Aposolo 9:10 - Panake Pi La: Ula: Buka pita: Kine Pieke Buka

¹⁰ Kutupa oni Damasikasi Ketiso hali ma꞉nda꞉ bikita꞉ A꞉na꞉naisi hayekeme. Tekehalima꞉ upama꞉ alota꞉ A꞉na꞉naisio. Kutupa A꞉na꞉naisima꞉ alota꞉ Tekehalio. I̱ta꞉ do pilume leekeme.

Aposolo 9:10 Referans Kwoze

Aposolo 22:12

Kutupa hali ma꞉nda꞉ A꞉na꞉naisita꞉ hande Lo Pimanu wotu opu hayeke hali make koto pa꞉ta꞉ haemeke Diu haliweki paeyaoma꞉ ipika꞉ pi lao hatiki pimiki hali I̱ pa꞉ta꞉ epoa꞉me.

Aposolo 10:3

Nate ma꞉nda꞉na꞉ nate toke nane haena꞉ Koda꞉na꞉ enisolo homeke epeekeeki upama꞉ ota꞉ peneme yao handeke nono piekeme. Mo enisoloma꞉ ipiki pa꞉ta꞉ alota꞉ Koniliesio leekeme.

Kini Pieke 22:1

Nate ma꞉nda꞉na꞉ Koda꞉ma꞉ Eipoloha꞉ma꞉ la handuluekema꞉ wi alota꞉ Eipoloha꞉ma꞉o leeke Eipoloha꞉ma꞉ma꞉ hombo peaasota꞉ Wae laa alota꞉ I̱ do handa꞉e leekeme.

Kini Pieke 31:11

Kutupa mo Koda꞉na꞉ enisoloma꞉ upama꞉ I̱ pa꞉ta꞉ alota꞉ Dieikopeo leeke I̱ma꞉ Wae loa꞉me.

Aposolo 2:17

Koda꞉ma꞉ alota꞉ Natemanu paeluekema꞉ haena꞉ta꞉ dupulueke laa Wanda꞉hali paeyao pa꞉ta꞉ yaka Holi Sipitidi hale hale pulueke. Kutupa ika꞉ weki manuma꞉ make wandiki manuma꞉ make yaka pi la꞉ mea hala꞉tiki pilimikie. Ika꞉ weki haliwekima꞉ mandane hau pita꞉la꞉ ekimanu handena꞉ lolueke. Kutupa ika꞉ koke haliwekima꞉ make upamanu pilimikie.

Kini Pieke 14:15

Koto pateta꞉ ipika꞉ haliweki putupa꞉ putupa꞉ pea momba꞉lao haena꞉ loma loma peaata꞉ koto timba hata꞉ mo a꞉nda꞉ tunkuliki tapake lia bepolaemekeme. Ipikana꞉ma꞉ta꞉ mo haliwekita꞉ mo Damasikasina꞉ okane nanema꞉ tilao ota꞉ mo Hoba pua tolu lutia pemekeme.

Aposolo 9:9

Kutupa Solota꞉ ikali ne make na neke ala꞉ta꞉ ala꞉ta꞉ make na handeke hoto tepo oni Damasikasi da pa꞉ta꞉ wiekeme.

Aposolo 11:5

I̱ta꞉ mo Diopa daoni pa꞉ta꞉ hata꞉ yeni pitolo pitono upama꞉ piki nono pea handoa꞉ ekita꞉ dupae. Dapolo dau tiekema꞉ handeke ale lopa꞉niaeya꞉eki handoa꞉me. Oli ya nane honiki tonkopu yola꞉ mea wia hata꞉ hande dau I̱ haowa꞉ ale teke pa꞉ta꞉ lopa꞉niao wia꞉me.

Aposolo 12:9

Kutupa teli mea hama peekeme. Pidama꞉ mo enisoloma꞉ pieke ekita꞉ hone na wiki upama꞉ piki nono piekeme.

Aposolo 16:9

Timba upama꞉ piki nono pea Poloma꞉ hali ma꞉nda꞉ handeekeme. Ma꞉sedonia hali homekema꞉ ipiki pa꞉ta꞉ honke alo hata꞉ alota꞉ Ma꞉sedonia nane niki tamba꞉ mulu a꞉pa꞉peke laa leeke some homeke handeekeme.

Aposolo 16:10

Kutupa hande upama꞉ piki nono pikieki handaata꞉ Koda꞉ma꞉ hande Pi Seliapo koto wanda꞉hali pa꞉ta꞉ walomono lea꞉me hone witolo hata꞉ mo Ma꞉sedonia nane poluekema꞉ kuta kone pota꞉ weimikime.

Aposolo 18:9

Kutupa Tekehalima꞉ timba upama꞉ tupa꞉ Polo pa꞉ta꞉ leekeme. Dupa. Paala꞉ma꞉ homolo hata꞉ neke pa na pitiki ya pi wala꞉tiki pu hapeke leekeme.

2 Kotindi 11:32

I̱ta꞉ mo Damasikasi daoni pa꞉ta꞉ haowa꞉ dina꞉ta꞉ mo kini Aletasi oto pa꞉ta꞉ haya꞉ kapomani halima꞉ta꞉ I̱ minina꞉ alo hata꞉ mo daoni pota꞉ pa꞉ta꞉manu haliweki handeteke hao yapena꞉ lea꞉me.

Ka꞉leisia 1:17

mo Diutuseleme nane haemeke titina꞉ aposolo haliweki handolo make na peke pa tikitiki mo A꞉teibia kenke pa꞉ta꞉ pua wetepeta꞉ mo Damasikasi da nane paa la꞉ka꞉la epoa꞉me.

Aposolo 9:12

Kutupa ipikana꞉ma꞉ hali ma꞉nda꞉ biki A꞉na꞉naisi a꞉pa ipika꞉ kiki yaka youna꞉ a꞉pa wia꞉ka꞉na꞉ ya leke ki leliekee laa amba꞉ handea꞉me leekeme.