Dioni 1:29 - Panake Pi La: Ula: Buka pita: Kine Pieke Buka

²⁹ Da kelepeeketa꞉ Dionima꞉ ipiki pa꞉ta꞉ Yesu epeekeeki handolo hata꞉ alota꞉ Koda꞉ ipika꞉ Sipisipi Ma꞉na꞉siki koto ipula꞉ma꞉ handa꞉pe laa ipikana꞉ma꞉ kenke wanda꞉hali paeyaona꞉ hoke hau peleme ekimanu mea pula꞉me.

Dioni 1:29 Referans Kwoze

1 Dioni 2:2

Kutupa Ketisota꞉ nika꞉ hoke hau paeyawala꞉ ekina꞉ tekee. Nika꞉ hoke hau homeke dia꞉ya꞉la꞉pate pa paeyao sikina꞉ hoke hau make loa꞉me.

1 Dioni 3:5

Ketiso opolo epeeke ekita꞉ nika꞉ hoke hau mea bawaluekema꞉ a꞉pa꞉la꞉me. Kutupa ipiki pa꞉ta꞉ta꞉ hokeeki ma꞉nda꞉ na ula꞉me laa hone wilimime.

1 Pida 1:19

Ketisona꞉ we ota꞉ seliapoma꞉ iki ka꞉la꞉pa꞉ tapaeyekeme. Ipikita꞉ hoyo ala꞉ta꞉ ma꞉nda꞉ na piki (Koda꞉ pa꞉ta꞉ lia halo haemeke) sipisipi ma꞉na꞉ ikiki leke hayekeme.

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

1 Pida 2:24

Nikana꞉ma꞉ hoke hau pa꞉ta꞉ homomono kutupa tikitiki hau pa꞉ta꞉ da꞉ta hamono Ketisoma꞉ kone ipika꞉ lokema꞉ nika꞉ hoke hau mea tia a꞉ka꞉tei wape ti manda peekeme. Ipika꞉ loke lieke ekima꞉ta꞉ iki da꞉taala꞉me.

Hibulu 1:3

Ipikita꞉ Koda꞉na꞉ pa̱a̱ tieke nikina꞉ pa̱a̱ peaasa꞉ hali hata꞉ make Koda꞉ma꞉ handeke kone make hata꞉ ipika꞉ wele wotu piki pima꞉ do kenke ya paeyao miniliao hala꞉me.

Peneme Yaeyekeeki 6:1

Kutupa mo Sipisipi Ma꞉na꞉ Ikikima꞉ mo titina꞉ watake hata꞉ tonkaake ale homeke ma꞉nda꞉ ka꞉la꞉peeke handoa꞉me. Kutupa mo deto hala꞉ tonkopu ale homeke ma꞉nda꞉na꞉ pi ho̱la̱꞉makema꞉ tutu liki nono pea alota꞉ Epoe leeki opua꞉me.

Peneme Yaeyekeeki 12:11

Ipikita꞉ nika꞉ kame tonuma꞉ mo Sipisipi Ma꞉na꞉ Ikikina꞉ wema꞉ make mo ota꞉ ekie laa waleme ekima꞉ make bepolaya꞉me. Kutupa make ikana꞉ma꞉ ika꞉ da꞉ta꞉la꞉ ekita꞉ pina꞉ pa hoeyao homa꞉la꞉ ekita꞉ pa pulumeke laa lememe.

Ka꞉leisia 3:13

Hali epima꞉ ti manda endiaeya꞉ka꞉na꞉ta꞉ kota꞉ koto halita꞉ Koda꞉na꞉ esihou pi la꞉la꞉eki oto pa꞉ta꞉ hala꞉me mo Baibolona꞉ wape pea ula꞉ tupa꞉ Ketisoma꞉ mo pi ula꞉ ekina꞉ esihou pi niki pa꞉ta꞉ a꞉paama꞉na꞉yeke ipikana꞉ma꞉ nika꞉ anketeke mieke handaata꞉ mo esihou pita꞉ ipiki pa꞉ta꞉ yapeekeme.

Dioni 1:36

Yesu yapeekeeki handaata꞉ ipikana꞉ma꞉ alota꞉ Dota꞉ Koda꞉ ipika꞉ Sipisipi Ma꞉na꞉sikie leekeme.

