Dia꞉mesi 1:1 - Panake Pi La: Ula: Buka pita: Kine Pieke Buka

¹ I̱ta꞉ Dia꞉mesi Koda꞉ make Tekehali Yesu Ketiso yaapona꞉ e pokaaso hali halome. Do wape pitolo ekita꞉ hande ika꞉ kenke nane mina꞉pa꞉lao pemeke Isulai 12 tapake ika꞉ wanda꞉hali pa꞉ta꞉ tapaasome. Iki pa꞉ta꞉ keiyae pi alome.

Dia꞉mesi 1:1 Referans Kwoze

1 Pida 1:1

I̱ Pida Yesu Ketisona꞉ Aposoloma꞉ iki Koda꞉ma꞉ ma̱leke lia mea hala꞉ wanda꞉hali mo a꞉nda꞉ma꞉ ta꞉la꞉leke da yoka tankulupu mea pua iki ta Pondasi kenke o Ka꞉leisia kenke o Ka꞉padosia kenke o Eisia kenke kutupa make mo Bidinia do kenke paeyao pa꞉ta꞉ panka꞉ halo peleme wanda꞉hali iki pa꞉ta꞉ do wape pitolome.

Dioni 7:35

Mo Diu haliwekima꞉ ika꞉ ika꞉ kone pi la꞉ alu alu pitolo hata꞉ alota꞉ Ipikita꞉ mo nikana꞉ma꞉ na handolo poloma꞉ tupa꞉ hane poluekema꞉ ala꞉pe. Ipikita꞉ mo nika꞉ wanda꞉hali haleme Kitiki daoni pa꞉ta꞉manu mo Kitiki wanda꞉hali walo peliekepe.

Aposolo 8:1

Sidipeni limiki ekita꞉ Soloma꞉ lina꞉e hone wiekeme. Koto limiki pita꞉ kone mo Diutuseleme nane haemeke siosi wanda꞉halita꞉ tanda wotu mulu pimikieki kini pea mimikime. Kutu pieke handa Ketiso wanda꞉hali paeyaota꞉ mo Diudia Sametia koto potopinisi yaapo pa꞉ta꞉manu haloendi pimikipate mo aposolo haliwekita꞉ Diutuseleme nane pa ha pelia haemekeme.

Aposolo 26:7

Koto pi la꞉ wiekeeki muluekema꞉ nika꞉ tapake 12 wanda꞉halima꞉ Koda꞉ pa꞉ta꞉ panda꞉puniao yeni pu halememe lea꞉me. Kini halio. Koto pi la꞉ wieke ekina꞉ hone ulu ekina꞉ mo Diu haliwekima꞉ I̱ ba꞉sa꞉ pitelememe.

Aposolo 15:23

Kutupa do wapeta꞉ mo haliwekima꞉ mea pena꞉ lemekeme. Koto pase tukiki pa꞉ta꞉ do pi wiekeme. Nikita꞉ aposolo haliwekima꞉ mo siosina꞉ handeteke haloma꞉ tondiki haliwekima꞉ tonka꞉na꞉ ika꞉ kametonu hata꞉ do wapema꞉ nika꞉ oli A꞉ndioko Sitia Silisia nane haleme Diendaili kametiti pa꞉ta꞉ keiyae aloma꞉me.

Taitasi 1:1

I̱ta꞉ Poloma꞉ Koda꞉na꞉ e pokaasa꞉ hali hata꞉ make Yesu Ketisona꞉ aposolo hali hata꞉ make do wape wapitolome. I̱ta꞉ mo Koda꞉ma꞉ ma̱leke lila꞉ wanda꞉halina꞉ hone tulalemeeki daeyaena꞉ lono ipikana꞉ma꞉ I̱ mea tapaeya꞉me. Kuta make ika꞉ pi miniki haasa꞉ hauna꞉ ota꞉ pita꞉ miniki haena꞉ walonoyeke I̱ tapaeya꞉me.

Ka꞉leisia 2:9

Dia꞉mesi Pida make Dioni ikita꞉ you haliweki hake nono piki haliweki hata꞉ mo Koda꞉ma꞉ do I̱ pa꞉ta꞉ ka꞉la꞉ ta꞉ta꞉piki e handolota꞉ niki paeyao homeke tapake haloma꞉me laa handena꞉ walolo Banabasi yaapo kiki mina꞉ alualu puma꞉me. Kutupa nikana꞉ma꞉ homeke pi laata꞉ Banabasi make I̱ dikana꞉ma꞉ta꞉ Diendaili tapake ame̱le̱ hapono ikita꞉ Diu tapake ame̱le̱ hamena꞉e loma꞉me.

