandane wele pita꞉la꞉ ekimanu wotu piekepate do bukana꞉ wape na pa꞉la꞉me.

Dioni 12:37

Ipikana꞉ma꞉ta꞉ wanda꞉halina꞉ leke popelekena꞉ hata꞉ kone wele wotu pieke ekimanu mo wanda꞉halima꞉ handaa kone ipiki pa꞉ta꞉ hone na tulaemekeme.

Dioni 11:47

Koto ekina꞉ mo Pa꞉tisi haliweki make mo yeni peao haemeke you haliweki make mo Ka̱le̱sete tapake ame̱le̱ momba꞉lalo hata꞉ alota꞉ Nikana꞉ma꞉ta꞉ eki pumana꞉pe. Do hande halima꞉ wele wotu pa꞉la꞉ ekimanu pita꞉la꞉me.

Dioni 10:32

Yesuma꞉ mo haliweki pa꞉ta꞉ alota꞉ Yaka Apa꞉ma꞉ peaala꞉ epeke pita꞉la꞉ ekimanu wotu I̱ma꞉ iki pa꞉ta꞉ waloa꞉pate eki pua꞉ ekina꞉ toopima꞉ I̱ luekema꞉ pitelemepe.

Dioni 8:24

Koto peleme ekina꞉ iki pa꞉ta꞉ ika꞉ hoke hau taapuna꞉ hao homilimikie laa loa꞉me. I̱ do halima꞉ alo pi na opimika꞉na꞉ta꞉ ikita꞉ hoke hau taapuna꞉ hao homilimikie leekeme.

Dioni 8:12

Yesuma꞉ iki pa꞉ta꞉ paa alota꞉ I̱ta꞉ do kenkena꞉ pa̱a̱e. Hali epima꞉ ya hoki nane telia꞉ mea epea꞉ka꞉na꞉ta꞉ timba꞉ lo pamba꞉la꞉eki pa꞉ta꞉ na pomiki pa̱a̱ pa꞉la꞉eki pa꞉ta꞉ hata꞉ da꞉ta halieke. Mo da꞉ta꞉la꞉ ekina꞉ pa̱a̱ pa꞉la꞉eki pa꞉ta꞉ halieke.

Dioni 7:31

Hande Ketiso epea꞉ka꞉na꞉ta꞉ do halina꞉ wele pita꞉la꞉ ekimanu ankulaliepe lemekeme.

Dioni 3:2

nate ma꞉nda꞉na꞉ timba Yesu pa꞉ta꞉ pua alota꞉ Disao. Neketa꞉ Koda꞉ma꞉ tapaaleke walele hali hale ekita꞉ handoloma꞉me. Kutupa nakana꞉ma꞉ wele pitele tupa꞉ Koda꞉ yaapo na hake halima꞉ wele pea꞉peke na ya꞉la꞉me la leekeme.

Aposolo 2:22

Isulai haliwekio. I̱ma꞉ do alo pi opua꞉pa꞉peke. Hande Na꞉sa꞉tete hali Yesuta꞉ iki ame̱le̱ a꞉pa hata꞉ta꞉ Koda꞉ma꞉ wele peaaso haena꞉ Yesuma꞉ na hando haloma꞉ ekimanu make wele pita꞉la꞉ ekimanu make ipikana꞉ma꞉ pitolo haena꞉ Koda꞉ma꞉ ipikita꞉ I̱ma꞉ tapaalo halie laa peneme yatiki pia꞉me. Kutupa do haumanu paeyao ika꞉ hone wilimime leekeme.

Dioni 8:56

Ika꞉ apa꞉ Eipoloha꞉ma꞉ma꞉ yaka di handuluekema꞉ ta꞉na꞉ma꞉ homa hata꞉ handaata꞉ ta꞉na꞉ma꞉ homeekeme.

Dioni 10:37

Yaka Apa꞉na꞉ pita꞉la꞉ ekimanu na pua꞉ka꞉na꞉ta꞉ kota꞉ I̱ pa꞉ta꞉ hone na tulaapa꞉pe.