Peneme Yaeyekeeki 7:17

Pa ekipeke mo kini sea tukikina꞉ hala꞉ Sipisipi Ma꞉na꞉ Ikikita꞉ ika꞉ handeteke hala꞉ hali halieke. Kutupa ikita꞉ mo da꞉ta꞉la꞉eki kita꞉la꞉ tunkulu pa pitumu pitumu pa꞉la꞉ ikalimanu pa꞉ta꞉ hatuku pelieke. Kutupa Koda꞉ma꞉ ika꞉ leke pa꞉ta꞉ e̱ pankekemanu paeyao honu baalieke.

Aposolo 8:32

Mo hande halima꞉ mo Baibolo bukana꞉ yata꞉polo pitieke ekita꞉ doeki yeekeme. Ipikita꞉ sipisipi pita꞉la꞉ tupa꞉ kia kia pi na leekeme. Kutupa mo sipisipima꞉ mo itiki tunkulu hala꞉ halina꞉ leke popeleke nane a꞉pa haena꞉ kake a꞉mbaaso hata꞉ pi na la꞉lie tupa꞉ kota꞉ ipikana꞉ma꞉ ipika꞉ kake na a̱a̱ leekeme.

Peneme Yaeyekeeki 17:14

Ikana꞉ma꞉ta꞉ mo Sipisipi Ma꞉na꞉ Ikiki ame̱le̱ a꞉nda꞉ pilimikie. Pate mo Sipisipi Ma꞉na꞉ Ikikita꞉ ipika꞉ wi laa yata꞉pa꞉ ma꞉la꞉ hone tulao haleme hoki nane tolu haleme tapake ame̱le̱ hata꞉ mo tapake bepolalimikie. Pa ekipeke ipikita꞉ tekehali paeyaona꞉ Tekehali make kini paeyaona꞉ Kinie lea꞉me.

Peneme Yaeyekeeki 15:3

mo Koda꞉na꞉ e pokeeke hali Mosesina꞉ emeli make mo Sipisipi Ma꞉na꞉ Ikikina꞉ emeli make lememe. Ikana꞉ma꞉ alota꞉ Aneke Tekehali Koda꞉o. Naka꞉ pita꞉la꞉eki manuta꞉ ta꞉ta꞉ ma꞉nda꞉ peao make yole make pa꞉la꞉me. Tapake paeyaona꞉ kinio. Naka꞉ pitele haumanu paeyaota꞉ tikitiki pea ota꞉ hau manue.

Peneme Yaeyekeeki 14:1

Kutupaka꞉na꞉ handoa꞉pate mo hande Sipisipi Ma꞉na꞉ Ikikita꞉ mo ipika꞉ biki make ipika꞉ Apa꞉na꞉ biki ika꞉ wenokona꞉ laemeke 144 daoseni wanda꞉hali ame̱le̱ mo Saioni potena꞉ haememe.

Peneme Yaeyekeeki 7:14

I̱ma꞉ alota꞉ Someo. I̱ hone na ulupate nakana꞉ma꞉ta꞉ hone wilime loa꞉me. Ipikana꞉ma꞉ I̱ pa꞉ta꞉ alota꞉ Ikita꞉ mo hande ota꞉ hoke tanda pa꞉ta꞉ yama꞉ kone epeke tupa꞉ epeleme wanda꞉halie lea꞉me. Ikana꞉ma꞉ta꞉ ika꞉ aka꞉ manuta꞉ mo Sipisipi Ma꞉na꞉ Ikikina꞉ wema꞉ tanda꞉pa hake peao pelememe.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

Peneme Yaeyekeeki 19:9

Kutupa mo enisoloma꞉ I̱ pa꞉ta꞉ alota꞉ Doeki laaniae. Mo Sipisipi Ma꞉na꞉ Ikikina꞉ wanda꞉ mina꞉la꞉ ekina꞉ ne pamba꞉la꞉ pa꞉ta꞉ epoa꞉ la꞉la꞉ wanda꞉halita꞉ ta꞉na꞉ma꞉ homa꞉pee. Kutupa mo enisoloma꞉ apa꞉taaso alota꞉ Dota꞉ Koda꞉na꞉ ota꞉ pimanue lea꞉me.

