Dioni 1:45 - Panake Pi La: Ula: Buka pita: Kine Pieke Buka

⁴⁵ Koto ekina꞉ Pilipima꞉ Nada꞉niele handa꞉ wia ipiki pa꞉ta꞉ alota꞉ Hande Mosesima꞉ Lo Pimanu wape pitolo hata꞉ wape pa꞉la꞉ halita꞉ mo Koda꞉na꞉ potopede haliwekima꞉ wape pa꞉la꞉ hali kone handa꞉ uluma꞉me. Ipikita꞉ Na꞉sa꞉tete hali Diosepena꞉ eiyeke Yesue laa leekeme.

Dioni 1:45 Referans Kwoze

Luku 24:27

Kutupa Yesuma꞉ iki pa꞉ta꞉ mo Baibolo paeyaona꞉ ipika꞉ pi lao ula꞉eki paeyao la haleekeme. Ipikana꞉ma꞉ mo Mosesina꞉ buka manuna꞉ kini pea a꞉pa mo potopede manuma꞉ lao wieke ekimanu lo paeyaeyekeme.

Ma꞉tiu 2:23

Na꞉sa꞉tete halo pemekeme. Koto halo pemeke ekita꞉ mo potopede haliwekima꞉ la꞉ wiekeeki yaeyekeme. Koto ikana꞉ma꞉ la꞉ wiekeeki dupa Ipikita꞉ Na꞉sa꞉tete hali hala꞉me lelieke leekeme.

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Luku 4:22

Ipika꞉ leeke pi manuma꞉ tende pieke handaa iki paeyao siki leke opa penkiliputia pominolo hata꞉ make haleke lomba mo ikana꞉ma꞉ ipikina꞉ do pi lemekeme. Ipikita꞉ Diosepena꞉ eiyeke dia꞉yekea laa ika꞉ ika꞉ kone lota꞉ pu alu alu pimikime.

Dioni 18:7

Yesuma꞉ paa lota꞉ pitolo alota꞉ Epi weitelemepe leekeme. Mo haliwekima꞉ alota꞉ Mo hande Na꞉sa꞉tete hali Yesu weitoloma꞉me lemekeme.

Kini Pieke 22:18

Mo nakana꞉ma꞉ yaka pi opele ekina꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ yama꞉ta꞉ mo tutu paeyao sikita꞉ epeaasa꞉eki mina꞉ lolueke leekeme.

Maka 6:3

Do halita꞉ kapenda hali dia꞉ya꞉ka꞉ta꞉pe laa Metina꞉ eiyeke dia꞉ya꞉ka꞉ta꞉pe. Dia꞉mesi Diosepe Diudasi make Saimono make ipika꞉ hameke titi dia꞉ya꞉ka꞉ta꞉pe laa Ipika꞉ beliki titi do pa꞉ta꞉ niki ame̱le̱ na halemepe lemekeme. Kutupa ipiki pa꞉ta꞉ honditi pitolo hata꞉ lemekeme.

Ma꞉tiu 21:11

Kutu pieketa꞉ mo ipiki hatuku epemeke wanda꞉halima꞉ iki pa꞉ta꞉ alota꞉ Do halita꞉ mo Ka꞉lili kenke nane hala꞉ da Na꞉sa꞉tetena꞉ potopede hali Yesue lemekeme.

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Kini Pieke 3:15

Kutupa I̱ma꞉ neketa꞉ mo wanda꞉ yaapo a꞉nda꞉ tunkula꞉ alu peao ipika꞉ monduma꞉ monduma꞉ pilia꞉ wekiwandikima꞉ make naka꞉ ekima꞉ make a꞉nda꞉ tunkula꞉ alu alu pu haena꞉ lolueke. Ipikana꞉ma꞉ naka꞉ you da꞉ka꞉pa꞉ tombuaeya꞉ka꞉na꞉ta꞉ nakana꞉ma꞉ ipika꞉ anke kinuku handulu nelipikie leekeme.

Aposolo 22:8

Kutupa I̱ma꞉ alota꞉ Tekehalio. Neketa꞉ epika꞉ta꞉pe laa la꞉liaowa꞉pate ipikana꞉ma꞉ alota꞉ I̱ta꞉ Na꞉sa꞉tete hali Yesue. Nakana꞉ma꞉ I̱ pa꞉ta꞉ a꞉nda꞉ liteleke pua꞉me laa la꞉niaeya꞉me.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Dioni 21:2

Saimono Pida make hande Manda꞉e lemeke hali Tomasi make hande Ka꞉lili nane Keina da hao epeeke hali Nada꞉niele make Sepedi ipika꞉ eiyeke yaapo make Yesuna꞉ disaipolo hali yaapo ma꞉nda꞉ make paeyao mandake pa꞉ta꞉ momba꞉la haemekeme.

Luku 2:4

Hali ma꞉nda꞉ Diosepeta꞉ mo Ka꞉lili nane hayeke da Na꞉sa꞉tete da mina꞉pa꞉laota꞉ mo Diudia nane hayeke da Beteleha꞉ma꞉ da pa꞉ta꞉ peekeme. Koto data꞉ hande kini hali Deipidi mendieke dae. Diosepeta꞉ Deipidina꞉ tapake hali hayekeeki yaalo koto da pa꞉ta꞉ peekeme.

Maka 14:67

Pidama꞉ ipika꞉ loke titipu pina꞉ pitiekeeki handaa pa wopu handolo alota꞉ Neke make mo Na꞉sa꞉tete hali Yesu ame̱le̱ haepeme leekeme.

