Dia꞉mesi 5:6 - Panake Pi La: Ula: Buka pita: Kine Pieke Buka

⁶ Mo handeeki a꞉nda꞉ na pa꞉la꞉ halima꞉ta꞉ iki pa꞉ta꞉ a꞉nda꞉ na pita꞉la꞉pate ikana꞉ma꞉ amba꞉ pi yokaalu pea lilimime.

Dia꞉mesi 5:6 Referans Kwoze

Dia꞉mesi 4:2

Ala꞉ta꞉ ala꞉ta꞉ muluekema꞉ ika꞉ hone pa꞉la꞉pateta꞉ mea꞉peke na yolo hata꞉ hali luekema꞉ taapeleme. Kutupa make ala꞉ta꞉ ala꞉ta꞉ meawee laa honema꞉ pitelemepateta꞉ mea꞉peke na yolo hata꞉ ape la a꞉nda꞉ pitelememe. Koto ekina꞉ ikana꞉ma꞉ Koda꞉ pa꞉ta꞉ honke na alemeke handa na minelememe.

Aposolo 8:32

Mo hande halima꞉ mo Baibolo bukana꞉ yata꞉polo pitieke ekita꞉ doeki yeekeme. Ipikita꞉ sipisipi pita꞉la꞉ tupa꞉ kia kia pi na leekeme. Kutupa mo sipisipima꞉ mo itiki tunkulu hala꞉ halina꞉ leke popeleke nane a꞉pa haena꞉ kake a꞉mbaaso hata꞉ pi na la꞉lie tupa꞉ kota꞉ ipikana꞉ma꞉ ipika꞉ kake na a̱a̱ leekeme.

Ma꞉tiu 5:39

Pate ame I̱ma꞉ iki pa꞉ta꞉ la kitolo ekita꞉ dupa. Ma꞉nda꞉ma꞉ neke tekipuleke laeya꞉ka꞉na꞉ta꞉ nakana꞉ma꞉ hombo na peapeke. Hali ma꞉nda꞉ma꞉ naka꞉ popeke nanema꞉ pakena꞉ dakapoma꞉ lia꞉ka꞉na꞉ta꞉ kota꞉ mo hoe nane pakena꞉ make lina꞉ la꞉ka꞉lapeke.

Hibulu 10:38

Koto yu wia halo pita꞉ma꞉ta꞉ ma꞉nda꞉ epi ota꞉ tikitiki yao hala꞉ halita꞉ ipika꞉ hone tulaala꞉ ekima꞉ pa hao haena꞉ lelieke. Kutu pilia꞉pate pa hali homeke ma꞉nda꞉ma꞉ yola꞉ pambea꞉ka꞉na꞉ta꞉ kota꞉ ipiki pa꞉ta꞉ ta꞉na꞉ma꞉ na homolueke la꞉la꞉me.

Aposolo 22:14

Kutupa ipikana꞉ma꞉ alota꞉ Nika꞉ apa꞉meina꞉ Koda꞉ma꞉ta꞉ neketa꞉ ipika꞉ hone pa꞉la꞉eki handoelena꞉ make ipika꞉ Tikitikina꞉ hala꞉ hali handolo hata꞉ ipika꞉ kakema꞉ la꞉niaeya꞉ pi ho̱la̱꞉make opuelena꞉yeke neke ma̱leke lila꞉me.

Dia꞉mesi 2:6

Kutu piliepate ikana꞉ma꞉ta꞉ hande natehali wanda꞉hali yaala꞉ma꞉ homaememe. Mandane haliweki epi amedama꞉ iki ka꞉nda꞉ma꞉ homao halemepe o pi yokaalu puluekema꞉ iki yola꞉ mea pu halemepe. Hande hamoko haliwekima꞉ koto hau pu haleme ekina꞉ loa꞉me.

Aposolo 7:52

Ika꞉ apa꞉mei amedama꞉ta꞉ potopede hali homeke pa꞉ta꞉ kone tanda na halemekepe. Hande Koda꞉ ipika꞉ tikitiki yao hala꞉ e pokaasa꞉ Hali epolo piekeeki la haleeke haliwekita꞉ Koda꞉ma꞉ tapaeyeke haliweki kone ika꞉ apa꞉mei amedama꞉ limikime. Ame make ikana꞉ma꞉ koto Hali a꞉nda꞉ lomba limime.

Ma꞉tiu 27:20

Mo yeni peao haemeke you haliweki pita꞉ tondiki haliweki ikana꞉ma꞉ wanda꞉halima꞉ Pailedi pa꞉ta꞉ honke alo hata꞉ Batabasita꞉ tapaaso hata꞉ Yesuta꞉ lina꞉e lena꞉ ika꞉ hone u tiao haemekeme.

Ma꞉tiu 21:38

Kutu piekepate mo hande e handeteke haemeke haliwekima꞉ mo hande teke halima꞉ tapaeyeke weki epeekeeki handaata꞉ kota꞉ ikana꞉ma꞉ ika꞉ hone lombolo hata꞉ alota꞉ Hande e tekehali ipika꞉ anketeke mulu pa꞉la꞉ wekita꞉ koto ipula꞉ma꞉ ota꞉ lumana꞉e la alota꞉ Luma꞉ka꞉na꞉ta꞉ mo eta꞉ kota꞉ ota꞉ nika꞉ e wilieke lemekeme.

1 Pida 4:18

Kota꞉ mo Baiboloma꞉ alota꞉ Epeke hau pu haleme wanda꞉hali peteluekema꞉ ka꞉nda꞉ pia꞉ka꞉na꞉ta꞉ kota꞉ mo Koda꞉ hone na wiki hoke hau pu haleme wanda꞉hali pa꞉ta꞉ta꞉ eki hau pealia꞉pe.