Dia꞉mesi 1:19 - Panake Pi La: Ula: Buka pita: Kine Pieke Buka

¹⁹ Ota꞉ ya kametitio. Do pimanu hone wipe. Iki paeyao pi opuluekema꞉ tikitiki yao hapeke ya꞉la꞉pate pa pi pi a̱i̱ na leke make mineke a̱i̱ na panka꞉pa꞉peke. Do alo pi manuta꞉ do ekina꞉yeke loa꞉me.

Dia꞉mesi 1:19 Referans Kwoze

Epesese 4:26

Kutupa make mineke pankemeka꞉na꞉ta꞉ kota꞉ pa hoke hau pilimina꞉ yopu handeteke hapa꞉peke. Nate pambolo haena꞉ mineke panka꞉la꞉eki na pitina꞉ lapa꞉peke.

Kolosi 3:8

Kutu pu haemepate ameta꞉ dupiki haumanu paeyao mea baapa꞉peke. Mineke panka꞉la꞉eki make titipu a꞉meinolo mineke panka꞉la꞉eki make honema꞉ yawa꞉la꞉eki make loa꞉me. Kutupa yala꞉ peake pimanu make kake na miniki pimanu make ika꞉ kake pa꞉ta꞉ ota꞉ na lapa꞉peke.

Epesese 4:31

Ikana꞉ma꞉ honema꞉ yawa꞉la꞉eki make titipu pikieki kuta kone a꞉mina꞉la꞉eki make mineke panka꞉la꞉eki make tandapiki pi alemeeki make pi la la pitelemeeki make do hande hoke hone witeleme ekimanu paeyo baota꞉

Kolosi 3:15

Kutupa Ketisoma꞉ kita꞉la꞉ puki lopa꞉niaasa꞉ ekima꞉ta꞉ ika꞉ wepilimi pimanu handeteke haena꞉ pita꞉la꞉me. Do puki lopa꞉niaasa꞉eki muemena꞉ yeke Koda꞉ma꞉ iki homeke loke apa꞉taemena꞉ wi la꞉la꞉me. Kutupa keiyae lo hapa꞉peke.

Ma꞉tiu 5:22

Pa ameta꞉ I̱ma꞉ iki pa꞉ta꞉ alota꞉ Epima꞉ ipika꞉ yankeke pa꞉ta꞉ mineke pankea꞉ka꞉na꞉ta꞉ kota꞉ ipikita꞉ pi yokaaluna꞉ mea haena꞉ lelieke. Kutupa hali ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ I̱ma꞉ dopi taapeke ekie lea꞉ka꞉na꞉ta꞉ kota꞉ koto someta꞉ Ka̱le̱sete tieke pa꞉ta꞉ mea haena꞉ lelieke. Kutaa make ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ you hoke hone wopu na wiki someo lea꞉ka꞉na꞉ta꞉ kota꞉ koto someta꞉ ti to hala꞉ pa꞉ta꞉ pua꞉peke ya꞉la꞉eki teke pa꞉ta꞉ hala꞉me.

Dia꞉mesi 1:26

Kutupa hali epima꞉ I̱ta꞉ ota꞉ Ketiso halie la ala꞉pate ipika꞉ kekeke na handeteke haya꞉ka꞉na꞉ta꞉ kota꞉ koto halita꞉ ipika꞉ kone makeao hao ipika꞉ Ketiso hala꞉ ekita꞉ ota꞉eki dia꞉me paekie.

1 Desalonaika 2:13

Ikana꞉ma꞉ pimi hau ma꞉nda꞉ make nikana꞉ma꞉ Koda꞉ pa꞉ta꞉ keiyae pi la꞉tiki pu haloma꞉me. Kota꞉ hande nikana꞉ma꞉ iki pa꞉ta꞉ Koda꞉na꞉ pi mea epoma꞉ pita꞉ta꞉ ikana꞉ma꞉ kenke halina꞉ pi leke na opimikipate ota꞉ Koda꞉na꞉ pi kone opua mimime. Kotota꞉ ota꞉ koto lataa. Pa ekipeke Koda꞉ma꞉ iki hone tulaaleme wanda꞉hali pa꞉ta꞉ ipika꞉ e wopu poka꞉la꞉ ekina꞉ loa꞉me.

Aposolo 17:11

Mo da Diu haliwekima꞉ Desalonaika Diu haliwekima꞉ pimiki hau na piki pa epeke tupa꞉ hata꞉ homu pea mo hande pi opuaata꞉ Ota꞉ekipe la handuluekema꞉ mo Baibolo buka pa꞉ta꞉ yata꞉pa nate paeyao weiya꞉tiki pimikime.

Luku 19:48

Kutu pimikipate ikana꞉ma꞉ pota꞉ ma꞉nda꞉ na handa꞉ wimikime. Pa ekipeke. Wanda꞉hali paeyaoma꞉ ipika꞉ pi pa oputia pulu hata꞉ ipika꞉ pi ma꞉nda꞉ hosiki siki make mina꞉pa꞉laluekema꞉ na taapemekeme.

Maka 2:2

Kotoeki opua wanda꞉hali wopu pua mombola tumbulu baemeke handaa da pa꞉ta꞉ waleke na wiekeme. Pota꞉ kake pa꞉ta꞉ make waleke na wiekeme.

Aposolo 10:33

Koto ekina꞉ koto kone neke handa꞉ mulu pimi haliweki tapaowa꞉me leekeme. Kutupa epeke epeme leekeme. Ameta꞉ Tekehalima꞉ neke pa꞉ta꞉ dupa lapeke lea꞉ pimanu paeyao opoluekema꞉ do a꞉pa Koda꞉ pa꞉ta꞉ momba꞉la haloma꞉me leekeme.

