Aposolo 9:13 - Panake Pi La: Ula: Buka pita: Kine Pieke Buka

¹³ A꞉na꞉naisima꞉ alota꞉ Tekehalio. Do halita꞉ naka꞉ Diutuseleme wanda꞉hali pa꞉ta꞉ tanda tanda hala꞉la꞉eki ma꞉nda꞉ ma꞉nda꞉ma꞉ a꞉pa la꞉tiki pu haleke opu halome leekeme.

Aposolo 9:13 Referans Kwoze

Aposolo 8:3

Kutu pimikipate Soloma꞉ siosi wanda꞉hali hoeyaaluekema꞉ taapeekeme. Ipikana꞉ma꞉ta꞉ da ma꞉nda꞉ ma꞉nda꞉ pa꞉ta꞉ pominolo hata꞉ siosi wanda꞉hali kiki yola꞉ mea hama꞉ nane mea batiki pea dipula mea lopatiki piekeme.

Aposolo 9:1

Soloma꞉ wese wese alo hata꞉ mo Tekehalina꞉ disaipolo wanda꞉hali tolu lutia pomiekeme.

Loma꞉ 16:15

Pilolokusi Diulia yaapo pa꞉ta꞉ make Netiasi ipika꞉ ana꞉ yaapo ipiliki pa꞉ta꞉ make Olimbasi pa꞉ta꞉ make kutupa iki ame̱le̱ hao haleme Koda꞉na꞉ wanda꞉hali paeyao pa꞉ta꞉ make a꞉taloe pi la꞉niaasome.

Loma꞉ 16:2

Koda꞉na꞉ wanda꞉halima꞉ta꞉ ika꞉ ika꞉ kone handa꞉ mu alualu pulu peleme tupa꞉ ikana꞉ma꞉ Tekehalina꞉ bikina꞉ ipiki handa꞉ meata꞉ kutupa ipikana꞉ma꞉ eki hau puluekema꞉ hone wia꞉ka꞉na꞉ta꞉ ikana꞉ma꞉ ipiki tamba꞉ mea꞉pa꞉peke. Ipikita꞉ wanda꞉hali wopu pa꞉ta꞉ make I̱ pa꞉ta꞉ make homu pea hata꞉ nika꞉ yankeke haya꞉ ekina꞉ loa꞉me.

Loma꞉ 15:31

Doeki yaapona꞉ yeni peaapa꞉peke. Ma꞉nda꞉ta꞉ Diudia nane haleme pi na miki haliwekima꞉ I̱ hoeyaama꞉na꞉ loa꞉me. Ma꞉nda꞉ make dupa. Mo Diutuseleme da nane haleme Koda꞉na꞉ wanda꞉halima꞉ I̱ma꞉ iki tamba꞉ mulu poloeki mina꞉yeke loa꞉me.

Loma꞉ 1:7

Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

Aposolo 22:4

Kutupa do hande Hau pita꞉la꞉ ekita꞉ amba꞉ta꞉ I̱ma꞉ a꞉nda꞉ wotu litolo hata꞉ wanda꞉hali da꞉ka꞉pa꞉ minata꞉ dipula da pa꞉ta꞉ mea lopao haowa꞉me leekeme.

Aposolo 9:32

Pidata꞉ kenke paeyao pa꞉ta꞉ pomu lopaata꞉ hoto ma꞉nda꞉ta꞉ mo Lida da nane haemeke Koda꞉na꞉ wanda꞉hali handolo peekeme.

Ma꞉tiu 10:16

Opua꞉pe. Ikita꞉ mo honkopu wopu na hake sipisipimanu tupa꞉ ya꞉la꞉pate I̱ma꞉ iki mo tikene iyamanu tukiki pa꞉ta꞉ hamena꞉ tapaasome. Koto ekina꞉ mo hande ketoma꞉ kimelema꞉ pomua꞉la꞉ tupa꞉ iki make kimelema꞉ pomua꞉pa꞉peke. Kutaa make mo hande dokolo ba manuma꞉ epeke tupa꞉ momba꞉la pitu haleme tupa꞉ iki make sembepela hao hapa꞉peke.

Aposolo 9:21

Mo opimiki haliwekita꞉ leke wopu opa꞉ alu alu pimikime. Kutupa alota꞉ Do hali dia꞉ya꞉ka꞉ta꞉pe. Mo hande Diutuseleme da pa꞉ta꞉ hande some Yesuna꞉ biki laa yeni pimi wanda꞉hali tanda tanda halea꞉ hali dia꞉ya꞉ka꞉ta꞉pe. Aowe. Ipikita꞉ do epa꞉la꞉ ekita꞉ mo kutupiki wanda꞉hali mea tonkao hatuku mo yeni peao haleme teke haliweki pa꞉ta꞉ mea poluekema꞉ a꞉pa pa꞉la꞉me lemekeme.

Aposolo 9:41

Pidama꞉ panda꞉puniao ipika꞉ kiki yola꞉ mea tiaeyekeme. Kutu pieketa꞉ Pidama꞉ mo Ketiso wanda꞉hali make mo kosa꞉piki wanda꞉sunu make ipupe laata꞉ hande wanda꞉ta꞉ do tiao hala꞉ handa꞉pe laa leekeme.

