Aposolo 8:39 - Panake Pi La: Ula: Buka pita: Kine Pieke Buka

³⁹ Kutu piekepate ipilikana꞉ma꞉ mo ikali mina꞉pa꞉lao yopulu haena꞉ Tekehalina꞉ Sipitidima꞉ Pilipita꞉ pa a꞉pa a̱i̱ tamba꞉ mea peekeme. Kutupa mo bapitaisi pieke halima꞉ Pilipi ota꞉ paa na handeekepate ipikana꞉ma꞉ ta꞉na꞉ma꞉ homa꞉paleke ipika꞉ da peekeme

Aposolo 8:39 Referans Kwoze

Maka 1:10

Kutupa Yesuma꞉ ikali pa꞉ta꞉ mina꞉pa꞉lao opa꞉liaaso hata꞉ koto kone oli ya akolopa꞉pa wiekeeki handaata꞉ oli Holi Sipitidi make melipu tupa꞉ ipiki pa꞉ta꞉ hola꞉pa꞉niaeyekeeki handeekeme.

Pilipai 3:3

Mo hau pu haleme haliweki dia꞉ya꞉la꞉ pateta꞉ nikita꞉ mo ota꞉ sekemesaisi hauta꞉ mea haloma꞉me. Pa ekipape. Nikita꞉ Koda꞉na꞉ yakopiki temokoma꞉ tamba꞉ minolo haena꞉ Koda꞉ pa꞉ta꞉ yeni pu haloma꞉me. Kutupata꞉ Yesu Ketiso pa꞉ta꞉ tunao hata꞉ paleke na hao haloma꞉me. Kutupa make mo nika꞉ manda loke nina꞉ peaaseme haumanu pa꞉ta꞉ hone ota꞉ homeke a꞉nda꞉ ti lao na haloma꞉me.

Pilipai 4:4

Ika꞉ Tekehali pa꞉ta꞉ haleme ekina꞉ta꞉ hoto paeyao ta꞉na꞉ma꞉ homu hapa꞉peke. Paa make alome. Ta꞉na꞉ma꞉ homu hapa꞉peke.

Loma꞉ 5:2

Nikana꞉ma꞉ Yesu Ketiso pa꞉ta꞉ hone tulaaloma꞉ ekina꞉ ipikana꞉ma꞉ Koda꞉ma꞉ niki pa꞉ta꞉ pa hameke a꞉ta꞉ma꞉ homa꞉la꞉eki handomono la꞉la꞉me. Kutupa ameta꞉ koto tupa꞉ haloma꞉me. Koto ekina꞉ Koda꞉ma꞉ ipika꞉ pa̱a̱ pa꞉la꞉eki niki pa꞉ta꞉ teli teli peaalo pa꞉la꞉eki hone ti lao hata꞉ ta꞉na꞉ma꞉ homa haloma꞉me.

Aposolo 13:52

Kutupa mo disaipolo wanda꞉halima꞉ Holi Sipitidima꞉ tumba pita꞉ ta꞉na꞉ma꞉ homa꞉ tiaaso haena꞉ haemekeme.

Aposolo 8:8

Kutupa koto daoni pa꞉ta꞉ ta꞉na꞉ tieke homo haemekeme.

Ma꞉tiu 13:44

Mo hepenina꞉ Kilu Tombuao Hala꞉ ekita꞉ do tupa꞉e. Hali homekema꞉ ma꞉nda꞉na꞉ e mopuna꞉ pa peekepate kone amba꞉ haliwekima꞉ ti teke pimikieki handa꞉ wiekeme. Kutupata꞉ ipikana꞉ma꞉ ta꞉na꞉ tiekema꞉ homolo hata꞉ paa a꞉nka꞉la꞉ pambaata꞉ mo ti teke wieke e hamba꞉peke mani mandaneeki wopu muluekema꞉ ipika꞉ wia hayeke alemanu paeyao mandane wanda꞉halima꞉ hambena꞉ tapao mani meaata꞉ koto kone mo ti teke piekeeki handeeke e hambuluekema꞉ paa la꞉ka꞉la peekeme.

Ma꞉tiu 3:16

Yesu bapitaisi peao paeyeketa꞉ koto kone mo ikali mina꞉pa꞉lao tea꞉ nane yapeekeme. Kutu pitolo haena꞉ta꞉ koto kone oli ya akolopa wiaata꞉ mo hande Koda꞉na꞉ Sipitidi melipu tupa꞉ hola꞉pa꞉niao ipika꞉ loke manda tapepeekeeki handeekeme.

Aposolo 16:34

Kutupa ipika꞉ da pa꞉ta꞉ mo hali yaapo hatuku a꞉pa ipilika꞉ ne haleekeme. Kutupa ipika꞉ weki wanda꞉ ame̱le̱ hata꞉ Koda꞉na꞉ pi mimiki ekina꞉ ta꞉na꞉ma꞉ wotu homemekeme.

Aposolo 8:29

Kutupa mo Holi Sipitidima꞉ Pilipi pa꞉ta꞉ alota꞉ Mo hosima꞉ yola yopula꞉ ale teke pa꞉ta꞉ leke pua pita꞉peke leekeme.

Aposolo 8:38

Kutupa mo hande hosima꞉ yola yopula꞉ ale dataiwa hali pa꞉ta꞉ alota꞉ Koto pate hae laa Pilipi mo hali yaapo telipina꞉ ikali pa꞉ta꞉ pua kutupa Pilipima꞉ hande hali bapitaisi peaeyekeme.