Dioni 1:49 - Panake Pi La: Ula: Buka pita: Kine Pieke Buka

⁴⁹ Nada꞉nielema꞉ ipika꞉ pi hombo peaaso alota꞉ Disao. Neketa꞉ Koda꞉na꞉ Eiyekee. Neketa꞉ Isulai wanda꞉halina꞉ Kini halie leekeme.

Dioni 1:49 Referans Kwoze

Dioni 1:34

Dionima꞉ alota꞉ Koto ekita꞉ I̱ma꞉ handoa꞉me. Koto ekina꞉ ipikita꞉ Koda꞉na꞉ Eiyeke hala꞉eki iki pa꞉ta꞉ la kitolome leekeme.

Luku 19:38

Mo wanda꞉halima꞉ la꞉tia pulu alota꞉ Mo Tekehalina꞉ bikina꞉ ipula꞉ kini halita꞉ Koda꞉ma꞉ epeaena꞉e. Hepeni nane haleme tapakema꞉ a꞉nda꞉ peliaaso hata꞉ Koda꞉na꞉ biki tieke miniliaena꞉e la꞉tia pemekeme.

Ma꞉tiu 27:42

Ipikita꞉ mandane wanda꞉halita꞉ mea da꞉tatiki piekepate ipikana꞉ma꞉ta꞉ ipika꞉ kone da꞉taapeke na ya꞉leke pila꞉pe laa alota꞉ Ipikita꞉ mo hande Isulai tapakena꞉ Kini hali dia꞉ yekea. Ipikana꞉ma꞉ mo a꞉ka꞉tei wape piki ti mina꞉pa꞉lao hola꞉pa꞉niao epea꞉ka꞉na꞉ta꞉ kota꞉ ipikita꞉ ota꞉ Koda꞉na꞉ Eiyekee laa hone tulaalumeke.

Ma꞉tiu 21:5

Mo Saioni da teke tieke pa꞉ta꞉ haleme wanda꞉hali pa꞉ta꞉ta꞉ dupa lapeke. Ika꞉ kini tieketa꞉ iki pa꞉ta꞉ taa ipula꞉ handa꞉pe. Ipikita꞉ homu piki hali hata꞉ mo donki ma꞉na꞉na꞉ hoki manda pila꞉me. kutupa mo donki hali ma꞉na꞉ ikiki manda pila꞉me lapa꞉peke laa leekeme.

Ma꞉tiu 2:2

lota꞉ pitolo alota꞉ Mo hande Diu wanda꞉halina꞉ kini halo pa꞉la꞉ panake weki ma꞉nda꞉la꞉ wekita꞉ hando pa꞉ta꞉ hala꞉pe. Ipika꞉ hombulanka꞉ nate opa꞉la꞉ nanema꞉ opeeke nikana꞉ma꞉ handaa ipiki pa꞉ta꞉ panda꞉ puluekema꞉ epoma꞉me lemekeme.

Dioni 1:38

Yesuma꞉ la꞉ka꞉la꞉ mina ipiki telia꞉ mea epepekeeki handaa ipiliki lota꞉ pitolo alota꞉ Aleke weitelepepe leekeme. Ipilikana꞉ma꞉ ipika꞉ pi hombo peaaso alota꞉ La꞉baio. Neketa꞉ hando pa꞉ta꞉ hao halepe lepekeme. Do La꞉bai ala꞉ ekita꞉ Disa la kone ala꞉ekie.

Ma꞉tiu 27:11

Pailedima꞉ Yesu lota꞉ pitolo alota꞉ Neketa꞉ mo Diu wanda꞉halina꞉ Kini hali halepe leekeme. Kutupa Yesuma꞉ hombo peaaso alota꞉ Koto aletaa leekepate

Ma꞉tiu 14:33

Mo kawasona꞉ pitimiki disaipolo haliwekima꞉ koto pieke hau handolo hata꞉ta꞉ ikana꞉ma꞉ Yesuna꞉ biki a꞉meiyaaso alota꞉ Ota꞉e. Neketa꞉ ota꞉ Koda꞉na꞉ Eiyekee laa lemekeme.