1 Kotindi 1:2

Iki Kotindi daoni pa꞉ta꞉ haleme Koda꞉na꞉ siosi wanda꞉hali pa꞉ta꞉ wape polo pi doe. Koda꞉ma꞉ ikita꞉ ipika꞉ yakopiki wanda꞉hali hamina꞉ wi la꞉la꞉me. Iki mo Yesu Ketiso yaapo ta꞉ma꞉ni pea hata꞉ Koda꞉na꞉eki haleme wanda꞉hali pa꞉ta꞉ loa꞉me. Kutupa mo kenke paeyao pa꞉ta꞉ hata꞉ nika꞉ Tekehali make ika꞉ Tekehali Yesu Ketisona꞉ biki wi aleme wanda꞉hali make iki paeyao pa꞉ta꞉ wape polo pi doe.

1 Kotindi 6:5

Do alo pita꞉ iki yaala꞉ma꞉ homaaluekema꞉ loa꞉me. Iki pa꞉ta꞉ta꞉ epeke hone wita꞉la꞉ hali homeke ma꞉nda꞉ na hala꞉pe. Kutu piki halima꞉ta꞉ mo Ketiso hameke yaapona꞉ pi yokaalu pitelepeeki epeaapeke na ya꞉la꞉pe.

1 Kotindi 14:33

Do ekina꞉yeke loa꞉me. Nikita꞉ meimei liao na hake pa yopu sembepelao hamonoyeke Koda꞉ma꞉ niki wi la꞉la꞉me. Mo hande siosi wanda꞉hali mombolo hata꞉ pu haleme tupa꞉

1 Kotindi 16:1

Ikana꞉ma꞉ mo mandane Diutuseleme haleme Koda꞉na꞉ wanda꞉hali tamba꞉ muluekema꞉ mani amu pulu peleme ekita꞉ I̱ma꞉ mo Ka꞉leisia kenke nane haleme siosimanu pa꞉ta꞉ Dupa꞉pe laa loa꞉ tupa꞉ ikana꞉ma꞉ make pea꞉pa꞉peke.

Epesese 1:1

I̱ Polota꞉ Koda꞉ ipika꞉ hone pa꞉la꞉ ekina꞉ Yesu Ketiso ipika꞉ aposolo hali halome. I̱ma꞉ do wape pitolo ekita꞉ ikita꞉ Koda꞉ ipika꞉ wanda꞉hali pa꞉ta꞉ pitolome. Ikita꞉ Yesu Ketiso pa꞉ta꞉ hone tulao hata꞉ Epesese da pa꞉ta꞉ halememe.

Pilipai 1:1

I̱ Polo make Timodi dikana꞉ma꞉ Yesu Ketisona꞉ e pokaaso hata꞉ mo Pilipai nane haleme Koda꞉na꞉ wanda꞉hali ika꞉ siosi you haliweki pa꞉ta꞉ make ika꞉ dikoni haliweki pa꞉ta꞉ make iki Yesu Ketiso pa꞉ta꞉ haleme wanda꞉hali paeyao pa꞉ta꞉ do wape pea tapaasopa꞉me.

Pilipai 4:22

Kutupa do haleme Koda꞉na꞉ wanda꞉hali paeyaoma꞉ make iki pa꞉ta꞉ a꞉taloe la꞉neaasemepate mo Sisana꞉ da pa꞉ta꞉ haleme Ketiso wanda꞉halima꞉ta꞉ a꞉taloe pi ota꞉ wopu la꞉neaasememe.

Kolosi 1:2

Mo Kolosi nane haleme Koda꞉na꞉ wanda꞉hali Ketiso pa꞉ta꞉ hata꞉ ki hone na wiki pa putia pu haleme kametonu iki pa꞉ta꞉ tapaasopa꞉me. Nika꞉ Apa꞉ Koda꞉ma꞉ iki pa꞉ta꞉ a꞉ta꞉ma꞉ homolo tamba꞉ mina꞉la꞉eki make puki lopa꞉niaasa꞉eki make kina꞉e.

Hibulu 13:24

Nika꞉ a꞉taloe pi manuta꞉ ika꞉ you haliweki paeyao pa꞉ta꞉ make mo Koda꞉na꞉ wanda꞉hali paeyao pa꞉ta꞉ make la halawapa꞉peke. Do Ideli haleme Ketiso yankeke tonuma꞉ ika꞉ a꞉talo pi iki pa꞉ta꞉ tapaasememe.

Diudi 1:3

Yaka yankeke tonuo. I̱ma꞉ta꞉ mo hande Koda꞉na꞉ pa꞉ta꞉la꞉la꞉eki mu haloma꞉ ekina꞉ iki pa꞉ta꞉ tameiya꞉ tapaaluekema꞉ taapoa꞉me. Pate Koda꞉ma꞉ hoto homeke mo hone tulaasa꞉ ekita꞉ ipika꞉ ma̱leke lila꞉ wanda꞉hali pa꞉ta꞉ handeteke haena꞉ haleekeeki ma꞉nda꞉ma꞉ hoeyaama꞉na꞉ honkopu hao hamena꞉yeke I̱ma꞉ do sutiaasa꞉ tameiya꞉ a̱i̱ koto kone tapaanoe hone ua꞉me.