Aposolo 9:23 - Panake Pi La: Ula: Buka pita: Kine Pieke Buka

²³ Hosiki hao hao pea wetepena꞉ mo haliwekima꞉ Solo luekema꞉ tome tome pambemekepate mo hande lemeke ekita꞉ Soloma꞉ amba꞉ opiekeme.

Aposolo 9:23 Referans Kwoze

Aposolo 14:19

Kutupa A꞉ndioko Aikoniomo Diu haliweki a꞉paata꞉ mo wanda꞉hali sutiaota꞉ Polo toopima꞉ liata꞉ ota꞉ homa꞉la꞉me laa lu yola daoni hama꞉ nane pemekeme.

Aposolo 13:50

Kutu piekepate hande Diu haliwekima꞉ mo Koda꞉ pa꞉ta꞉ hone wopu u haemeke wanda꞉ tieke tieke mandaneeki manuma꞉ make mo daonina꞉ you haliwekima꞉ make Polo Banabasi yaapo ame̱le̱ a꞉nda꞉ lina꞉yeke sutiaemekeme. Kutupa koto da nane mina꞉pa꞉lao pena꞉yeke tolu limikime.

2 Kotindi 11:26

Yaka wopu pomua꞉tiki pu haowa꞉ pa꞉ta꞉ manuta꞉ I̱ lia homaaluekema꞉ mo ikali tieke tea꞉ ekima꞉ teke pa꞉ta꞉ epea꞉ make mo pake nala꞉ haliwekima꞉ make teke pa꞉ta꞉ haememe. Mo Diu yankeke tonu pita꞉ Diendaili tapake yaapoma꞉ta꞉ I̱ hoeyaaluekema꞉ hone wimime. Mo daonimanu pa꞉ta꞉ make hapu hayeke alemanu pa꞉ta꞉ make dawala tieke manuna꞉ make makeaaso yankeke tonu pa꞉ta꞉ make ota꞉ I̱ hoeyaapeke alemanu teke pa꞉ta꞉ hatiki pu haowa꞉me.

Aposolo 14:2

Kutu pimiki handa pi na miki Diu haliwekima꞉ mo Diendaili haliweki sutiaaso hata꞉ ika꞉ hone dunki peao Ketiso wanda꞉hali pa꞉ta꞉ hoke hone wina꞉yeke lemekeme.

Aposolo 9:16

I̱ma꞉ yaka hauna꞉ tanda pa꞉la꞉eki mina꞉ la waluekema꞉ pue leekeme.

Aposolo 9:22

Kutu piekepate Soloma꞉ta꞉ pi waluekema꞉ wele wopu piekeme. Ipikana꞉ma꞉ Yesuta꞉ ota꞉ Koda꞉na꞉ Ketisoe laa ota꞉ ana꞉na꞉ peneme yao waleeke mandane pi manuta꞉ mo Damasikasi da haleme Diu haliwekima꞉ pi homeke ma꞉nda꞉ma꞉ hombo pealuekema꞉ ana꞉ na pimikime.

Aposolo 15:26

Hande hali yaapoma꞉ta꞉ Tekehali Yesu Ketiso pa꞉ta꞉ hone wopu witolo hata꞉ ipilika꞉ lokena꞉ hau hone wopu na wiki homeke nono pea haepekeme.

Aposolo 20:3

sumba꞉ tepo koto pa꞉ta꞉ hayekeme. Sitia nane poluekema꞉ tikitiki yaaso haena꞉ Diu haliwekima꞉ ipiki luekema꞉ a꞉nda꞉ lombo haemekeeki opuaata꞉ paa la꞉ka꞉la mo Ma꞉sedonia nanema꞉ lopa꞉la꞉ yapulueke hone wiekeme.

Aposolo 23:12

Kutupa da kelepeeketa꞉ Diu haliwekima꞉ tome tome pamba nindi pea alota꞉ Ne ikali a̱i̱ na neke hata꞉ Polo amba꞉la lumana꞉e lemekeme.