Peneme Yaeyekeeki 14:10

koto someta꞉ ipika꞉ kone Koda꞉na꞉ waini ikali nelieke. Kota꞉ mo Koda꞉ma꞉ta꞉ ipika꞉ paala꞉piki mineke panka꞉la꞉ wele pa ula꞉ waini ikalita꞉ mo ipika꞉ mineke panka꞉la꞉ kapo pa꞉ta꞉ holo pambeekeeki loa꞉me. Dupilia꞉ wanda꞉hali paeyaota꞉ mo yakopiki enisolo titi make mo Sipisipi Ma꞉na꞉ Ikikina꞉ leke tomona꞉ mo ti uleke make mo titipu tiekepiki lanka꞉ma꞉ handeke ale pa꞉ta꞉ tanda no halimikie.

Peneme Yaeyekeeki 13:8

Do kenkena꞉ hala꞉ wanda꞉hali paeyaoma꞉ta꞉ mo sayale pa꞉ta꞉ panda꞉puniao yeiya꞉ laaso hata꞉ yeni pilimikie. Pate do kenke a̱i̱ na wepiki haena꞉ kone ika꞉ biki manuta꞉ mo deto hala꞉ wanda꞉halina꞉ biki ula꞉ bukana꞉ laala꞉ wanda꞉hali homeke homekema꞉ kotoeki na pilimikie. Koto biki ula꞉ bukata꞉ hande limiki Sipisipi Ma꞉na꞉ Ikikina꞉ bukae.

Dioni 3:16

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Peneme Yaeyekeeki 19:7

Koto ekina꞉ niki paeyao ta꞉na꞉ma꞉ homomana꞉e. Ipika꞉ tieke hala꞉ ekina꞉ biki mea miniliamana꞉e. Pa ekipeke mo hande Sipisipi Ma꞉na꞉ Ikikina꞉ wanda꞉ mulu pa꞉la꞉ nateta꞉ opolo a꞉pa꞉la꞉me. Ipika꞉ panake wanda꞉ta꞉ mo ekina꞉ amba꞉ tikitiki yao hala꞉me.

Peneme Yaeyekeeki 14:4

Ikita꞉ wanda꞉weki hakopu na tunkulimieki yaalo yakopiki haliweki haememe. Ikana꞉ma꞉ta꞉ mo Sipisipi Ma꞉na꞉ Ikiki pea꞉ pa꞉ta꞉ta꞉ telipaleke ombu haememe. Ikita꞉ kenke wanda꞉hali paeyao anka꞉lopuna꞉ epeaala꞉ tapakee. Ikita꞉ Koda꞉ pa꞉ta꞉ make mo Sipisipi Ma꞉na꞉ Ikiki pa꞉ta꞉ make titina꞉ halo pa꞉la꞉ tapakee.

Peneme Yaeyekeeki 5:8

Dupitolo haena꞉ta꞉ mo deto hala꞉ tonkopu ale manuma꞉ make mo hali tieke homekena꞉ tonkopu you haliweki paeyaoma꞉ mo Sipisipi Ma꞉na꞉ Ikikina꞉ puki tikitikina꞉ panda꞉puniao lopememe. Homeke homekema꞉ta꞉ mo kidama꞉ handeke ale make mo koloma꞉ wepiki ulu pa꞉ta꞉ta꞉ totopo piki alema꞉ tumbikieki wimime. Kotota꞉ mo hande Koda꞉na꞉ wanda꞉halina꞉ yeni pita꞉la꞉eki yekeme.

Peneme Yaeyekeeki 1:5

Kutupa make mo Koda꞉na꞉ pi ota꞉ tupa꞉ laasa꞉ hali mo hande homa꞉la꞉eki bepolao tiaeyeke titina꞉ hali make do kenke honiki paeyaona꞉ kini haliwekina꞉ handeteke hala꞉ hali Yesu Ketisoma꞉ make homeke hau kone pina꞉e. Ipikana꞉ma꞉ta꞉ niki pukima꞉ homo hala꞉me. Ipika꞉ a꞉ka꞉tei wape piki tina꞉ lopeeke wema꞉ta꞉ nika꞉ hoke hau pa꞉ta꞉ niki ka꞉la꞉pa꞉ tapaala꞉me.

