Dioni 1:3 - Panake Pi La: Ula: Buka pita: Kine Pieke Buka

³ Koda꞉ma꞉ leeke handaata꞉ mo hande Pima꞉ta꞉ ala꞉ta꞉ ala꞉ta꞉ paeyao wepia wina꞉ leekepate aleta꞉ ma꞉nda꞉siki kone Koda꞉ma꞉ ipika꞉ honumake hata꞉ na wepia wina꞉ leekeme.

Dioni 1:3 Referans Kwoze

1 Kotindi 8:6

nikana꞉ma꞉ nika꞉ Koda꞉ homeke kone nika꞉ Apa꞉ hata꞉ ipikita꞉ ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ hala꞉me laata꞉ Nikita꞉ ipiki pa꞉ta꞉ ti lao haloma꞉me. Kutupa make mo Tekehali homeke homeketa꞉ Yesu Ketiso hala꞉me. Ipikana꞉ma꞉ ala꞉ta꞉ ala꞉ta꞉ paeyao wepia wina꞉ laata꞉ niki make amba꞉ da꞉taala꞉me.

Peneme Yaeyekeeki 4:11

Nika꞉ Tekehali Koda꞉o. Neke pa꞉ta꞉ta꞉ pa̱a̱ pa꞉la꞉eki make yeiya꞉ laasa꞉eki make honkopu make ana꞉na꞉ mea꞉peke ya꞉la꞉me. Pa ekipeke nakana꞉ma꞉ ala꞉ta꞉ ala꞉ta꞉ paeyao wa꞉peleme. Kutupa naka꞉ hone pi ekima꞉ta꞉ ika꞉ hapekeeki make da꞉ta꞉la꞉eki make hala꞉me laa lo halememe.

Kini Pieke 1:26

Kutupa Koda꞉ma꞉ alota꞉ Kota꞉ ameta꞉ wanda꞉halimanu wepumana꞉e laa leekeme. Ikita꞉ nikima꞉ handaa nika꞉ hau hondena꞉e laa leekeme. Ikana꞉ma꞉ta꞉ mo ta꞉pelimanu make bamanu make pona꞉la꞉ hotekemanu make tikene hala꞉ hotekemanu make tieke make hosikale sunu make paeya tapaota꞉ kilu tombuao haena꞉e laa leekeme.

Dioni 1:10

Kutupa mo hande Pita꞉ kenkena꞉ a꞉pa hayekeme. Koda꞉ma꞉ leeke handa ala꞉ta꞉ ala꞉ta꞉ paeyao ipikana꞉ma꞉ wepia wina꞉ leekepate kenke wanda꞉halima꞉ta꞉ ipiki hone na wimikime.

Epesese 3:9

Kutupa wanda꞉hali paeyaoma꞉ Koda꞉ma꞉ a꞉mbao u hayeke hone peneme yao yaalo pa꞉la꞉eki make handena꞉yeke I̱ma꞉ walo ponoyeke I̱ pa꞉ta꞉ kia꞉me. Hande ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ma꞉ta꞉ amba꞉ kiaake hatiki epemeke pa꞉ta꞉ kone ipika꞉ u hayeke hone a꞉mbao wia hao hayekeme.

Kini Pieke 1:1

Titi panake pa꞉ta꞉ Koda꞉ma꞉ kenke ya yaapo wepieke dina꞉ do kenketa꞉ homeke hau honda꞉ lupa pua aleta꞉ ma꞉nda꞉ ota꞉ na wiekeme. Kutupa mo dawalata꞉ timba꞉ kiti la꞉pa peeke alena꞉ Koda꞉na꞉ Sipitidita꞉ manda hayekeme.

Dioni 1:2

Ipikita꞉ mo kini pieke pa꞉ta꞉ kone Koda꞉ yaapo mandakena꞉ hao hayekeme.

Hibulu 11:3

Nika꞉ hone tulaasome ekima꞉ta꞉ do ya yu paeyaona꞉ ula꞉ ala꞉ta꞉ ala꞉ta꞉ paeyaota꞉ Koda꞉ ipika꞉ pima꞉ kone wepiekeme. Kutupa do nika꞉ lekema꞉ handa꞉peke ya꞉la꞉ alemanu paeyaota꞉ mo handa꞉peke na yeke yeke alemanu mea wepia wina꞉ leekeme hone witoloma꞉me.

1 Dioni 5:1

Ma꞉nda꞉ epima꞉ Yesuta꞉ Ketisoe laa hone tulaeya꞉ka꞉na꞉ta꞉ ipikita꞉ Koda꞉na꞉ eiyeke hala꞉me. Kutupa ma꞉nda꞉ epima꞉ ateke pa꞉ta꞉ pukima꞉ homea꞉ka꞉na꞉ta꞉ kota꞉ ipika꞉ eiyeke make pukima꞉ homa꞉la꞉me.

Peneme Yaeyekeeki 3:14

Mo Leiodisia siosina꞉ enisolo pa꞉ta꞉ dupa lae. Do pita꞉ mo hande ipika꞉ biki ma꞉nda꞉ taapo wiaaso hata꞉ Kutu pina꞉taa leleme somema꞉ ala꞉me. Ipikita꞉ kima꞉ na homeke ota꞉ hauna꞉ walo hala꞉ halie. Kutupa make ipikita꞉ mo hande Koda꞉ma꞉ wa꞉pa꞉la꞉ alemanu paeyaona꞉ teke somee.