Dioni 18:37

Koto leeke ekina꞉ Pailedima꞉ ipiki lota꞉ pitolo alota꞉ Kota꞉ neketa꞉ kini hali ya꞉ka꞉ta꞉pe leekeme. Yesuma꞉ ipika꞉ pi hombo peaaso alota꞉ I̱ pa꞉ta꞉ kini halie ale ekita꞉ naka꞉ alee. I̱ta꞉ hau homeke puluekema꞉ epoa꞉me. Mo ota꞉ pi waluekema꞉ loa꞉me. Kutu pionoyeke yaka ama꞉ma꞉ I̱ mendieke do kenkena꞉ epoa꞉me. Kutupa mo ota꞉ pi opuluekema꞉ katake na a꞉mba haleme wanda꞉halima꞉ I̱ma꞉ pi alo ekita꞉ opu halememe.

Dioni 1:18

Hali homeke ma꞉nda꞉ma꞉ Koda꞉ ota꞉ na handeekeme. Kutu piekepate Eiyeke homekema꞉ homeke Koda꞉ tupa꞉ hata꞉ Atekena꞉ popeke nane kikina꞉ pila꞉ halima꞉ kone ipikana꞉ma꞉ niki la ka꞉la꞉me.

Ma꞉tiu 4:3

Koto tea꞉ma꞉ homolo haena꞉ta꞉ Sadanima꞉ ipiki pa꞉ta꞉ a꞉pa alota꞉ Neketa꞉ ota꞉ Koda꞉na꞉ Eiyeke ya꞉ka꞉na꞉ta꞉ kota꞉ do toopimanu kone palaowa au lapeke leekeme.

Ma꞉tiu 23:7

Makedi hama mombili ale nina꞉ wanda꞉halima꞉ iki manda꞉hande pitolo ika꞉ bikimanu mea a꞉meiyaluekema꞉ Disao. Epeke da ka꞉la꞉paasoe la꞉tiki pina꞉ ta꞉na꞉ma꞉ wopu homelememe.

Ma꞉tiu 23:8

Mo haliwekima꞉ta꞉ kutu pu halemepate pa ikana꞉ma꞉ta꞉ wanda꞉halima꞉ iki pa꞉ta꞉ Disao pi na lena꞉ lapa꞉peke. Pa ekipeke. Ika꞉ Disata꞉ homeke haena꞉ iki paeyaota꞉ hama̱la̱꞉ hama̱la̱꞉ halememe loa꞉me.

Maka 15:32

Neketa꞉ Isulai wanda꞉halina꞉ Kini hali hande Ketiso haekena꞉ta꞉ ota꞉ koto a꞉ka꞉tei wapepiki tina꞉ neke holepeleeki nikana꞉ma꞉ handoma꞉ka꞉na꞉ta꞉ naka꞉ pi ota꞉ opulumeke lemekeme.

Luku 1:35

Mo hande enisoloma꞉ ipika꞉ pi hombo peaaso alota꞉ Mo Holi Sipitidi neke pa꞉ta꞉ ipilieke. Kutupa make Ota꞉ Manda Hala꞉ Koda꞉ ipika꞉ wele pita꞉la꞉eki neke pa꞉ta꞉ a꞉pa pitilieke. Kutu pita꞉la꞉ ekima꞉ta꞉ mo hande nakana꞉ma꞉ mondulu pele yako piki weki ipikita꞉ Koda꞉na꞉ Eiyekee lelimikie.

Dioni 1:50

Yesuma꞉ alota꞉ I̱ma꞉ neketa꞉ nose ti teke pa꞉ta꞉ pitieki handoa꞉me loa꞉ ekina꞉ hone tulaaso alepe laa kutupiki hausunu ankulalo peleme hau tieke tiekemanu pulu pa꞉la꞉eki handilipikie leekeme.

Dioni 4:31

Koto hau pitolo haena꞉ta꞉ hande disaipolo haliwekima꞉ Yesu honke alo alota꞉ Disao. Ne ma꞉nda꞉ nae lemekepate