Dioni 10:12 - Panake Pi La: Ula: Buka pita: Kine Pieke Buka

¹² Mo yenki e poka꞉la꞉ somema꞉ pa ma꞉nda꞉na꞉ sipisipi ma꞉na꞉manu handeteke hawaaso hata꞉ mo tikene kika epea꞉ka꞉na꞉ta꞉ ipikita꞉ teke some dia꞉yalo hata꞉ mo ma꞉na꞉manu mina꞉pa꞉lao pindipa pelieke. Koto ekina꞉ mo tikene kikama꞉ hande ma꞉na꞉manu lu nea꞉ka꞉na꞉ta꞉ ta꞉ta꞉ ta꞉ta꞉ pea pindipa pelimikie.

Dioni 10:12 Referans Kwoze

2 Pida 2:3

Do yayapiki pi wala꞉la꞉ haliwekima꞉ta꞉ pasa꞉tei pitolo hata꞉ ika꞉ alemanu muluekema꞉ makeaaso la꞉la꞉ tamenimanu la kilieke. Ameta꞉ amba꞉ kiake kone iki pi yokaalu pulu pa꞉la꞉ halita꞉ tikitiki yao hata꞉ iki hoeyaalo pa꞉la꞉ halita꞉ u̱ na pa꞉ela꞉me.

Taitasi 1:7

Ipikana꞉ma꞉ta꞉ Koda꞉na꞉ hau handeteke hapeke ekina꞉ ipikita꞉ ota꞉eki a꞉nda꞉ na piki hali hapeke yelieke. Ipikita꞉ wanda꞉hali lu pambaake pi lo o mineke a̱i̱ koto kone panka꞉la꞉ o hoke ikali naa keao o wanda꞉hali make ala꞉ta꞉ ala꞉ta꞉ hoeyao tekipuleke lao o I̱ I̱ laa pasa꞉tei pu o dupiki haumanu pu halia꞉ halita꞉ hapeke na yelieke.

2 Timodi 4:10

Dimasita꞉ do kenkena꞉ hauna꞉ hone wopu pieke ekima꞉ I̱ na leeke mina꞉pa꞉lao mo Desalonaika da nane pua hala꞉me. Ketesinisita꞉ Ka꞉leisia kenke nane pua hala꞉me. Taitasita꞉ mo Da꞉lemeisia kenke nane pua hala꞉me.

1 Timodi 3:8

Kutupa dikoni haliweki make kekeke yaapo na haasa꞉ hali make epeke hau pu haleme haliweki hapeke ya꞉la꞉me. Kutaa make ikita꞉ mo hande waini ikali wotu na no haleme haliweki make yenki haka꞉ta꞉pao muluekema꞉ hone wopu peleme haliweki hapeke na ya꞉la꞉me.

1 Timodi 3:3

Hoke ikali naa lu keaasa꞉ hali o tekipuleke laasa꞉ hali dia꞉ya꞉la꞉pate ipikita꞉ yopu hata꞉ a꞉nda꞉ a̱i̱ puluekema꞉ na taapa꞉la꞉ halie. Kutupa ipikita꞉ mani pa꞉ta꞉ we na pambeke hala꞉ halie.

Aposolo 20:29

I̱ma꞉ mina꞉pa꞉lao polua꞉ natena꞉ ka̱꞉la̱꞉ta꞉ pu hala꞉ tikene kika titima꞉ iki pa꞉ta꞉ a꞉paata꞉ do ma꞉na꞉ titina꞉ a꞉ta꞉ma꞉ ota꞉ na homilimikie lea꞉me.

1 Pida 5:2

Ikana꞉ma꞉ handeteke hamena꞉ Koda꞉ma꞉ ka꞉la꞉ sipisipi ma꞉na꞉ta꞉ ta꞉na꞉ma꞉ homolo hata꞉ handeteke hapa꞉peke. Kima꞉ na homeke Koda꞉ma꞉ hone pa꞉la꞉ tupa꞉ handeteke hapa꞉peke. Do e poka꞉la꞉ ekita꞉ yenki homekena꞉ hone na wiki ika꞉ honema꞉ kone hone pitolo haena꞉ poka꞉pa꞉peke.

Dioni 10:3

Mo pota꞉ kake handeteke hala꞉ halima꞉ta꞉ koto hali pena꞉ta꞉ pota꞉ lombalieke. Kutupa mo halima꞉ ipika꞉ ma꞉na꞉ manuna꞉ biki laa wi la꞉ mepi peaata꞉ mo ma꞉na꞉ manuma꞉ ipika꞉ pi ho̱la̱꞉make opimika꞉na꞉ta꞉ hama꞉ nane hatuku pelieke.

Ma꞉tiu 10:16

Opua꞉pe. Ikita꞉ mo honkopu wopu na hake sipisipimanu tupa꞉ ya꞉la꞉pate I̱ma꞉ iki mo tikene iyamanu tukiki pa꞉ta꞉ hamena꞉ tapaasome. Koto ekina꞉ mo hande ketoma꞉ kimelema꞉ pomua꞉la꞉ tupa꞉ iki make kimelema꞉ pomua꞉pa꞉peke. Kutaa make mo hande dokolo ba manuma꞉ epeke tupa꞉ momba꞉la pitu haleme tupa꞉ iki make sembepela hao hapa꞉peke.

Ma꞉tiu 7:15

Mo yayapiki potopede haliwekima꞉ iki makeaama꞉na꞉ leke leke lo hapa꞉peke. Ikana꞉ma꞉ iki makealuekema꞉ta꞉ ika꞉ lokena꞉ manda hau manuma꞉ta꞉ sipisipi nono pilimipate ika꞉ puki tukiki naneta꞉ hali lu no hala꞉ tikene kikamanu leke kone halememe.

Dioni 10:2

Pate mo pota꞉ kake pa꞉ta꞉ pula꞉ halita꞉ mo hande sipisipi ma꞉na꞉manu handeteke hala꞉ halie leekeme.

Dioni 10:13

Hande yenki muluekema꞉ e pokeeke halima꞉ta꞉ mo ma꞉na꞉manu pa꞉ta꞉ hone wopu na witolo hata꞉ ipikita꞉ pa e pokaasa꞉ hali yaalo hata꞉ta꞉ pindipa pelieke.