Aposolo 9:22 - Panake Pi La: Ula: Buka pita: Kine Pieke Buka

²² Kutu piekepate Soloma꞉ta꞉ pi waluekema꞉ wele wopu piekeme. Ipikana꞉ma꞉ Yesuta꞉ ota꞉ Koda꞉na꞉ Ketisoe laa ota꞉ ana꞉na꞉ peneme yao waleeke mandane pi manuta꞉ mo Damasikasi da haleme Diu haliwekima꞉ pi homeke ma꞉nda꞉ma꞉ hombo pealuekema꞉ ana꞉ na pimikime.

Aposolo 9:22 Referans Kwoze

Aposolo 18:5

Kutupa Sailasi Timodi yaapo Ma꞉sedonia nane hao opolo epepeke pita꞉ta꞉ Poloma꞉ mo Diu haliweki pa꞉ta꞉ Yesuta꞉ Ketisoe la waluekema꞉ hone wotu wia wala꞉tiki pu hayekeme.

Luku 21:15

Pa ekipeke I̱ma꞉ iki pa꞉ta꞉ kutupiki pimanu make epeke hone make kua꞉ka꞉na꞉ta꞉ ika꞉ a꞉nda꞉ tunkuliki haliweki homeke a꞉nda꞉ma꞉ make na tumbalimikie. Kutupa ika꞉ pi na yoko baalimikie.

1 Kotindi 1:27

Koda꞉ma꞉ mo hone wotu wiki haliweki yaala꞉ mea peaaluekema꞉ ika꞉ pa pi aleme ekimanu ipikana꞉ma꞉ ka꞉na꞉ hone wia miekeme. Kutupa make mo hamoko haliweki yaala꞉ mea peaaluekema꞉ mo ikana꞉ma꞉ damakopiki ekie alemeeki kone ipikana꞉ma꞉ ka꞉na꞉ hone wia miekeme.

Aposolo 28:23

Kutupa nate wiata꞉ ipika꞉ haya꞉ da pa꞉ta꞉ haliweki wopu pua mombelememe. Kutupa Poloma꞉ mo haliweki pa꞉ta꞉ mo hande Koda꞉na꞉ Kilu Tombuao Hala꞉ pimanu walo haya꞉eki da ka꞉la꞉paaso la pua timba꞉ laeya꞉me. Yesuna꞉ pi opua mina꞉yeke ipikana꞉ma꞉ hande Mosesina꞉ wape pa꞉la꞉ Lo Pimanu make mo potopede haliwekina꞉ wape pelemeeki pa꞉ta꞉ make laa walea꞉me.

Pilipai 4:13

Do hau paeyaota꞉ Ketisoma꞉ ka꞉la꞉ welema꞉ bepolatia a꞉pa polome.

Aposolo 17:3

Ketiso tanda pita꞉la꞉eki amba꞉la meaata꞉ wetepena꞉ homa tiaalieke laa wotu waleekeme.

Kini Pieke 49:24

Pate ipika꞉ a꞉ndelita꞉ la꞉ma꞉ na pa꞉la꞉me. Kutupa ipika꞉ kiki yaapo honkopu haowala꞉me. Koto hauta꞉ mo Dieikopena꞉ Wele wopupiki Koda꞉na꞉ honkopuma꞉ pia꞉me. Mo hande Sipisipi Handeteke Hala꞉ some Isulaina꞉ handeteke hao hala꞉ Koda꞉ loa꞉me.

Aposolo 9:20

Ipikana꞉ma꞉ koto kone Yesu Ketisona꞉ pi mo pi hotu haemeke da pa꞉ta꞉ walolo hata꞉ alota꞉ Yesuta꞉ Koda꞉na꞉ Eiyekee leekeme.

Aposolo 9:21

Mo opimiki haliwekita꞉ leke wopu opa꞉ alu alu pimikime. Kutupa alota꞉ Do hali dia꞉ya꞉ka꞉ta꞉pe. Mo hande Diutuseleme da pa꞉ta꞉ hande some Yesuna꞉ biki laa yeni pimi wanda꞉hali tanda tanda halea꞉ hali dia꞉ya꞉ka꞉ta꞉pe. Aowe. Ipikita꞉ do epa꞉la꞉ ekita꞉ mo kutupiki wanda꞉hali mea tonkao hatuku mo yeni peao haleme teke haliweki pa꞉ta꞉ mea poluekema꞉ a꞉pa pa꞉la꞉me lemekeme.

Aposolo 9:23

Hosiki hao hao pea wetepena꞉ mo haliwekima꞉ Solo luekema꞉ tome tome pambemekepate mo hande lemeke ekita꞉ Soloma꞉ amba꞉ opiekeme.

Aposolo 9:27

Kutupa Banabasima꞉ Solota꞉ mo aposolo haliweki pa꞉ta꞉ hatuku pua mo Tekehalima꞉ pota꞉na꞉ Solo pa꞉ta꞉ peneme yaeya꞉eki make pi leekeeki make la haleekeme. Kutupa oli Damasikasi da hata꞉ Soloma꞉ Yesuna꞉ biki a꞉mbao na leke pi waleekeeki make mo haliweki pa꞉ta꞉ la haleekeme.

Ka꞉leisia 1:18

Mo Koda꞉na꞉ eiyeke I̱ pa꞉ta꞉ peneme yaeya꞉ hoki nane bapi tepo hao Diutuseleme da nane pua Pida yaapo pi pi loluekema꞉ pula yaapona꞉ ipika꞉ da pa꞉ta꞉ mandake haopa꞉me.

1 Timodi 1:12

Ya e pokono wele peaasa꞉ Ketiso Yesu nika꞉ Tekehali pa꞉ta꞉ keiyae pi alome. Ipika꞉ e I̱ma꞉ ana꞉na꞉ pokaalieke hone wia I̱ ma̱leke lieke ekina꞉ keiyae alome.