Dioni 1:47 - Panake Pi La: Ula: Buka pita: Kine Pieke Buka

⁴⁷ Nada꞉niele Yesu pa꞉ta꞉ ipulu haena꞉ kone Yesuma꞉ handa Nada꞉nielena꞉ pita꞉la꞉ ekita꞉ dupae laa ma꞉nda꞉ pa꞉ta꞉ la halolo alota꞉ Do halita꞉ ota꞉ Isulai halie laa ipiki pa꞉ta꞉ yayapiki hau ma꞉nda꞉ na ula꞉me leekeme.

Dioni 1:47 Referans Kwoze

Peneme Yaeyekeeki 14:5

Ma꞉nda꞉ma꞉ ikita꞉ yayapiki pi lelemeeki na opua make ala꞉ta꞉ ma꞉nda꞉ ata꞉ka꞉ na pealeme haliwekie.

Loma꞉ 9:4

Ikita꞉ Koda꞉ma꞉ talopu mea haena꞉ la꞉la꞉ wanda꞉halie. Ipikana꞉ma꞉ ikita꞉ ipika꞉ wekiwandiki haena꞉ laata꞉ iki pa꞉ta꞉ ipika꞉ pa̱a̱ pa꞉la꞉eki waleekeme. Ipikana꞉ma꞉ iki pa꞉ta꞉ mandane pimanu la꞉ wia꞉tiki pea hande Lo Pimanu la kia꞉tiki pea ipiki pa꞉ta꞉ panda꞉puniao ota꞉ yeni pea꞉pekeeki walaata꞉ iki pa꞉ta꞉ kulu pieke ekimanu la꞉ wia꞉tiki piekeme.

Loma꞉ 9:6

I̱ma꞉ta꞉ Koda꞉ma꞉ la꞉ wieke pita꞉ na yaala꞉me laa pi na alome. Koda꞉ma꞉ ipika꞉ la꞉ wieke pita꞉ ota꞉ yaala꞉me. Do ekina꞉ yeke loa꞉me. Ipikana꞉ma꞉ talopu mea haena꞉ la꞉la꞉ wanda꞉halita꞉ Isulai tapake wanda꞉hali homeke na mea haena꞉ leeke mo mandane wanda꞉hali make mea apa꞉tao haena꞉ la꞉la꞉ ekina꞉ loa꞉me.

Dioni 8:31

Koto ekina꞉ mo Diu haliwekima꞉ ipiki pa꞉ta꞉ hone tulaemeke haliweki pa꞉ta꞉ Yesuma꞉ alota꞉ Ikana꞉ma꞉ I̱ma꞉ waloloeki opua pea꞉tiki pimika꞉na꞉ta꞉ kota꞉ ota꞉ ya disaipolo haliweki hata꞉ta꞉

1 Pida 2:22

Yesuma꞉ta꞉ hoke haumanu paeyao na piekeme. Kutupa ipika꞉ kake hambilikima꞉ yayapiki pi na leekeme. Wanda꞉hali paeyao ma꞉nda꞉ma꞉ a꞉nda꞉ ota꞉ na opimikime.

1 Pida 2:1

Hoke hau paeyao baapa꞉peke. Yayapiki pi na lo makeaasa꞉ hau na pu ma꞉nda꞉na꞉ epeke hau pita꞉la꞉eki handa꞉peke yeke honditi pita꞉la꞉ hau na pu kutupa make kake neli pita꞉la꞉ pi na lapa꞉peke.

Pilipai 3:3

Mo hau pu haleme haliweki dia꞉ya꞉la꞉ pateta꞉ nikita꞉ mo ota꞉ sekemesaisi hauta꞉ mea haloma꞉me. Pa ekipape. Nikita꞉ Koda꞉na꞉ yakopiki temokoma꞉ tamba꞉ minolo haena꞉ Koda꞉ pa꞉ta꞉ yeni pu haloma꞉me. Kutupata꞉ Yesu Ketiso pa꞉ta꞉ tunao hata꞉ paleke na hao haloma꞉me. Kutupa make mo nika꞉ manda loke nina꞉ peaaseme haumanu pa꞉ta꞉ hone ota꞉ homeke a꞉nda꞉ ti lao na haloma꞉me.

Dioni 8:39

Mo haliwekima꞉ ipika꞉ pi hombo peaaso alota꞉ Nika꞉ apa꞉ta꞉ Eipoloha꞉ma꞉e lemekeme. Yesuma꞉ ika꞉ pi hombo peaaso alota꞉ Ikita꞉ Eipoloha꞉ma꞉na꞉ wekitonu haemekena꞉ yoluta꞉ Eipoloha꞉ma꞉na꞉ pieke ekimanu kone pulu pimime.

Dioni 2:25

Wanda꞉halina꞉ puki pa꞉ta꞉ ula꞉ ekimanu Yesuma꞉ wotu handeeke ekina꞉ hali ma꞉nda꞉ma꞉ ipiki pa꞉ta꞉ la hala꞉peke na yeekeme.

Dioni 4:16

Yesuma꞉ ipiki pa꞉ta꞉ alota꞉ Naka꞉ haliki amba꞉la wi lolo puaata꞉ do pa꞉ta꞉ paa a꞉pa꞉peke leekeme.