Dioni 1:27 - Panake Pi La: Ula: Buka pita: Kine Pieke Buka

²⁷ Koto halita꞉ ya hoki nane ipula꞉pate ipika꞉ anke dake limbiti pa꞉la꞉ pu I̱ma꞉ ka꞉la꞉papeke ana꞉ na pa꞉la꞉me leekeme.

Dioni 1:27 Referans Kwoze

Dioni 1:30

Hande loa꞉ ale hali ma꞉nda꞉ yaka hoki nane ipiliepate I̱ na mendiki haena꞉ kone ipikita꞉ amba꞉ hao hayeke ekima꞉ I̱ ankulala꞉me loa꞉me laata꞉

Luku 3:16

Koto ekina꞉ Dionima꞉ iki pa꞉ta꞉ alota꞉ I̱ma꞉ ikita꞉ ikalima꞉ bapitaisi peao halopate hali ma꞉nda꞉ wetepena꞉ ipilia꞉ halita꞉ ota꞉ honkopu wotu hala꞉me. I̱ta꞉ ipiki yaapo ana꞉ pea꞉peke na ya꞉la꞉me. Ipika꞉ anke dake holaapeke make I̱ta꞉ ana꞉ na pa꞉la꞉me leekeme. Ipikana꞉ma꞉ ikita꞉ Holi Sipitidi pita꞉ ti uleke yaapoma꞉ bapitaisi pealieke leekeme.

Maka 1:7

Ipikana꞉ma꞉ pi walolo hata꞉ dupa leekeme. Ya hoki nane ipilia꞉ halita꞉ I̱ halo tupa꞉ na hala꞉ hali ipilieke. Ipikita꞉ hali tieke ipilieke. I̱ta꞉ ipiki pa꞉la꞉ tupa꞉ epeke hali dia꞉me. I̱ma꞉ panda꞉puniao ipika꞉ anke dake pu ka꞉la꞉papeketa꞉ ana꞉ na pa꞉la꞉me laata꞉

Ma꞉tiu 3:11

I̱ma꞉ta꞉ ika꞉ hoke haumanu mina꞉pa꞉laemekeeki peneme yaaluekema꞉ ikalima꞉ bapitaisi peaowalopate mo ya hoki nane ipilia꞉ halima꞉ta꞉ mo Holi Sipitidi pita꞉ ti tala꞉eki yaapoma꞉ iki bapitaisi pealieke. Mo someta꞉ I̱ ota꞉ lombeipiki some halekena꞉ ipika꞉ anke dake kone I̱ma꞉ mea tiaapeke ana꞉ na pa꞉la꞉me.

Dioni 1:15

Dionima꞉ Yesu hala꞉eki niki pa꞉ta꞉ la kuluekema꞉ wi la alota꞉ I̱ma꞉ amba꞉ hande lo haowa꞉ ekita꞉ dupae. Ya hoki nane ipilie halita꞉ I̱ na mendiki haena꞉ kone ipiki amba꞉la hao hayeke ekima꞉ I̱ ankulala꞉me. Kutupa hande lo haowa꞉ ekita꞉ ameta꞉ do hali pa꞉ta꞉ loa꞉me.

Aposolo 19:4

Kutupa Poloma꞉ alota꞉ Dionima꞉ wanda꞉halima꞉ hone ma꞉nda꞉ la꞉ka꞉la mina witolo haena꞉ bapitaisi peao hayekepate wanda꞉hali pa꞉ta꞉ alota꞉ Ya hoki nane ipilie halina꞉ pi mea꞉pa꞉peke laa la꞉la꞉me leekeme. Koto ekita꞉ Yesu pa꞉ta꞉ la꞉la꞉me leekeme.

Kini Pieke 14:23

I̱ma꞉ta꞉ neke pepeleke ala꞉ta꞉ ma꞉nda꞉ siki make ota꞉ na wia halueke laata꞉ Ota꞉ mo kodoni pu kone o anke dake pu tunkuliki kone loa꞉me. Kota꞉ mo nakana꞉ma꞉ alota꞉ I̱ma꞉ Eipola꞉ma꞉ mea hamoko yawa꞉ma꞉ pi na loelena꞉ loa꞉me.

Dioni 10:41

Wanda꞉hali wopuma꞉ ipiki pa꞉ta꞉ pua mombolo hata꞉ alota꞉ Dionima꞉ wele wotu pita꞉la꞉eki wopu na piekepate ipikana꞉ma꞉ do hali pa꞉ta꞉ leeke pi paeyao amba꞉ yaala꞉me lemekeme.

Aposolo 13:25

Kutupa Dionima꞉ ipika꞉ e poko paeyaaluekema꞉ hata꞉ wanda꞉hali pa꞉ta꞉ alota꞉ Ika꞉ honema꞉ I̱ halo ekita꞉ epi hone witelemepe. Ikana꞉ma꞉ yu wia haleme halita꞉ I̱ dia꞉ya꞉la꞉pate handa꞉pe. Yaka hoki nane ipula꞉me. Koto ipula꞉ halina꞉ anke daketa꞉ I̱ma꞉ holawaapeketa꞉ ana꞉ na pa꞉la꞉me laa leekeme.