Aposolo 9:18 - Panake Pi La: Ula: Buka pita: Kine Pieke Buka

¹⁸ Kutupa koto kone mo ta꞉peli o̱ma꞉ handeke ale manuma꞉ leke tombuao hao londa꞉la꞉pa lopeke nono piekeme. Kutupa ipika꞉ leke paa ki leekeme. Kutupa koto kone tiao pua bapitaisi piekeme.

Aposolo 9:18 Referans Kwoze

2 Kotindi 3:14

Ika꞉ hone manuta꞉ ota꞉ a꞉mbao pambeekeme. Kutupa a꞉pa ota꞉ ame do natena꞉ make mo hande amba꞉ Lo pi lao wieke bukamanu yata꞉pelemeketa꞉ ika꞉ hone manuta꞉ mo hande dau sinkipiki ma꞉nda꞉ma꞉ a꞉mbaala꞉me. Ma꞉nda꞉ epima꞉ Ketiso pa꞉ta꞉ tunaeya꞉ka꞉na꞉ homeketa꞉ kota꞉ mo leke popeleke a꞉mbaala꞉ dau sinkipiki ma꞉nda꞉ mea baapeke ya꞉la꞉me.

Aposolo 22:16

Kutupa ameta꞉ ekipeke hando halepe. Tiao pua bapitaisi hau pea ipika꞉ bikina꞉ wi alo hata꞉ naka꞉ hoke hau pi ekimanu tanda꞉pena꞉ lapeke lea꞉me leekeme.

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

Aposolo 2:41

Koto leeke handa wanda꞉hali wopuma꞉ Pidama꞉ waleeke pi opuaata꞉ bapitaisi hau pimikime. Paeyaota꞉ 3 daoseni wanda꞉hali tupa꞉ koto natena꞉ mo hande pi minolo hata꞉ mo Ketiso wanda꞉hali ame̱le̱ apa꞉tao hao haemekeme.

Aposolo 9:8

Solo oni kenke mina꞉pa꞉lao tiao ipika꞉ leketa꞉ ki leekepate ota꞉ ala꞉ta꞉ ma꞉nda꞉ na handeeke handa hali mandane hatiki mandane hatiki pea hatuku oni Damasikasi da pa꞉ta꞉ pemekeme.

Aposolo 9:17

Koto ekina꞉ A꞉na꞉naisi pua da pa꞉ta꞉ opolo peekeme. Kutupa ipika꞉ kiki Solona꞉ youna꞉ pua witolo hata꞉ alota꞉ Solo ya kameo. Tekehali Yesu mo pota꞉na꞉ ipulu halena꞉ epeeke hande Yesuma꞉ naka꞉ leke paa kilao Holi Sipitidima꞉ tumba halena꞉ yeke I̱ tapaeya꞉me leekeme.

Aposolo 9:19

Kutupa ne tamba꞉ mea nolo yapeeke dina꞉ta꞉ ipika꞉ honkopu paa hao epeekeme. Solota꞉ Damasikasi da hao hala꞉ Ketiso haliweki ame̱le̱ hosiki hayekeme.

Aposolo 22:13

Kutupa teke pa꞉ta꞉ hata꞉ I̱ pa꞉ta꞉ alota꞉ Ya kame Soloo. Ameta꞉ naka꞉ leke ki laa handa꞉peke laa lea꞉me. Kutupa koto kone yaka leke ki leeke handa ipiki handoa꞉me.