Aposolo 2:42

Mo wanda꞉halima꞉ta꞉ hande aposolo haliwekima꞉ waleme pimanu opua꞉tiki peaata꞉ Ketiso wanda꞉hali ame̱le̱ momba꞉la꞉tiki peaata꞉ yeni pea ne na꞉tiki pimikime.

Luku 15:1

Nate ma꞉nda꞉na꞉ mo hande dakisi mani mu haemeke haliweki make mo hoke haliweki make paeyaoma꞉ Yesuma꞉ leeke pimanu opuluekema꞉ ipiki pa꞉ta꞉ a꞉pa mombelemekepate

1 Dioni 2:21

I̱ma꞉ iki pa꞉ta꞉ tameiya꞉ laaso ekita꞉ pa ikana꞉ma꞉ mo ota꞉eki hone na wilimiki yeke dia꞉ya꞉la꞉pate pa mo hone wilimiki handa pueme. Kutupa make mo yayapikieki ma꞉nda꞉ta꞉ mo ota꞉eki pa꞉ta꞉ na ipula꞉me laata꞉ hone ika꞉ wilimiki pua꞉me.

Aposolo 13:48

Kutupa mo Diendaili wanda꞉halima꞉ koto pi opuaata꞉ ta꞉na꞉ma꞉ homolo hata꞉ mo Koda꞉na꞉ pi laemekeme. Kutupa deto hala꞉eki mulu pimiki wanda꞉halima꞉ pi mimikime.

Maka 12:37

Kota꞉ Deipidima꞉ ipika꞉ kone Ketiso pa꞉ta꞉ Yaka Tekehalie la꞉la꞉me. Koto ekina꞉ ipika꞉ tapake wekita꞉ ekipa haliepe leekeme. Mo wanda꞉hali wopuna꞉ Yesuna꞉ pi ta꞉na꞉ma꞉ homa opimikime.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Dia꞉mesi 1:2

Ya kametitio. Iki pa꞉ta꞉ la handa꞉la꞉eki ta꞉ta꞉ ta꞉ta꞉ pieke ekimanu epemeka꞉na꞉ta꞉ ta꞉na꞉ma꞉ homolo hata꞉ mea꞉pa꞉peke.

Dia꞉mesi 1:16

Ota꞉ ya kametitio. Yayapikieki na opua꞉pa꞉peke.

Dia꞉mesi 2:1

Ya kametitio. Hande pa̱a̱ pa꞉la꞉ Tekehalita꞉ nika꞉ Tekehali Yesu Ketiso pa꞉ta꞉ hone tulao hata꞉ wanda꞉hali pa꞉ta꞉ honditi na pea꞉pa꞉peke.

Dia꞉mesi 2:5

Ya kametitio. Opua꞉pe. Kenke wanda꞉halima꞉ta꞉ aleta꞉ ma꞉nda꞉ na wiki natehali wanda꞉halio laa alemepateta꞉ Koda꞉ma꞉ koto wanda꞉hali talopu meata꞉ ika꞉ hone tulaaleme ekina꞉ta꞉ iki hamoko mea yaasa꞉me. Kutupa make ipiki pa꞉ta꞉ pukima꞉ homeleme wanda꞉hali pa꞉ta꞉ pi la꞉ wieke tupa꞉ koto wanda꞉hali ipika꞉ Kilu Tombuao Hala꞉ ekina꞉ mea haena꞉ lelieke.

Dia꞉mesi 3:10

Keiyae pi aloma꞉eki make hoke pi aloma꞉eki make homeke kake pa꞉ta꞉ kone ipu hala꞉me. Ya kametitio. Do ekita꞉ na pumana꞉ pea꞉pa꞉peke aleo.

Dia꞉mesi 4:11

Ya kametitio. Ikana꞉ma꞉ ika꞉ kame ma꞉nda꞉ pa꞉ta꞉ hoke hone witolo hata꞉ la la pita꞉la꞉ pi na lapa꞉peke. Hali epima꞉ ipika꞉ kame pa꞉ta꞉ hoke hone witolo hata꞉ pi lao pi yokaalu pita꞉la꞉ halima꞉ handa haya꞉ka꞉na꞉ta꞉ mo hali homeke pa꞉ta꞉ na pita꞉la꞉pate mo hande Lo pimanu pa꞉ta꞉ kone pita꞉la꞉me. Nakana꞉ma꞉ kutu pika꞉na꞉ta꞉ mo hande Lo Pimanu hone na wiki neketa꞉ mo Lo Pi manuna꞉ pi yokaalu pitele hali halipikie.

Dia꞉mesi 5:12

Ya kametitio. Pi tieke doe. Ikana꞉ma꞉ pi la꞉ wimika꞉na꞉ta꞉ oli hepenina꞉ biki make do kenkena꞉ biki make ala꞉ta꞉ ma꞉nda꞉na꞉ biki make na la꞉ wia꞉pa꞉peke. Kutupa Aowe loluekema꞉ta꞉ pa Aowe pi homeke lapa꞉peke. Kutupa make Dia꞉me loluekema꞉ta꞉ pa Dia꞉me pi homeke lapa꞉peke. Tekehalima꞉ iki pa꞉ta꞉ pi yokaalu pilieke la loa꞉me.

Dia꞉mesi 5:19

Ya kametitio. Iki pa꞉ta꞉ hali ma꞉nda꞉ma꞉ hande ota꞉ pimanu yonka꞉lao haya꞉ka꞉na꞉ta꞉ kutupa hali homekema꞉ mo hali la꞉ka꞉la pa hatuku epea꞉ka꞉na꞉ta꞉ kota꞉ do tupa꞉ hone wia꞉pa꞉peke.