Dia꞉mesi 2:1 - Panake Pi La: Ula: Buka pita: Kine Pieke Buka

¹ Ya kametitio. Hande pa̱a̱ pa꞉la꞉ Tekehalita꞉ nika꞉ Tekehali Yesu Ketiso pa꞉ta꞉ hone tulao hata꞉ wanda꞉hali pa꞉ta꞉ honditi na pea꞉pa꞉peke.

Dia꞉mesi 2:1 Referans Kwoze

Dia꞉mesi 2:9

Kutu pilimipateta꞉ wanda꞉hali pa꞉ta꞉ honditi pimika꞉na꞉ta꞉ kotota꞉ hoke hau pilimikie. Kutu pimika꞉na꞉ta꞉ ikita꞉ mo hande Lo Pi manuna꞉ ula꞉eki yambilimikie.

Dia꞉mesi 3:17

Kutu pita꞉la꞉pateta꞉ oli ya nanema꞉ ipula꞉ hone epekeeki dupae. Titina꞉ amba꞉la kipabaake hone wita꞉la꞉ekie. Kutupa make puki lopa꞉niao pila꞉eki make yopu hala꞉eki make homu pea hala꞉eki make a꞉ta꞉ma꞉ wopu homolo hata꞉ epeke haumanu pita꞉la꞉eki make paeyao ya nanema꞉ ipula꞉pateta꞉ honditi pita꞉la꞉eki make yayapiki hau pita꞉la꞉eki make apa꞉tao na ipula꞉me.

Dia꞉mesi 2:3

ikana꞉ma꞉ mo epeke dau pambaala꞉ hali pa꞉ta꞉ ta꞉na꞉ma꞉ homolo hata꞉ Neke do sea seliapona꞉ a꞉pa pitie laata꞉ Kutupa mo hande natehali hali pa꞉ta꞉ta꞉ Neketa꞉ pa tiao hae o I̱ pilu sea anke teke pa꞉ta꞉ pukuna꞉ pitie laa lemeka꞉na꞉ta꞉

Diudi 1:16

Do wanda꞉halita꞉ hoto paeyao hambilikima꞉ hambilikima꞉ pea ma꞉nda꞉ la꞉mea tiao halememe. Kutupa ikana꞉ma꞉ta꞉ ika꞉ lokena꞉ hone pa꞉la꞉ ekimanu tolu hata꞉ ika꞉ kone hakoko lu halememe. Kutupa ika꞉ pota꞉ pilaluekema꞉ ma꞉nda꞉ pa꞉ta꞉ pukineke pimanu lo halememe.

1 Timodi 5:21

Mo Koda꞉ make Ketiso Yesu make mo ma̱leke lila꞉ enisolomanu make iki paeyaona꞉ leke potopoto hata꞉ I̱ma꞉ neke pa꞉ta꞉ la꞉ witolo pita꞉ dupa alome. Nakana꞉ma꞉ homeke pa꞉ta꞉ homeke puki wita꞉la꞉ hau na pu make mandane tapake homeke na petolo pikita꞉ do ya pea꞉peke alo ekita꞉ ota꞉ paeyao pa꞉ta꞉ hone witolo hata꞉ pea꞉peke.

Ma꞉tiu 22:16

Mo hone pambao wimiki lota꞉ pita꞉la꞉ pi manuma꞉ ipiki tamuluekema꞉ ika꞉ disaipolo haliweki make Hetodi ame̱le̱ ta꞉ma꞉ni pieke haliweki make Yesu pa꞉ta꞉ tapaemekeme. Koto haliweki a꞉pa ipiki pa꞉ta꞉ alota꞉ Wala꞉la꞉ Halio. Neketa꞉ ota꞉ pimanu lo hala꞉ halie. Kutaa nakana꞉ma꞉ wanda꞉hali pa꞉ta꞉ hone ma꞉nda꞉ ma꞉nda꞉ na u hake iki paeyao pa꞉ta꞉ mandake hau piki wanda꞉halie laaka꞉na꞉ Koda꞉na꞉ ota꞉ hau pita꞉la꞉ pi homeke walo haleme la alota꞉

1 Kotindi 2:8

Do kenke kilu tombuao haleme haliwekima꞉ta꞉ do hone wotu wita꞉la꞉ ekita꞉ na handemekeme. Handemeka꞉na꞉ yoluta꞉ hande pa̱a̱ piki Tekehalita꞉ mo a꞉ka꞉tei wape piki tina꞉ na endiaalo pimime.

Peneme Yaeyekeeki 14:12

Koto ya꞉leke handaa mo Koda꞉na꞉ pi ula꞉ ekimanu opua Yesu pa꞉ta꞉ kima꞉ na homeke hone tulao hala꞉ wanda꞉hali lopaama꞉na꞉yeke ika꞉ pa pina꞉e laa yu wia hala꞉ ekita꞉ ana꞉na꞉ pilieke.

Taitasi 2:13

mo hande ota꞉ ipilie nate opolo epena꞉e laa hone tulaasa꞉ hata꞉ yu wia haloma꞉me. Koto epolo pa꞉la꞉ nateta꞉ mo nika꞉ Koda꞉ tieke make da꞉taala꞉ hali Yesu Ketiso make ipilika꞉ pa̱a̱ tieke peneme yaasa꞉eki opolo ipilieke.