Aposolo 15:13

Pi lo paeyaepeketa꞉ Dia꞉mesima꞉ ipilika꞉ pi hombo peaaso alota꞉ Ya kametitio. I̱ma꞉ alo pi opua꞉pe.

Loma꞉ 1:1

Do wapeta꞉ I̱ Poloma꞉ pua꞉me. Yesu Ketiso ipika꞉ e pokaaso hali halome. Koda꞉ ipika꞉ Pi Seliapo walonoyeke ipikana꞉ma꞉ I̱ wi la꞉ meaata꞉ aposolo hali hano la꞉la꞉me.

Aposolo 21:18

Kutupa da ka꞉la꞉paota꞉ mo handeteke haemeke tondiki haliweki paeyao pitina꞉ Polo ame̱le̱ nikita꞉ Dia꞉mesi handolo poma꞉me.

Dioni 12:26

Hali epima꞉ yaka e pokaaluekema꞉ hone pia꞉ka꞉na꞉ta꞉ ipikana꞉ma꞉ ya hoki nane telia꞉ mea epena꞉e. Yaka e pokaasa꞉ halita꞉ I̱ halo alena꞉ kone diki mandakena꞉ halupekema꞉ loa꞉me. Yaka e pokaasa꞉ halita꞉ yaka Apa꞉ma꞉ koto halina꞉ biki tieke wina꞉ lelieke leekeme.

Ma꞉tiu 19:28

Yesuma꞉ hombo peaaso alota꞉ I̱ma꞉ ota꞉ pi alome. Mo paa kini pilia꞉ panake di kini pia꞉ka꞉na꞉ta꞉ kota꞉ mo wanda꞉halina꞉ Eiyekema꞉ ipika꞉ ota꞉ seliapo piki pa̱a̱ tiekema꞉ hopiliaasa꞉ you halina꞉ sea manda pitia꞉ka꞉na꞉ta꞉ kota꞉ koto toma꞉na꞉ta꞉ iki yaka 12 disaipolo haliweki make mo Isulaina꞉ 12 tapake handeteke haluekema꞉ ikana꞉ma꞉ mo iki handeteke hala꞉ sea manda pitilimikie.

Diudi 1:1

I̱ta꞉ Diudi Dia꞉mesina꞉ hameke hande Yesu Ketisona꞉ e pokaaso halima꞉ loa꞉me. I̱ma꞉ do tameiya꞉ta꞉ mo hande Koda꞉na꞉ wi la꞉la꞉eki opeleme wanda꞉hali iki pa꞉ta꞉ tapaasome. Dota꞉ mo hande Apa꞉ Koda꞉na꞉ pukima꞉ homa꞉la꞉eki oto pa꞉ta꞉ haleme make Yesu Ketisona꞉ handeteke hala꞉eki pa꞉ta꞉ haleme wanda꞉hali iki pa꞉ta꞉ loa꞉me.

2 Pida 1:1

I̱ta꞉ Saimono Pida mo hande Yesu Ketisona꞉ e pokaasa꞉ make aposolo halima꞉ loa꞉me. Mo hande niki da꞉taasa꞉ Koda꞉ Yesu Ketisona꞉ tikitiki hau pita꞉la꞉eki pa꞉ta꞉ yama꞉ hone tulaala꞉eki hala꞉la꞉ ekita꞉ nika꞉ hande ota꞉ seliapo piki ekima꞉ handekeeki meleme wanda꞉hali pa꞉ta꞉ do tameiya꞉ tapaasome.

Pilipai 1:1

I̱ Polo make Timodi dikana꞉ma꞉ Yesu Ketisona꞉ e pokaaso hata꞉ mo Pilipai nane haleme Koda꞉na꞉ wanda꞉hali ika꞉ siosi you haliweki pa꞉ta꞉ make ika꞉ dikoni haliweki pa꞉ta꞉ make iki Yesu Ketiso pa꞉ta꞉ haleme wanda꞉hali paeyao pa꞉ta꞉ do wape pea tapaasopa꞉me.

Ka꞉leisia 2:12

Dia꞉mesima꞉ tapaeyeke haliweki na opolo epeke haena꞉ta꞉ Pidama꞉ mo Diendaili Ketiso kametonu ame̱le̱ mandakena꞉ pita꞉ ne nemekepate pa mo haliweki opolo a꞉pa haemeketa꞉ Pidama꞉ mo Ketiso tapake paeyao sekemesaisi hau pumana꞉e lo haleme tapake haliweki pa꞉ta꞉ paala꞉ma꞉ homeke ekina꞉ ipikita꞉ mo Diendaili Ketiso tapake ame̱le̱ apa꞉tao pita꞉ ne na neke yola꞉ tapao pitiekeme.