Ma꞉tiu 13:55

Ipikita꞉ mo hande da a꞉eta꞉la꞉ halina꞉ eiyeke kutupa ipika꞉ inkikita꞉ Meti dia꞉yeke yekea. Ipikita꞉ mo hande Dia꞉mesi Diosepe Saimono Diudasi do hama̱la̱꞉ hama̱la̱꞉na꞉ hameke dia꞉yeke yekea.

Aposolo 26:9

Mo hande Na꞉sa꞉tete hali Yesuna꞉ bikina꞉ pita꞉la꞉ ekimanu sa꞉sa꞉ puluekema꞉ I̱ma꞉ta꞉ hau ma꞉nda꞉ wotu puluekema꞉ hone wopu wiaata꞉

Aposolo 3:6

Pidama꞉ alota꞉ I̱ta꞉ kolo o silipamanu make ma꞉nda꞉ dia꞉ya꞉la꞉pate I̱ma꞉ wia halo aleta꞉ kionoe. Mo Na꞉sa꞉tete hali Yesu Ketisona꞉ bikina꞉ loa꞉ma꞉ pota꞉ pue leekeme.

Aposolo 2:22

Isulai haliwekio. I̱ma꞉ do alo pi opua꞉pa꞉peke. Hande Na꞉sa꞉tete hali Yesuta꞉ iki ame̱le̱ a꞉pa hata꞉ta꞉ Koda꞉ma꞉ wele peaaso haena꞉ Yesuma꞉ na hando haloma꞉ ekimanu make wele pita꞉la꞉ ekimanu make ipikana꞉ma꞉ pitolo haena꞉ Koda꞉ma꞉ ipikita꞉ I̱ma꞉ tapaalo halie laa peneme yatiki pia꞉me. Kutupa do haumanu paeyao ika꞉ hone wilimime leekeme.

Dioni 19:19

Pailedima꞉ pi siki wape pea mo a꞉ka꞉tei wapepiki tina꞉ talaena꞉ leekeme. Koto wape pieke ekita꞉ dupae. Na꞉sa꞉tete Hali Yesuta꞉ Diu wanda꞉halina꞉ Kini halie laa wape piekeme.

Dioni 18:5

Koto leeke handa mo haliwekima꞉ ipika꞉ pi hombo peaaso alota꞉ Mo hande Na꞉sa꞉tete hali Yesu wei mea epoma꞉me lemekeme. Ipikana꞉ma꞉ alota꞉ Koto halita꞉ I̱ dota꞉ leekeme. Hande Yesu a꞉nda꞉ lombeeke hali Diudasita꞉ mo haliweki ame̱le̱ apa꞉tao hayekeme.

Dioni 6:42

Koto ekina꞉ mo wanda꞉halima꞉ alota꞉ Do halita꞉ Yesue la Diosepena꞉ eiyeke na hala꞉pe laata꞉ inkiki ateke yaapo amba꞉ handoloma꞉me. Ekipeke I̱ta꞉ oli hepeni nane hao hola꞉pa꞉niao epoa꞉me ala꞉pe lemekeme.

Luku 3:23

Yesu ipika꞉ bapita꞉ hali tieke homeke paeyao kiki yaapo bapimanu tupa꞉ yeketa꞉ ipika꞉ e kinipea pokeekeme. Mo wanda꞉halima꞉ hone witolota꞉ ipikita꞉ Diosepena꞉ eiyekee hone wimikime. Diosepe ipikita꞉ Helina꞉ eiyeke hayekeme.

Ma꞉tiu 10:3

Pilipi make Badolomiu make Tomasi make mo hande dakisi mu hayeke some Ma꞉tiu make A꞉lopia꞉sina꞉ eiyeke Dia꞉mesi make Ta꞉dia꞉si make

Luku 2:48

Ipika꞉ apa꞉ ama꞉ yaapoma꞉ta꞉ Yesu hando haota꞉ penkilipa꞉tia pomipikime. Kutupa Yesuna꞉ ama꞉ma꞉ alota꞉ Ya wekio. Ekipeke nakana꞉ma꞉ diki pa꞉ta꞉ dupiki hau pea pelepe. Neke weitolo hata꞉ naka꞉ apa꞉ dikana꞉ma꞉ pomoma꞉ wotu homopa꞉me leekeme.

Dioni 1:44

Pilipita꞉ Betesaida halie. Hande A꞉ndutu Pida yaapo haepeke da konee.

Dioni 6:5

Yesuma꞉ lekema꞉ lekema꞉ pea handaata꞉ mo wanda꞉hali paeyao epemekeeki handata꞉ Pilipi pa꞉ta꞉ alota꞉ Do wanda꞉hali paeyaota꞉ ne ana꞉na꞉ halomana꞉yeke neta꞉ hando pa꞉ta꞉ hambomana꞉pe leekeme.

Dioni 6:7

Pilipima꞉ ipika꞉ pi hombo peaaso alota꞉ Do wanda꞉hali paeyaoma꞉ ne hosikisiki kone nena꞉yeke palaowa hambaasota꞉ 200 kina kone ana꞉ na pilieke.

Dioni 12:21

Mo wanda꞉halima꞉ hande Ka꞉lili nane hayeke da Betesaida da hao epeeke hali Pilipi pa꞉ta꞉ pua alota꞉ Aneke halio. Nika꞉ honema꞉ta꞉ Yesu handulumeke hone witoloma꞉me lemekeme.

Dioni 14:8

Pilipima꞉ ipiki pa꞉ta꞉ alota꞉ Tekehalio. Naka꞉ Apa꞉ta꞉ niki pa꞉ta꞉ wala꞉e. Kutu pika꞉na꞉ta꞉ ana꞉ pilieke leekeme.

Luku 18:37

Mo wanda꞉halima꞉ alota꞉ Na꞉sa꞉tete hali Yesu yopu ala꞉me lemekeme.