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

2 Pida 1:1

I̱ta꞉ Saimono Pida mo hande Yesu Ketisona꞉ e pokaasa꞉ make aposolo halima꞉ loa꞉me. Mo hande niki da꞉taasa꞉ Koda꞉ Yesu Ketisona꞉ tikitiki hau pita꞉la꞉eki pa꞉ta꞉ yama꞉ hone tulaala꞉eki hala꞉la꞉ ekita꞉ nika꞉ hande ota꞉ seliapo piki ekima꞉ handekeeki meleme wanda꞉hali pa꞉ta꞉ do tameiya꞉ tapaasome.

Taitasi 1:1

I̱ta꞉ Poloma꞉ Koda꞉na꞉ e pokaasa꞉ hali hata꞉ make Yesu Ketisona꞉ aposolo hali hata꞉ make do wape wapitolome. I̱ta꞉ mo Koda꞉ma꞉ ma̱leke lila꞉ wanda꞉halina꞉ hone tulalemeeki daeyaena꞉ lono ipikana꞉ma꞉ I̱ mea tapaeya꞉me. Kuta make ika꞉ pi miniki haasa꞉ hauna꞉ ota꞉ pita꞉ miniki haena꞉ walonoyeke I̱ tapaeya꞉me.

1 Timodi 1:19

Kutupa naka꞉ hone tulaleeki wopu miniki hata꞉ naka꞉ hone tekemanu ha̱i̱ peaapa꞉na꞉ wopu handeteke hapeke. Mandane haliwekima꞉ta꞉ ika꞉ hone tekemanu pendulu baemeke handaata꞉ ika꞉ hone tulaaseme ekita꞉ mo hande sisima kawasota꞉ toopina꞉ tulaaso yambolo hoeta꞉la꞉ tupa꞉ ika꞉ hone tulaasemeeki make koto tupa꞉ kone ota꞉ hoeyaasememe.

Kolosi 1:4

Pa ekipeke. Ikana꞉ma꞉ Yesu Ketiso pa꞉ta꞉ hone tulalemeeki make mo Koda꞉na꞉ wanda꞉hali paeyao pa꞉ta꞉ pukima꞉ homo halemeeki opu hao loma꞉me.

Hibulu 1:3

Ipikita꞉ Koda꞉na꞉ pa̱a̱ tieke nikina꞉ pa̱a̱ peaasa꞉ hali hata꞉ make Koda꞉ma꞉ handeke kone make hata꞉ ipika꞉ wele wotu piki pima꞉ do kenke ya paeyao miniliao hala꞉me.

Loma꞉ 1:11

Iki handuluekema꞉ I̱ma꞉ hone wotu pa꞉la꞉me. Mo hande Holi Sipitidina꞉ epeaasa꞉eki ma꞉nda꞉ iki pa꞉ta꞉ teli teli pealuekema꞉ ika꞉ puki taka꞉lao hamina꞉yeke loa꞉me.

Aposolo 24:24

Hoto mandane ekimanu haota꞉ Pilikisi ipika꞉ wanda꞉ Datusila yaapo epepekeme. Datusilata꞉ Diu tapake wanda꞉e. Pilikisima꞉ta꞉ Polo a꞉pa ipiki pa꞉ta꞉ pi lena꞉yeke epoe laa la꞉moneaeyekeme. Poloma꞉ta꞉ Yesu Ketiso pa꞉ta꞉ hone tulaasa꞉ pi teke la halolo hata꞉ta꞉

Aposolo 7:2

Sidipenima꞉ ipika꞉ pi hombo peaaso alota꞉ Ya kame apa꞉manuo. I̱ma꞉ alo pi opua꞉pe. Nika꞉ tapake kini pa꞉la꞉ hali Eipoloha꞉ma꞉ta꞉ Hatani nane a̱i̱ na halo peeke pita꞉ mo Mesopoteimia nane pa haena꞉ta꞉ mo hande manda hata꞉ pa̱a̱ peao hala꞉ Koda꞉ta꞉ ipiki pa꞉ta꞉ peneme yao a꞉pa hayekeme.

Aposolo 10:34

Kutupa Pidama꞉ alota꞉ Ameta꞉ ota꞉ handolome. Koda꞉ma꞉ wanda꞉hali paeyao pa꞉ta꞉ hone ta꞉ta꞉ ta꞉ta꞉ na wiki homeke hone wita꞉la꞉eki handolome leekeme.

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.

Dia꞉mesi 1:16

Ota꞉ ya kametitio. Yayapikieki na opua꞉pa꞉peke.

Dia꞉mesi 1:19

Ota꞉ ya kametitio. Do pimanu hone wipe. Iki paeyao pi opuluekema꞉ tikitiki yao hapeke ya꞉la꞉pate pa pi pi a̱i̱ na leke make mineke a̱i̱ na panka꞉pa꞉peke. Do alo pi manuta꞉ do ekina꞉yeke loa꞉me.