Ka꞉leisia 1:19

Koto hata꞉ta꞉ I̱ma꞉ aposolo hali ma꞉nda꞉ na handoa꞉pate pa mo Tekehalina꞉ hameke Dia꞉mesi homeke handoa꞉me.

Aposolo 15:21

Mosesima꞉ Lo Pi manuta꞉ mo pi hotu haleme da pa꞉ta꞉manu hata꞉ta꞉ Hoto Pila꞉ Nate paeyaona꞉ kone yata꞉pa꞉tiki pu haemekeme. Kutupa make daoni paeyao pa꞉ta꞉manu ipika꞉ pimanu wala꞉tiki pu halememe laa leekeme.

Aposolo 1:13

Mo teke da tieke pa꞉ta꞉ puaata꞉ ika꞉ pelia hao haemeke manda da panda꞉ pa꞉ta꞉ opa꞉liaemekeme. Pida Dioni yaapo Dia꞉mesi A꞉ndutu yaapo Pilipi Tomasi yaapo Badolomiu Ma꞉tiu yaapo A꞉lopia꞉sina꞉ eiyeke Dia꞉mesi pita꞉ Saimono Seloti yaapo kutupa Dia꞉mesina꞉ eiyeke Diudasi makee.

Ma꞉tiu 13:55

Ipikita꞉ mo hande da a꞉eta꞉la꞉ halina꞉ eiyeke kutupa ipika꞉ inkikita꞉ Meti dia꞉yeke yekea. Ipikita꞉ mo hande Dia꞉mesi Diosepe Saimono Diudasi do hama̱la̱꞉ hama̱la̱꞉na꞉ hameke dia꞉yeke yekea.

Aposolo 12:17

Kutu pimikipate Pidama꞉ kikima꞉ kone pi na lapee leekeme. Kutupa Tekehalima꞉ mo dipula da pa꞉ta꞉ hatuku epeeke pi la haleekeme. Kutupa Pidama꞉ alota꞉ Dia꞉mesi pa꞉ta꞉ make Ketiso kametiti pa꞉ta꞉ make do pi la hala꞉pa꞉peke leekeme. Kutupa mina꞉pa꞉lao pua da ma꞉nda꞉ pa꞉ta꞉ peekeme.

Peneme Yaeyekeeki 7:4

Kutupa I̱ pa꞉ta꞉ la kieketa꞉ Mo Koda꞉ ipika꞉ tomboma꞉ maka ula꞉ tapaketa꞉ 144 daoseni halememe lea꞉me. Koto wanda꞉halita꞉ mo hande Isulaina꞉ 12 tapakee lea꞉me.

Aposolo 2:5

Yeni puluekema꞉ hone wimiki Diu haliwekita꞉ mo kenke paeyao nane hao pua mo Diutuseleme da pa꞉ta꞉ pua haemekeme.

Luku 22:30

Ikita꞉ yaka Kilu Tombuao Hala꞉ alena꞉ yaka teipolona꞉ pita꞉ ne ikali nolumeke. Kutupa make ikita꞉ oli you halina꞉ sea manuna꞉ pita꞉ mo Isulaina꞉ 12 tapake teli pilimikie leekeme.

Ma꞉tiu 10:3

Pilipi make Badolomiu make Tomasi make mo hande dakisi mu hayeke some Ma꞉tiu make A꞉lopia꞉sina꞉ eiyeke Dia꞉mesi make Ta꞉dia꞉si make

2 Timodi 4:21

Mo kosa꞉ ki a̱i̱ na epeke haena꞉ kone I̱ pa꞉ta꞉ a̱i̱ ipuluekema꞉ taapo hapeke. Yubulisi Pudenisi Linusi Kolodia make mo mandane Ketiso tapake paeyaoma꞉ ika꞉ a꞉talo pi neke pa꞉ta꞉ tapaasememe.

Aposolo 23:26

Kolodiusi Laisiasima꞉ nika꞉ kapomani you hali Pilikisi neke pa꞉ta꞉ keiyae alome.

Luku 6:15

Ma꞉tiu make Tomasi make A꞉lopia꞉sina꞉ eiyeke Dia꞉mesi make Saimono ipika꞉ biki ma꞉nda꞉ta꞉ Seloti make

Maka 3:18

A꞉ndutu Pilipi Badolomiu make Ma꞉tiu make Tomasi make A꞉lopia꞉sina꞉ eiyeke Dia꞉mesi make Ta꞉dia꞉si make Saimono Seloti make mo Isekatioti hali Diudasita꞉ Yesu lina꞉ a꞉nda꞉ lomba꞉ polo pieke hali make do haliweki paeyaona꞉ bikimanue.