Dioni 1:17 - Panake Pi La: Ula: Buka pita: Kine Pieke Buka

¹⁷ Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Dioni 1:17 Referans Kwoze

Loma꞉ 6:14

Hande Lo Pi manuna꞉ dupa꞉pe laa wala꞉la꞉eki ika꞉ wenoko tikitikina꞉ na mea wikita꞉ hande Koda꞉na꞉ pa a꞉ta꞉ma꞉ homa꞉la꞉eki homeke ika꞉ wenoko tikitikina꞉ mea wina꞉ aleme ekina꞉ kota꞉ hoke hau pita꞉la꞉ ekima꞉ iki paa a꞉nda꞉ na lu tombuaena꞉ lapa꞉pekema.

Dioni 14:6

Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Hibulu 9:22

Ota꞉ alome. Mo pi ula꞉ bukama꞉ la꞉la꞉ tupa꞉ta꞉ mo we homekema꞉ ala꞉ta꞉ ala꞉ta꞉ paeyao yako peaasa꞉me. Kutaa make we na lombea꞉ka꞉na꞉ta꞉ hoke hau paeyaapeke na yelieke.

Dioni 8:32

ota꞉ hau pita꞉la꞉eki handilimikie. Kutupa mo ota꞉ hau pita꞉la꞉ ekima꞉ iki ka꞉la꞉pa꞉ tapao hamina꞉ lelieke.

Dioni 7:19

Hande Lo Pi manuta꞉ Mosesima꞉ iki pa꞉ta꞉ na ka꞉la꞉pe. Koto pa꞉la꞉pate iki pa꞉ta꞉ hali homeke a꞉nda꞉ma꞉ hande Lo Pimanu na opitolo pita꞉la꞉me. I̱ lia homaaluekema꞉ ekipeke pitelemepe.

Aposolo 28:23

Kutupa nate wiata꞉ ipika꞉ haya꞉ da pa꞉ta꞉ haliweki wopu pua mombelememe. Kutupa Poloma꞉ mo haliweki pa꞉ta꞉ mo hande Koda꞉na꞉ Kilu Tombuao Hala꞉ pimanu walo haya꞉eki da ka꞉la꞉paaso la pua timba꞉ laeya꞉me. Yesuna꞉ pi opua mina꞉yeke ipikana꞉ma꞉ hande Mosesina꞉ wape pa꞉la꞉ Lo Pimanu make mo potopede haliwekina꞉ wape pelemeeki pa꞉ta꞉ make laa walea꞉me.

Kini Pieke 22:18

Mo nakana꞉ma꞉ yaka pi opele ekina꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ yama꞉ta꞉ mo tutu paeyao sikita꞉ epeaasa꞉eki mina꞉ lolueke leekeme.

Ka꞉leisia 3:17

I̱ma꞉ do alo pina꞉ teketa꞉ Koda꞉ma꞉ Eipoloha꞉ma꞉ yaapo homeke hone witolo hata꞉ ota꞉ handeteke halueke laa Eipoloha꞉ma꞉ pa꞉ta꞉ pi la꞉ wiekeme. Koto ekina꞉ mo hande 430 bapi wetepeta꞉ Koda꞉ma꞉ Mosesi pa꞉ta꞉ haleeke pi ula꞉eki manuma꞉ mo amba꞉ Eipoloha꞉ma꞉ pa꞉ta꞉ la꞉ wieke pita꞉ ota꞉ na yambolo na paeyao pea꞉peke yeekeme.

Aposolo 7:38

Ipiki make mo Isulai wanda꞉hali ame̱le̱ mo hapu hayeke alena꞉ momba꞉la haemekeme. Ipikita꞉ nika꞉ apa꞉mei ameda ame̱le̱ koto pa꞉ta꞉ hayeke halie. Mo Sainai Pote pa꞉ta꞉ hande ipiki pa꞉ta꞉ pi leeke enisolo yaapo hayeke halie. Koda꞉ma꞉ ipika꞉ da꞉ta꞉la꞉ pi niki pa꞉ta꞉ la kina꞉yeke Koda꞉ma꞉ ipiki pa꞉ta꞉ la haleekeme.

Dioni 5:45

I̱ma꞉ iki yaka Apa꞉ pa꞉ta꞉ samani pulueke hone na wia꞉pa꞉peke. Hande ika꞉ hone tulaaleme hali Mosesita꞉ ipikana꞉ma꞉ kone iki samani pilieke.

Kini Pieke 3:15

Kutupa I̱ma꞉ neketa꞉ mo wanda꞉ yaapo a꞉nda꞉ tunkula꞉ alu peao ipika꞉ monduma꞉ monduma꞉ pilia꞉ wekiwandikima꞉ make naka꞉ ekima꞉ make a꞉nda꞉ tunkula꞉ alu alu pu haena꞉ lolueke. Ipikana꞉ma꞉ naka꞉ you da꞉ka꞉pa꞉ tombuaeya꞉ka꞉na꞉ta꞉ nakana꞉ma꞉ ipika꞉ anke kinuku handulu nelipikie leekeme.

2 Kotindi 1:20

Pa ekipeke Koda꞉na꞉ pi la꞉ ula꞉ ekimanu paeyaota꞉ ipiki pa꞉ta꞉ yama꞉ Aowe la꞉la꞉me. Koto ekina꞉ta꞉ Koda꞉na꞉ biki tieke wina꞉ loluekema꞉ta꞉ nika꞉ Kutu pina꞉e. Keiyae pita꞉ Yesu Ketiso pa꞉ta꞉ yama꞉ aloma꞉me.

Dioni 9:29

Koda꞉ma꞉ Mosesi pa꞉ta꞉ la꞉la꞉ ekita꞉ nikana꞉ma꞉ hone uluma꞉pate koto hande halita꞉ hando pa꞉ta꞉ hao a꞉pa pa꞉la꞉pe. Niki na handoloma꞉me laa lemekeme.

Dioni 18:37

Koto leeke ekina꞉ Pailedima꞉ ipiki lota꞉ pitolo alota꞉ Kota꞉ neketa꞉ kini hali ya꞉ka꞉ta꞉pe leekeme. Yesuma꞉ ipika꞉ pi hombo peaaso alota꞉ I̱ pa꞉ta꞉ kini halie ale ekita꞉ naka꞉ alee. I̱ta꞉ hau homeke puluekema꞉ epoa꞉me. Mo ota꞉ pi waluekema꞉ loa꞉me. Kutu pionoyeke yaka ama꞉ma꞉ I̱ mendieke do kenkena꞉ epoa꞉me. Kutupa mo ota꞉ pi opuluekema꞉ katake na a꞉mba haleme wanda꞉halima꞉ I̱ma꞉ pi alo ekita꞉ opu halememe.