Peneme Yaeyekeeki 21:9

Mo hande paeyaaso watake hata꞉ ke handa꞉la꞉eki manuma꞉ tumbulu baake kawaso miniki haeme hande watake hata꞉ enisolo homekema꞉ I̱ pa꞉ta꞉ a꞉pa alota꞉ I̱ma꞉ mo hande Sipisipi Ma꞉na꞉ Ikikina꞉ ma꞉la꞉ wanda꞉ walono epoe lea꞉me.

Peneme Yaeyekeeki 6:16

Mo wanda꞉halima꞉ mo potemanu make toopimanu pa꞉ta꞉ wi la꞉ moneaaso alota꞉ Mo kini seana꞉ pila꞉ halina꞉ leke popelekena꞉ make mo Sipisipi Ma꞉na꞉ Ikikina꞉ mineke panka꞉la꞉eki a꞉mbao niki manda a꞉pa lopa꞉pee.

Taitasi 2:14

Ketiso ipikita꞉ nikina꞉ homeekeme. Kutu pieke ekima꞉ta꞉ nikita꞉ mo hoke hau pa꞉ta꞉ haomeke yoka꞉ muluekema꞉ make ipika꞉ epeke hauna꞉ puawee hone pa꞉la꞉ yako piki wanda꞉hali homeke hamono yeke piekeme.

Peneme Yaeyekeeki 21:27

Pate mo ha̱i̱ piki ala꞉ta꞉ ma꞉nda꞉ koto daoni pa꞉ta꞉ na honda꞉ pambilieke. Koto tupa꞉ kone ma꞉nda꞉ epima꞉ yaala꞉piki haumanu pu o yayapiki pi lo hala꞉ some make na honda꞉ pambilieke. Mo Sipisipi Ma꞉na꞉ Ikiki ipika꞉ da꞉ta꞉la꞉ tapakena꞉ biki ula꞉ bukana꞉ biki laala꞉ wanda꞉hali homeke koto daoni pa꞉ta꞉ honda꞉ pambilimikie.

1 Dioni 4:10

Pukima꞉ homa꞉la꞉ ekita꞉ dupae. Nikana꞉ma꞉ Koda꞉ pa꞉ta꞉ pukima꞉ homomeke handa dia꞉ya꞉la꞉pate pa ipikana꞉ma꞉ niki pa꞉ta꞉ pukima꞉ homolo hata꞉ ipika꞉ weki tapaala꞉ ekima꞉ta꞉ nika꞉ hoke hau paeyao paeyawala꞉me.

1 Timodi 2:6

Ipikana꞉ma꞉ Koda꞉na꞉ la꞉ wieke nate opolo epeeketa꞉ wanda꞉hali paeyao paa hambuluekema꞉ ipiki kone haleekeme. Kutu pieke ekima꞉ walolota꞉ Koda꞉ma꞉ wanda꞉hali paeyao da꞉ta꞉la꞉eki mina꞉e laa hone pa꞉la꞉eki peneme yaala꞉me.

1 Kotindi 15:3

Mo hande pi teke tieketa꞉ I̱ma꞉ mua꞉ pi kone iki pa꞉ta꞉ la kua꞉ ekita꞉ dupae. Ketisota꞉ nika꞉ hoke hauna꞉ homeekeme. Koto mo Baibolo bukana꞉ wape pa꞉la꞉ tupa꞉ loa꞉me.

Ma꞉tiu 20:28

Pa ekipeke Wanda꞉halina꞉ Eiyeketa꞉ mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ yeke epea꞉me leekeme.

Peneme Yaeyekeeki 5:6

Kutupa mo Sipisipi Ma꞉na꞉ Ikiki homeketa꞉ mo kini sea tukikina꞉ haya꞉eki handoa꞉me. Ipikita꞉ mo deto hala꞉ ale tonkopu make mo you haliwekima꞉ make dupaememe. Mo Sipisipi Ma꞉na꞉ Ikikita꞉ limiki nono piekeme. Ipikita꞉ watake hata꞉ ekekemanu hao make watake hata꞉ lekemanu haya꞉me. Ipika꞉ leke manuta꞉ hande Koda꞉na꞉ watake hata꞉ sipitidimanu do kenke honiki paeyao pa꞉ta꞉ tapaala꞉eki yekeme.

