Aposolo 9:42 - Panake Pi La: Ula: Buka pita: Kine Pieke Buka

⁴² Koto hande pieke ekita꞉ mo Diopa da paeyao pa꞉ta꞉ la꞉tia tia pimikime. Kutupa wanda꞉hali wopuma꞉ Tekehali pa꞉ta꞉ hone tulaemekeme.

Aposolo 9:42 Referans Kwoze

Aposolo 9:35

Mo Lida Sietoni da yaapo pa꞉ta꞉ haemeke wanda꞉hali paeyaoma꞉ mo hali handaata꞉ Tekehali pa꞉ta꞉ la꞉ka꞉la hone tulaemekeme.

Dioni 12:11

Diu haliweki wopuma꞉ La꞉satesi pa꞉ta꞉ hone witolo hata꞉ ika꞉ you haliweki mina꞉pa꞉lao Yesu pa꞉ta꞉ hone tulaemeke ekina꞉ pimikime.

Dioni 11:45

Meti handolo pemeke Diu wanda꞉hali wopuma꞉ta꞉ Yesuma꞉ piekeeki handaata꞉ ipiki pa꞉ta꞉ hone tulaemekeme.

Aposolo 11:21

Kutupa Koda꞉ma꞉ mo haliweki tamba꞉ minolo haena꞉ wanda꞉hali wopuma꞉ pi meaata꞉ Tekehali pa꞉ta꞉ la꞉ka꞉la pemekeme.

Dioni 12:44

Yesuma꞉ pi anekema꞉ alo alota꞉ Hali epima꞉ I̱ pa꞉ta꞉ hone tulaeya꞉ka꞉na꞉ta꞉ I̱ pa꞉ta꞉ homeke hone na tulaake I̱ tapaeya꞉ hali pa꞉ta꞉ make pita꞉la꞉me.

Dioni 11:4

Yesuma꞉ koto pi opua alota꞉ Koto yenima꞉ta꞉ hali na homaalieke laa koto yeni a꞉pa hake hauta꞉ Koda꞉na꞉ biki make Koda꞉na꞉ Eiyekena꞉ biki make mea a꞉meiyaena꞉yeke a꞉pa hao pa꞉la꞉me leekeme.

Aposolo 9:36

Mo Diopa da pa꞉ta꞉ta꞉ disaipolo wanda꞉ homeke Ta꞉bida hayekeme. Koto bikita꞉ pa mo Kitiki pi laata꞉ Dokasi laa la꞉la꞉me. Koto wanda꞉ma꞉ta꞉ hoto paeyao epeke hau pu hata꞉ mo ala꞉ta꞉ ma꞉nda꞉ dia꞉yeke mesiolo hali wanda꞉hali tamba꞉ mu hayekeme.

Aposolo 9:38

Koto Diopa data꞉ mo Lida da teke pa꞉ta꞉ hayeke handaa mo Diopa da haemeke disaipolo wanda꞉halima꞉ta꞉ Pidata꞉ Lida da pa꞉ta꞉ a꞉pa hala꞉me pi opuaata꞉ hali yaapo pa꞉ta꞉ pi tapaaso alota꞉ Niki pa꞉ta꞉ pilisi a̱i̱ epo lapa꞉peke lena꞉ tapaemekeme.

Aposolo 9:43

Pidata꞉ Diopa da pa꞉ta꞉ hoto elekeeleke hatiki peaata꞉ mo ma꞉na꞉ yonkelekema꞉ ala꞉ta꞉ ala꞉ta꞉ wepu hayeke hali Saimonona꞉ da pa꞉ta꞉ pelia haepekeme.

Aposolo 10:5

Kutupa ame do mo Diopa da pa꞉ta꞉ hala꞉ hali ma꞉nda꞉ ipika꞉ biki Saimono biki ma꞉nda꞉ Pida epena꞉ handa꞉ mulu pena꞉ hali ma꞉nda꞉ tapae leekeme.

Aposolo 10:8

Kutupa mo hande leeke pita꞉ iki pa꞉ta꞉ la halaaka꞉na꞉ Diopa da nane tapaeyekeme.

Aposolo 11:5

I̱ta꞉ mo Diopa daoni pa꞉ta꞉ hata꞉ yeni pitolo pitono upama꞉ piki nono pea handoa꞉ ekita꞉ dupae. Dapolo dau tiekema꞉ handeke ale lopa꞉niaeya꞉eki handoa꞉me. Oli ya nane honiki tonkopu yola꞉ mea wia hata꞉ hande dau I̱ haowa꞉ ale teke pa꞉ta꞉ lopa꞉niao wia꞉me.

Aposolo 11:13

Kutupa ipikana꞉ma꞉ta꞉ niki pa꞉ta꞉ enisolo ma꞉nda꞉ma꞉ ipika꞉ da pa꞉ta꞉ a꞉pa hata꞉ ipiki pa꞉ta꞉ leekeeki dupa lea꞉me laa niki pa꞉ta꞉ la kia꞉me. Diopa da nane hali ma꞉nda꞉ tapae laa hali ma꞉nda꞉ ipika꞉ ota꞉ bikita꞉ Saimono Pida koto hali wi lolo pena꞉ tapae laa lea꞉me.