Hibulu 9:28

Koto tupa꞉ kone Ketisoma꞉ wanda꞉hali wopuna꞉ hoke hau yokawaluekema꞉ lia we hala꞉la꞉ hoteke tupa꞉ hoto homeke homekema꞉ homeekeme. Ipikana꞉ma꞉ hoto ma꞉nda꞉ opolo epolo pa꞉la꞉ ekita꞉ wanda꞉halina꞉ hoke hau yokawaluekema꞉ dia꞉ ya꞉la꞉pate pa mo ipiki epena꞉ yuwia haleme wanda꞉hali peteluekema꞉ homeke ipilieke.

Ka꞉leisia 1:4

Ketisoma꞉ nika꞉ Apa꞉ Koda꞉na꞉ hone pa꞉la꞉ ekina꞉ ipika꞉ kakena꞉ homolo hata꞉ nika꞉ hoke hauna꞉ yenkita꞉ ipika꞉ lokema꞉ mina꞉ homeekeme. Kutu pieke ekita꞉ do hoke natena꞉ haloma꞉eki pa꞉ta꞉ niki peteluekema꞉ piekeme.

Ma꞉tiu 1:21

Mo wekita꞉ hali weki mendilieke. Kutu pia꞉ka꞉na꞉ ipika꞉ wanda꞉hali mea da꞉taalo pa꞉la꞉ ekina꞉ yeketa꞉ ipika꞉ biki Yesue lelipipikie leekeme.

Peneme Yaeyekeeki 21:14

Mo daonina꞉ papeta꞉ kiki yaapona꞉ ankena꞉ yaapo pinki nonopiki toopi oto tiekena꞉ noko peekeme. Koto toopi manuna꞉ta꞉ mo Sipisipi Ma꞉na꞉ Ikikina꞉ aposolo hali kiki yaapona꞉ ankena꞉ yaapona꞉ biki laeya꞉me.

Hibulu 2:17

Koto hau puluekema꞉ta꞉ ipikana꞉ma꞉ mo ipika꞉ hau paeyaoma꞉ta꞉ ota꞉ ipika꞉ hameke tonu leke hayekeme. Iki pa꞉ta꞉ a꞉ta꞉ma꞉ homolo hata꞉ pea꞉peke hau ma꞉nda꞉ na mina꞉pa꞉lake Koda꞉ pa꞉ta꞉ ika꞉ yeni peao hala꞉ hali haluekema꞉ kutu piekeme. Wanda꞉hali ika꞉ hoke haumanu paeyawaena꞉ Yesuma꞉ hambaasota꞉ kutu piekeme.

Dioni 1:35

Da kelepeeketa꞉ Dioni make ipika꞉ disaipolo hali yaapo make koto pa꞉ta꞉ paa a꞉pa hata꞉ta꞉

Dioni 1:43

Da kelepeeketa꞉ Yesuta꞉ Ka꞉lili nane polueke hone wiekeme. Ipikana꞉ma꞉ Pilipi handa꞉ wia ipiki pa꞉ta꞉ alota꞉ Dika꞉ pana꞉ epoe leekeme.

Dioni 2:1

Nate yaapo paeyeketa꞉ mo Ka꞉lili nane hayeke da Keina da pa꞉ta꞉ta꞉ hali homekema꞉ wanda꞉ miekeme. Kutupa Yesuna꞉ inkiki make koto pa꞉ta꞉ hayekeme.

Dioni 4:42

Ameta꞉ ipiki pa꞉ta꞉ hone tulaasoma꞉ ekita꞉ nakana꞉ma꞉ lele ekina꞉ hone na tulaake nikana꞉ma꞉ kone ipika꞉ pi opuaata꞉ ipikita꞉ kenke wanda꞉hali hande mea Da꞉taasa꞉ Hali ota꞉ hala꞉me hone witoloma꞉me lemekeme.

Dioni 6:51

Oli hepeni nane hao hola꞉pa꞉niao a꞉pa꞉la꞉ da꞉ta꞉la꞉ palaowata꞉ I̱e leekeme. Hali epima꞉ do palaowa nea꞉ka꞉na꞉ta꞉ da꞉ta hao halieke. Kutupa mo hali pa꞉ta꞉ I̱ma꞉ halo polo palaowata꞉ yaka loke mindiki kone halueke. Kenke wanda꞉hali paeyaoma꞉ da꞉ta꞉la꞉eki mina꞉yeke yaka loke mindiki halueke leekeme.